Улуттук банктын жаңылыктары


Датасы: 22.05.2018
Туруктуу шилтеме

Кыргыз Республикасынын Улуттук банкынын ченемдик укуктук актыларынын талаптарын бузгандыгы жана күнүмдүк отчетторду тапшырбагандыгы үчүн, Кыргыз Республикасынын Улуттук банкы 2018-жылдын 18 майынан баштап нак чет өлкө валюталары менен алмашуу операцияларынын төмөнкү алмашуу бюролордун лицензияларын кайтарып алды: 

- ЖЧК «Ключевка», лицензиясы 2015-жылдын 29 октябрынан №5393; 

- ЖЧК «МД Арууке» (MD Aruuke), лицензиясы 2016-жылдын 2 августунан №5485, 

- ЖЧК «Нур-Форекс», лицензиясы 2016-жылдын 2 майынан №5440. 

Алмашуу бюролор Кыргыз Республикасынын Улуттук банкынын «Нак чет өлкө валюталары менен алмашуу операцияларынын лицензиясын кайтаруу боюнча» кат менен Бишкек шаары, Умөталиев атындагы көчөсү, 101 дареги боюнча таанышууга акысы бар. Маалыматтар 0 312 66 92 58 телефон боюнча берилет. 

 


Датасы: 18.05.2018
Туруктуу шилтеме

Кыргыз Республикасынын Улуттук банкы «Кыргыз Республикасынын Улуттук банк Башкармасынын 2009-жылдын 15-июлундагы № 30/6 «Кыргыз Республикасында акча которуу системалары боюнча которууларды жүзөгө ашыруу эрежелерин бекитүү тууралуу» токтомуна өзгөртүүлөрдү жана толуктоолорду киргизүү жөнүндө» токтом долбоорун коомдук талкууга сунуштайт. 

Долбоор Улуутук банктын расмий интернет-сайтында «Улуттук банктын ченемдик актылары/Талкууга сунушталган долбоорлор»бөлүгүндө жайгаштырылган. 

Коммерциялык банктар жана эл-аралык акча которуу операторлор долбоор боюнча сунуш-пикирлерди 2018-жылдын 19-июнунан кечиктирбестен adjakubova@nbkr.kg электрондук дарегине (Word форматында) жөнөтүүнү өтүнөбүз. 


Датасы: 18.05.2018
Туруктуу шилтеме

1. Кыргыз Республикасынын Улуттук банкы «ЭкоИсламикБанк» ЖАКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Исмаилов Мурат Амановичтин талапкерлигине макулдук берүү чечимин 2018-жылдын 17-майында кабыл алды; 

2. Кыргыз Республикасынын Улуттук банкы Россия-Кыргызстандык «АМАНБАНК» ААКсы тарабынан Ички аудит кызматынын жетекчиси кызмат ордуна сунушталган Медетбеков Уланбек Сабатбековичтин талапкерлигине макулдук берүү чечимин 2018-жылдын 17-майында кабыл алды;  

3. Кыргыз Республикасынын Улуттук банкы «БАКАЙ БАНК» ААКсы тарабынан сунушталган Кыргызбаева Асель Жекшенбековнанын талапкерлигине макулдук берүү чечимин 2018-жылдын 17-майында кабыл алды; 

4. Кыргыз Республикасынын Улуттук банкы «Дос-Кредобанк» ААКсы тарабынан Башкарманын төрагасы кызмат ордуна сунушталган Мусабаев Данияр Шералиевичтин талапкерлигине макулдук берүү чечимин 2018-жылдын 17-майында кабыл алды. 

 


Датасы: 16.05.2018
Туруктуу шилтеме

«Кыргызстандын эстелик монеталары» фотокөргөзмөсү 

 

Кыргыз Республикасынын Улуттук банкы тарабынан Кыргыз Республикасынын улуттук валютасынын жүгүртүүгө чыгарылышынын 25 жылдыгына карата 2018-жылдын 15-майынан 26-майына чейин Бишкек шаарындагы Ала-Тоо аянтында «Кыргызстандын эстелик монеталары» Бишкек шаарынын мэриясынын колдоосу менен фотокөргөзмөсү уюштурулат.  

Көргөзмөгө Улуттук банк тарабынан 1995-жылдан тартып чыгарылган бардык коллекциялык монеталар коюлган. Аларда кыргыз мамлекеттүүлүгүнүн түптөлүшүнө байланыштуу тарыхый жана маданий эстеликтер, маанилүү даталар чагылдырылган жана улуттук үрп-адаттарды жана оюндарды кайра жандандырууга, Кыргызстанда жок болуп бара жаткан флора жана фауналардын түрлөрүн жайылтууга багытталган.  

 

 


Датасы: 14.05.2018
Туруктуу шилтеме

Бишкек шаарынын Бейшеналиева Б. көчөсү 33 дареги боюнча Кыргыз Республикасынын Улуттук банкынын лицензиясыз нак чет өлкө валютасы менен алмашуу операцияларын жүргүзүү фактысы боюнча Кыргыз Республикасынын жараны К.Н.К. 100 000 сом айып салуу менен административдик жоопкерчиликке тартылды. 

 


Датасы: 11.05.2018
Туруктуу шилтеме

Улуттук банктын Төрагасы Т.Абдыгулов ЭВФтин директор-тескөөчүсүнүн орун басары  

Тао Чжан мырза менен жолугушту 

 

Бүгүн, 2018-жылдын 11-майында Улуттук банктын Төрагасы Т.Абдыгулов Кыргыз Республикасынын улуттук валютасынын жүгүртүүгө чыгарылышынын 25 жылдыгына арналган эл аралык конференцияга катышуу үчүн келген Эл аралык валюта фондусунун директор-тескөөчүсүнүн орун басары Тао Чжан менен жолугушту. Жолугушууга ошондой эле ЭВФтин башкаруучу директорунун орун басарынын кеңешчиси Стивен Алан Барнетт, ЭВФтин Кыргыз Республикасы боюнча миссиясынын башчысы Эдвард Джемайэль, ЭВФтин Кыргыз Республикасы боюнча миссиясынын жаңы башчысы Кристиан Жос жана ЭВФтин Кыргыз Республикасындагы туруктуу өкүлү Яхья Хаири Саид мырзалар катышты. 

Иш-чаранын жүрүшүндө Т. Абдыгулов Кыргыз Республикасынын ЭВФ менен өз ара алгылыктуу иш алып баруусунун маанилүүлүгүн, улуттук валютаны жүгүртүүгө чыгаруу жана анын калыптанышы мезгилинде ЭВФтин ролун белгиледи. Акча-кредит саясаты, финансылык реформалар жана башка маселелер боюнча ЭВФ мындан ары да компетенттүү глобалдуу борбор бойдон каларын баса көрсөттү.  

Ал эми Тао Чжан мырза инфляцияны ооздуктап, финансылык туруктуулукту камсыз кылууда Улуттук банк жетишип жаткан ийгиликтерге токтолду.  

Мындан тышкары, тараптар Кыргыз Республикасынын ЭВФ менен мындан ары да кызматташуу маселелерин, ошондой эле өлкөдө орун алып турган экономикалык жагдайды талкуулашты.  

Кыргыз Республикасы ЭВФтин Уставынын Келишимдер Статьясына кол койгондон кийин 1992-жылдын 8-майынан тартып ЭВФтин мүчөсү болуп калган. Эгемендүүлүккө ээ болгон жылдар ичинде аталган фонд менен өз ара кызматташуу анын ар кандай кредиттик механизмдеринин алкагында ишке ашырылып келген жана мындай кызматташуу Кыргыз Республикасынын экономикалык өнүгүшү үчүн маанилүү болуп саналат.  

 

 

 

 


Датасы: 11.05.2018
Туруктуу шилтеме

 

Кыргыз Республикасынын улуттук валютасынын жүгүртүүгө чыгарылгандыгынын 25 жылдыгына арналган Эл аралык конференция  

 

2018-жылдын 11-майында улуттук валюта-сомдун жүгүртүүгө чыгарылгандыгынын 25 жылдыгына арналган Эл аралык конференция болуп өттү. Улуттук банктын төрагасы Толкунбек Абдыгулов конференцияны ачык деп жарыялап, анын жүрүшүндө Кыргыз Республикасынын Президенти Сооронбай Жээнбеков куттуктоо сөзүн сүйлөдү: «Бүгүн банк системасы Кыргызстандын социалдык-экономикалык өнүгүшүндө өтө маанилүү ролду ойнойт. Улуттук банк кыска мөөнөттүү инфляциялык жана валюта курсунун туруктуулугунун көйгөйлөрү менен ийгиликтүү күрөшүп жатат» деп белгиледи.  

Мындан сырткары Кыргыз Республикасынын Жогорку Кеңешинин Вице-спикери Асель Кодуранова, Жогорку Кенештин депутаттары, Вице-премьер министр Замир Аскаров, Швейцария Улуттук банкынын башчысы Т.Йордан, Эл аралык валюта фондунун башкаруучу директорунун орун басары Т.Чжан, Россия Федерациясынын Борбордук банкынын Директорлор кеңешинин мүчөсү С.Игнатьев куттуктоо сөздөрүн айтышты. Конференциянын ишине Өкмөттүн өкүлдөрү, ошондой эле эл аралык уюмдардын, КМШ өлкөлөрүнүн борбордук (улуттук) банктарынын өкүлдөрү, министрликтердин, ведомстволордун жана коммерциялык банктардын жетекчилери катышышты.  

Иш-чаранын соңунда, Улуттук банктын Төрагасы Т.Абдыгулов бардык катышуучуларды конференциянын ишине активдүү катышып бергендиктери үчүн ыраазычылык билдирип, «Көз карандысыздык жылдары макроэкономикада зор иштер аткарылды. Сомдун жүгүртүүгө чыгышы менен өзгөрүлмөлүү алмашуу курс режими кабыл алынган. Ал өзүнүн натыйжалуулугун көргүзүп, ички экономикалык өзгөрүүлөр жана кризис менен күрөшүүгө бир кыйла жардам болуп жатат», - деп билдирди, Толкунбек Абдыгулов.  

 

Маалымат үчүн: Конференцияга Россиянын, Молдованын, Монголиянын, Таджикистандын, Армениянын жана Чехиянын Борбордук банктарынын өкүлдөрү да келип катышышты. 

 

 

 

 

 

 

 


Датасы: 11.05.2018
Туруктуу шилтеме

1. Кыргыз Республикасынын Улуттук банкы «Айыл Банк» ААКсы тарабынан аудит комитетинин Төрагасынын кызмат ордуна сунушталган Базаркулов Улан Аскарбековичтин талапкерлигине макулдук берүү чечимин 2018-жылдын 10-майында кабыл алды; 

2. Кыргыз Республикасынын Улуттук банкы «Кыргыз Инвестициялык Кредит Банкы» ЖАКсы тарабынан Директорлор кеңешинин мүчөсү кызмат ордуна сунушталган Хабиб Юсуф Хабибтин талапкерлигине макулдук берүү чечимин 2018-жылдын 10-майында кабыл алды; 

3. Кыргыз Республикасынын Улуттук банкы «Бай Тушум» Банкы ЖАКсы тарабынан Башкарманын мүчѳсү/Бизнес директору кызмат ордуна сунушталган Ким Ирина Валентинованын талапкерлигине макулдук берүү чечимин 2018-жылдын 10-майында кабыл алды. 

 


Датасы: 10.05.2018
Туруктуу шилтеме

Улуттук банктын Төрагасы Толкунбек Абдыгулов 2018-жылдын 10-майында Өзбекстан Республикасынын Борбордук банкынын төрагасы Мамаризо Нурмуратов менен эки тараптуу жолугушуу өткөрүп, анын жүрүшүндө эки өлкөнүн борбордук банктарынын башчылары Кыргызстанда жана Өзбекстанда учурда орун алып жаткан экономикалык абал, борбордук банктардын акча-кредит саясатын, мындан ары да кызматташуу келечеги тууралуу маселени талкуулашты.  

Толкунбек Абдыгулов региондо жүрүп жаткан интеграциялык процесстердин алкагында өз ара алгылыктуу негизде кызматташып, иш алып баруунун маанилүүлүгүн баса белгиледи.  

Мамаризо Нурмуратов мырза өз кезегинде, улуттук валюта сомдун жүгүртүүгө чыгарылышынын чейрек кылымдык мааракеси менен куттуктап, Улуттук банкка өлкөдө макроэкономикалык туруктуулукту камсыз кылууда ийгиликтерди каалап, жетишкендиктерге тилектештигин билдирди.  

 

 


Датасы: 10.05.2018
Туруктуу шилтеме

Кыргыз Республикасынын Улуттук банкынын Төрагасы Толкунбек Абдыгулов Швейцария банкынын төрагасы Томас Йордан менен жолугушуу болуп өттү 

 

Кыргыз Республикасынын Улуттук банкынын Төрагасы Толкунбек Абдыгулов 2018-жылдын 10-майында Швейцария банкынын төрагасы Томас Йордан менен жолугушуп, анын жүрүшүндө тараптар дүйнөлүк экономикада учурда түптөлгөн жагдай жана эки өлкөнүн борбордук банктарынын ортосунда мындан ары да кызматташуу келечеги жөнүндө сөз болуп, ой-пикирлер ортого салынды.  

Улуттук банктын Төрагасы Толкунбек Абдыгулов Швейцариянын Улуттук банкына кыргыз тарапка көрсөтүлүп жаткан жардамына ыраазылыгын билдирип, Кыргызстанда банк ишинин эл аралык тажрыйбасын колдонуунун жана инновациялык банк технологиясын жайылтуунун маанилүүлүгүн баса белгиледи.  

Өз кезегинде Швейцариянын Улуттук банкынын төрагасы Томас Йордан мырза улуттук валюта сомдун жүгүртүүгө чыгаруу мааракеси менен куттуктап, макроэкономикалык туруктуулукту камсыз кылууда мындан аркы ийгиликтерди каалап кетти.  

 


Датасы: 10.05.2018
Туруктуу шилтеме

2018-жылдын 10-майында улуттук валюта-сомдун жүгүртүүгө чыгарылышынын 25 жылдыгына, ошондой эле жаңы коллекциялык монеталардын киргизилишине байланыштуу пресс-конференция өттү  

Улуттук банк 2018-жылдын 10-майында улуттук валютанын 25 жылдыгынын урматына, ошондой эле «Кыргыз Республикасынын улуттук валютасына 25 жыл» жез-никель монетасынын, «Комуз» күмүш монетасынын жүгүртүүгө чыгарылышына байланыштуу Улуттук банктын Төрагасы Т. Абдыгуловдун катышкан пресс-конференция өткөрдү

Чейрек кылым мурда 1993-жылдын 10-майынын таңкы саат 4:00дө республика аймагында кыргыз сому жүгүртүүгө чыгарылып, расмий төлөм каражаты статусуна ээ болгон.  

«Бүгүнкү күндө 25 жыл жыйынтыгын чыгаруу менен кыргыз сому өлкөнүн экономикалык жана саясий турмушунда ар кандай өзгөрүүлөргө карабастан, төлөөгө жөндөмдүүлүгүн жана туруктуулугун ишенимдүү далилдей алды» - деп баса белгиледи өлкөнүн башкы банкынын жееткчиси. 

Толкунбек Абдыгулов Кыргызстандын банкноттору басма ишинде колдонулган эң мыкты технологияларды, ошондой эле жасалма акча жасоочулуктан ишенимдүү коргогон үч баскычтуу коргоо мүнөздөмөлөрүн камтуу менен даярдалгандыгын, кыргыз сому учурда туруктуу мүнөзгө ээ экендиги, дизайны жана коргоо өзгөчөлүгү менен башка валюталар менен атаандашып, ал эми айрым банкноттор эл аралык деңгээлдеги абройлуу сынактарда татыктуу баасын алууга жетишкендигин баса белгиледи. 

Мындан тышкары, банк ишин башкы жөнгө салуучу «Тарыхый окуялар» сериясынан «Кыргыз Республикасынын улуттук валютасына 25 жыл» жез-никелден жасалган коллекциялык монета, ошондой эле «Улуттук музыкалык аспаптар» сериясынан «Комуз» коллекциялык күмүш монетасы 2018-жылдын 10-майында жүгүртүүгө чыгарылдыгын сыймыктануу менен кабарлады

 


Датасы: 10.05.2018
Туруктуу шилтеме

Кыргыз Республикасынын Улуттук банкы 2018-жылдын 10-майынан тартып «Тарыхый окуялар» сериясынан «Кыргыз Республикасынын улуттук валютасына 25 жыл» жез-никелден даярдалган коллекциялык монетаны, ошондой эле «Улуттук музыкалык аспаптар» сериясынан «Комуз» коллекциялык күмүш монетасын жүгүртүүгө чыгарат.   

«Кыргыз Республикасынын улуттук валютасына 25 жыл» коллекциялык жез-никель монетасы кыргыз мамлекеттүүлүгүнүн калыптанышы жолундагы маанилүү тарыхый окуяларды чагылдырып, даңазалоо максатында чыгарылууда

Монетанын алдыңкы бетинин негизги сюжетин алгачкы 1 тыйын номиналындагы банкнот жана жогорку 5 000 сом номиналындагы банкнот чагылдырылган. Монетанын жогорку бөлүгүндө «Кыргыз Республикасынын улуттук валютасына 25 жыл» жазуусу орун алып, төмөнкү бөлүгүндө монетанын номиналы жана Кыргыз Республикасынын расмий акча бирдигинин баш тамгасынан турган сомдун белгиси асты сызылып баса көрсөтүлгөн, бул улуттук валютанын туруктуулугунун дагы бир тастыктамасынан болуп саналат. 

Монетанын арткы бетинин чок ортосунда Кыргыз Республикасынын герби түшүрүлүп, аны айланта 1, 10, 50 тыйын жана 1, 3, 5, 10 сом номиналындагы монеталарга орун берилген. Төмөнкү бөлүгүндө монетанын чыгарылган жылы (2018) көрсөтүлгөн.  

Жез-никелден жасалган монеталардын ар бири акрил капсуласына салынып сакталат.  

Ал эми «Улуттук музыкалык аспаптар» сериясынан «Комуз» коллекциялык күмүш монетасы кыргыз элинин кылым карыткан баа жеткис көркөм маданиятын даңазалоо максатында чыгарылууда. 

Түпкүлүктүү элдин ой-тилегин, жан-дүйнөсүн түйшөлткөн арзуу сезимин үч буроо, жалгыз тээк, үч кыл аркылуу жеткирген комуздун сүрөттөлүшү монетанын алдыңкы бетинин негизги сюжетин түзөт. Анын чок ортосунда монетанын номиналы (10 сом) көрсөтүлгөн. Сол жак бөлүгүндө монетанын аталышы «Комуз» жана металлдын сапат белгиси (Ag 925°), оң жагында монетанын латын тамгасында берилген аталышы «Komuz» жана салмагы (28,28 г) чагылдырылган. 

Монетанын арткы бетинин жогорку бөлүгүндө Кыргыз Республикасынын герби, борбордук бөлүгүндө музыкалык аспаптын алкагында комузда кол ойнотуп чертип жаткан комузчунун элеси түшүрүлгөн. Монетанын төмөнкү бөлүгүндө чыгарылган жылы (2018), сол жагында «Улуттук музыкалык аспаптар» деген жазуу тигинен жайгаштырылган.  

Ар бир күмүш монета секртификаты менен кошо акрил капсуласына салынып сакталат. 

 

  

Монеталардын мүнөздөмөлөрү:  

Аталышы  

Номиналы  

Металлы (сапат белгиси)  

Диаметри/ өлчөмү(мм)  

Салмагы (г)  

Сапаты  

Нускасы (даанасы)  

Сатуу баасы (сом)  

Кыргыз Республикасынын улуттук валютасына 25 жыл 

5 сом 

Жез-никель  

33,00 

15,50 

Uncirculated 

5 000 

500 

Комуз 

10 сом 

Күмүш 925°  

38,61  

28,28  

«Proof»  

1 000  

2 905  

  

Монеталар Кыргыз Республикасынын аймагында расмий төлөм каражаты статусуна ээ.   

  

 

 

 


Датасы: 10.05.2018
Туруктуу шилтеме

 

Улуттук валютага 25 жыл! 

 

Кыргыз Республикасынын аймагында 1993-жылдын 10-майында саат 4:00д улуттук валюта сом жүртүүгө чыгарылган.  

Кыргыз сому менен орус рубли 5 күн бою катар жүгүртүлүп, 1993-жылдын 14-майында саат 18:00дон тартып сом Кыргыз Республикасында расмий төлөм каражаты статусуна ээ болгон.  

Өз улуттук валютасын киргизүү жаңыдан телчигип келе жаткан өлкө үчүн өз алдынча экономикалык саясатты аныктап, акча-кредит саясатын жүргүзүүгө өбөлгө түзгөн. Учурунда кабыл алынган мындай тарыхый чечимдин туура экендигин мезгил тастыктап далилдөөдө.  

Чейрек кылым ичинде кыргыз сому ишенимдүү коргоо белгилерине, өзгөчөлөнгөн дизайнга ээ, башка валюталар менен таасирдүү атаандаша алган, эл аралык деңгээлдеги абройго татыктуу болгон валютага деңгээлине жетти.  

Кыргыз сомунун банкноттору 4 жолу өркүндөтүлүп, учурда 1, 2, 3 жана 4 сериядагы банкноттор жүгүртүлүп жатат. 2017-жылы дизайны алда канча өркүндөтүлгөн 4 сериянын банкноттору жүгүртүүгө чыккан.  

2017-жылдын ноябрь айында Кыргыз Республикасынын эгемендүүлүгүнүн 25 жылдыгына, Улуттук банктын түптөлүшүнүн 25 жылдыгына, ошондой эле улуттук валютанын жүгүртүүгө чыгарылышынын 25 жылдык мааракесине карата 2000 сом номиналындагы алгачкы эстелик банкнот чыгарылган. Учурда эстелик банкнот Борбордук жана Чыгыш Европа, ошондой эле КМШ өлкөлөрүнүн ичинде “2018-жылдын регионалдык эң мыкты банкноту” абройлуу эл аралык сынагынын жеңүүчүсү болууга да жетишти. 

Улуттук валютага карата ишеним, анын сатып алуу жөндөмдүүлүгү жана баа туруктуулугу ар бир өлкөнүн экономикалык маанилүү көрсөткүчү болуп саналат. 25 жыл ичинде кыргыз сому өлкөдөгү экономикалык жана саясий өзгөрүүлөргө карабастан туруктуулугун ишенимдүү тастыктай алды. 

 

 


Датасы: 07.05.2018
Туруктуу шилтеме

2018-жылдын 7-майында Т. Сатылганов атындагы Кыргыз Улуттук филармонияда улуттук валютанын 25 жылдыгына жана банк кызматкерлеринин күнүнө арналган салтанаттуу жыйын болду 

 

Т. Сатылганов атындагы Кыргыз Улуттук филармониясында улуттук валютанын 25 жылдыгына жана банк кызматкерлеринин күнүнө арналган салтанаттуу жыйын болуп, ага Президенттин жана Өкмөттүн администрациясы, министрлик жана ведомстволордун өкүлдөрү, Улуттук банктын эмгек жамааты, ошондой эле улуттук валютаны киргизүүгө жана аны жайылтууга салымын кошкон Улуттук банктын ишмердүүлүгүнүн ар башка учурларында эмгектенген Улуттук банктын эмгек сиңирген кызматкерлери катышышты.  

Салтанаттуу жыйынды ачып жатып, Улуттук банктын Төрагасы Т.Абдыгулов, «Мындан чейрек кылым мурда, 1993-жылы Кыргыз Республикасы КМШ өлкөлөрүнүн ичинен биринчилерден болуп, мурдагы совет мейкиндигинде өзүнүн валютасын киргизген. Бул өз алдынча акча-кредиттик саясатын жүргүзүүдөгү эң негизги кадам болгон. Мындай тарыхый чечимдин кабыл алынышы эң туура болгондугун мезгил тастыктады», деп билдирди.  

Иш чараны жыйынтыктап жатып, Т. Абдыгулов сомду киргизүүгө зор салымын кошкон банк системасынын ардагерлерине, банкноттун алгачкы дизайнери Д.Лысагоровго жана биринчи кыргыз банкнотун ташып келүүнү ишке ашырган учкучтарга терең урматтоо менен раазылыгын билдирди.  

 


Датасы: 07.05.2018
Туруктуу шилтеме

Кыргыз Республикасынын Улуттук банкынын банктык мыйзамдарын бузуу фактысы боюнча, Ош шаарында жайгашкан кредиттик союздун кызмат адамы 50 000 сом айып салуу менен административдик жоопкерчиликке тартылды. 

 


Датасы: 07.05.2018
Туруктуу шилтеме

 

 

Улуттук валютанын 25 жылдыгына жана Кыргыз Республикасынын Конституциясы кабыл алынган күнгө карата уюштурулган иш-чара  

 

2018-жылдын 5-майында Э.З.Гареев атындагы ботаникалык бакчада улуттук валютанын 25 жылдыгына жана Кыргыз Республикасынын Конституциясы кабыл алынган күнгө карата Улуттук банк тарабынан жарыш уюуштурулуп, ага Улуттук банктын жетекчилиги, кызматкерлери жана 18 коммерциялык банктын өкүлдөрү катышкан.  

Улуттук банктын Төрагасы Толкунбек Абдыгулов куттуктоо сөзүндө жарышка жигердүү катышкандардын бардыгына ыраазычылык билдирип, "Улуттук валютанын 25 жылдыгына жана Конституция күнүнө арналган мына ушундай иш-чаранын көздөгөн максаты - массалык спортту өнүктүрүү аркылуу сергек жашоого үндөп, ден соолукту чыңдоо жана дене тарбия жана спорт маданиятын кеңири жайылтуу болуп саналаарын билегиледи. 

Жарыш аял заты жана эркектер арасында, 35 жашка чейин жана 35тен өткөндөр ортосунда эки тайпада өткөрүлдү. Ал эми 100 метрге чейинки жарыш форматындагы эстафетатада коммерциялык банктар менен Улуттук банктын өкүлдөрү ат салышты.  

Банк тутумунун кызматкерлеринин спортту кеңири жайылтууга, корпоративдик маанайды бекемдөөгө арналган бул спорттук мелдеш улуттук валюта сомдун жүгүртүүгө чыгарылышынын 25 жылдыгына карата Улуттук банк тарабынан өткөрүлүп жаткан иш-чараларынын алкагында уюштурулду. Анткени, мындан 25 жыл мурда, б.а. 1993-жылдын 10-майында өз алдынча өнүгүү багытын тандап алган мамлекетибиздин улуттук валютасы жүгүртүүгө чыгарылган эле. 

 

 

 


Датасы: 07.05.2018
Туруктуу шилтеме

1. Кыргыз Республикасынын Улуттук банкы «Кыргызкоммерцбанк» ААКсы тарабынан Директорлор кеңешинин мүчөсү кызмат ордуна сунушталган Эргашев Санжар Анваровичтин талапкерлигине макулдук берүү чечимин 2018-жылдын 3-майында кабыл алды; 

2. Кыргыз Республикасынын Улуттук банкы «Коммерциялык банк КЫРГЫЗСТАН» ААКсы тарабынан Директорлор кеңешинин мүчөсү кызмат ордуна сунушталган Чокоев Заир Ленаровичтин талапкерлигине макулдук берүү чечимин 2018-жылдын 3-майында кабыл алды; 

3. Кыргыз Республикасынын Улуттук банкы ЖАК «Толубай» АКБы тарабынан Директорлор кеңешинин мүчөсү кызмат ордуна сунушталган Дулатов Марат Асанбековичтин талапкерлигине макулдук берүү чечимин 2018-жылдын 3-майында кабыл алды. 

 


Датасы: 28.04.2018
Туруктуу шилтеме

Улуттук банк Башкармасы тарабынан 2018 - жылдын 26 - апрелинде «Улуттук банк Башкармасынын «2011-жылдын 27-июлундагы №40/4 «Нак чет өлкө валютасы менен алмашуу операцияларын жүргүзүү укугуна лицензия берүү тартиби жөнүндө» жобону бекитүү тууралуу токтомуна толуктоолорду жана өзгөртүүлөрдү киргизүү жөнүндө» №2018-П-12/14-2-(НПА) токтому кабыл алынып, ага ылайык сезондук негизде (бир календардык жыл ичинде 4 ыраттуу айдан азыраак) иш алып баруучу алмашуу бюролордун жүгүртүү каражаттарынын өлчөмүнө карата болгон талаптар кайра каралып чыкты, бир алмашуу бюросуна кошумча дагы төрт алмашуу бюросун ачуу мүмкүнчүлүгү түзүлдү, нак чет өлкө валютасы менен алмашуу операцияларын жүзөгө ашыруу укугуна лицензия алуу жол-жобосу жөнөкөйлөтүлдү жана тартиптештиирилди.  

Токтом расмий жарыялангандан он беш күн өткөндөн кийин күчүнө кирет. 

Токтом Улуттук банктын расмий сайтында: www.nbkr.kg/ Банк/ Банк иши тууралуу мыйзамдар/Улуттук банк Башкармасынын токтомдору дареги боюнча жайгаштырылган. 

 


Датасы: 27.04.2018
Туруктуу шилтеме

Кыргыз Республикасынын Улуттук банкы коллекциялык монеталарды сатуу боюнча аукциондун жыйынтыгын чыгарды 

 

Кыргыз Республикасынын улуттук валютанын жүгүртүүгө чыгарылышынын 25 жылдыгына арналган иш-чаралардын алкагында, Улуттук банк 2018-жылдын 26-апрелинде сейрек (сатууда бүткөн) коллекциялык монеталарды сатуу боюнча аукционду өткөрдү

Улуттук банк аукционго 66 коллекциялык монеталарды чыгарды, анын ичинде: 2 алтын, 34 күмүш жана пластикте таңычакталган 1 баракта 30 даана 1 тыйын номиналындагы коллекциялык монеталары. 

Аукцион кадамы 100 сомду түздү. 26 катышуучу катталды. 

Аукционго чыгарган лоттордун жалпы баштапкы баасы 216 900 (эки жүз он алты миң тогуз жүз) сомду түздү. Аукциондун жыйынтыгы боюнча коллекциялык монеталарды сатуунун жалпы суммасы 501 600 (беш жүз бир миң алты жүз) сомду түздү

Эң жогорку баада "Манас эпосуна 1000 жыл" алтын монетасы 108 000 сомго сатылды, бул монетанын баштапкы баасы 23 000 сомду түзгөн, ал эми күмүш монеталар боюнча баштапкы баасы  5 000 сомду түзгөн “Эл аралык тоо жылы” сериясындагы "Аркар" жана "Ак маңдай гүл" күмүш монеталары ар бири  20 000 сомго сатылды. 

 

 


Датасы: 27.04.2018
Туруктуу шилтеме

1. Кыргыз Республикасынын Улуттук банкы «РСК Банкы» ААКсы тарабынан Директорлор кеңешинин мүчөсү жана аудит комитетинин Төрагасынын кызмат ордуна сунушталган Омуралиев Канатбек Эсенгуловичтин талапкерлигине макулдук берүү чечимин 2018-жылдын 26-апрелинде кабыл алды; 

2. Кыргыз Республикасынын Улуттук банкы «Айыл Банк» ААКсы тарабынан Директорлор кеңешинин мүчөсү кызмат ордуна сунушталган Токтоболотов Малабек Анашовичтин талапкерлигине макулдук берүү чечимин 2018-жылдын 26-апрелинде кабыл алды; 

3. Кыргыз Республикасынын Улуттук банкы «Дос-Кредобанк» ААКсы тарабынан кредиттөө департаментин түздөн-түз тескөөгө алган Башкарманын төрагасынын орун басары кызмат ордуна сунушталган Бекташева Чинара Нажимудиновнанын талапкерлигине макулдук берүү чечимин 2018-жылдын 26-апрелинде кабыл алды. 


Датасы: 23.04.2018
Туруктуу шилтеме

Долбоор коммерциялык банктардын ишинде кездешкен тобокелдиктерди жана эл аралык финансылык рыноктордо орун алып жаткан туруксуздук жагдайынын таасирин басаңдатуу ошондой эле, айыл чарбасын жана экспортко багыталган, импортту алмаштыруучу товарларды чыгарган ишканаларды каржылоого байланыштуу мамлекеттик программаларга катышуусу үчүн коммерциалык банктарга өбөлгө түзүү максатында Улуттук банк коммерциялык банктардын капиталынын шайкештиги стандарты маселеси боюнча «Кыргыз Республикасынын Улуттук банктын айрым ченемдик укуктук актыларына өзгөртүүлөр жана толуктоолор жөнүндө» долбоорун иштеп чыкты. Долбоордо Улуттук банктын төмөнкү ченемдик укуктук актыларына өзгөртүлөр жана толуктоолор каралган: 

- Улуттук банк Башкармасынын 2004-жылдын 21-июлундагы №18/2 токтому менен бекитилген “Кыргыз Республикасынын коммерциялык банктарынын капиталынын шайкештиги стандартын аныктоо жөнүндө” нускоо; 

- Улуттук банк Башкармасынын 2005-жылдын 25-августундагы №26/5 “Мезгил-мезгили менен берилүүчү регулятивдик отчет жөнүндө” жобо. 

Долбоор банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 23-майынан кечиктирбестен aatyshova@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 23.04.2018
Туруктуу шилтеме

Улуттук банк Башкармасынын 2015-жылдын 25-ноябрындагы № 71/11 токтому менен бекитилген “Төлөм системасынын операторлорунун жана төлөм уюмдарынын ишин лицензиялоо жөнүндө” жобо талабына ылайык, төлөм системасынын операторлорунун жана төлөм уюмдарынын реестринде «Барс мани» ЖЧКсы катталды. 

«Барс мани» ЖЧКсына 2018-жылдын 20-апрелинде төмөнкү иш багыттарын жүзөгө ашырууга лицензиялар берилген: 

№ 3023200418 маалымат технологияларына жана электрондук каражаттарга, ошондой эле төлөмдөрдү өткөрүү ыкмаларына негизденген төлөм системасы аркылуу үчүнчү жактардын пайдасына өз иш натыйжасынан болуп саналбаган товарлар жана кызмат көрсөтүүлөр үчүн төлөмдөрдү кабыл алуу, өткөрүү, эсептешүүлөргө байланыштуу кызмат көрсөтүүлөрдү сунуштоо; 

№ 2023200418 үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу жана сунуштоо (процессинг, клиринг) кызмат көрсөтүүлөрүн төлөм системасынын ошол процессинг, клиринг борборунун катышуучуларына сунуштоо. 

 


Датасы: 20.04.2018
Туруктуу шилтеме

Мамлекеттик тил - банк саясатында 

 

Кечее, 2018-жылдын 19-апрель күнү Кыргыз Республикасынын Улуттук банкында Улуттук банктын Төрагасынын орун басары Л.Дж.Орозбаева, Улуттук банк Башкармасынын мүчөлөрү Т.Дж.Джусупов, А.К.Сыдыковдун, Улуттук банктын түзүмдүк бөлүмдөрүнүн жетекчилеринин катышуусунда “Мамлекеттик тил - банк саясатында” темасында тегерек стол маеги өткөрүлүп, ага Кыргыз Республикасынын Президентине караштуу Мамлекеттик тилди өнүктүрүү боюнча комиссиянын төрагасынын орун басары Аким уулу Медербек баштап келген делегация, “Айыл Банк” ААКсынын, “БТА Банк” ЖАКтын, МФК “Салым финанс”, “Элет Капитал” ЖЧКларынын өкүлдөрү катышып, Кыргыз Республикасынын “Мамлекеттик тил жөнүндө” мыйзам талабынын Улуттук банкта аткарылышы, орун алып жаткан көйгөйлүү маселелер, айрыкча терминдерди бирдейлештирүү, ченемдик укуктук актыларды которуу сапатын жогорулатуу маселесине көңүл бурулуп, банк жана микрокаржылоо системасында бул багытта ишти күчөтүү жагында кең-кесири сөз болуп, ой-пикирлер ортого салынды.  

Жолугушуунун жүрүшүндө Мамлекеттик тил комиссиясынын төрагасынын орун басары Аким уулу Медербек мырза, комиссиянын өкүлдөрү быйылкы жылы бир катар мекеме-уюмдун, анын ичинде Улуттук банктын жана айрым коммерциялык банктын жана микрокаржылоо уюмдарынын ишине текшерүү жүргүзүп, мамлекеттик тилди өнүктүрүү жагында орун алып жаткан кемчиликтер, сунуш-пикирлер айтылган корутунду жөнөтүлгөндүгүн белгилеп өттү. Текшерүүнүн жыйынтыгы боюнча айрыкча Улуттук банкта мамлекеттик тилдин кеңири, толук кандуу колдоого алынышын камсыз кылууга өбөлгө түзүлгөндүгүн, банк ишине тиешелүү терминдер такталгандыгын, кызматкерлерге тил үйрөнүү үчүн тиешелүү шарттар түзүлгөндүгүн, отурумдарды, кеңешмелерди мамлекеттик тилде өткөрүү иши жөнгө салынгандыгын, иш кагаздары дээрлик мамлекеттик тилге өткөрүлүп, ченемдик укуктук актылар, банктын бардык басылмалары, расмий интернет-сайты үч тилде сунушталып жаткандыгын баса белгилеп, Улуттук банктан лицензияланган коммерциялык банктар жана банктык эмес финансы-кредит уюмдарында да ушул багытта ишти күчөтүү зарылчылыгына көрсөтмө берди. 

Иш-чаранын жыйынтыгында Улуттук банктын Төрагасынын орун басары Лада Орозбаева мына ушундай жолугушууларды Улуттук банкта гана эмес, коммерциялык банктарда да уюштуруп, көйгөйлүү маселелерди талкуулоо жалпы мамлекеттик тил саясатынын талабын аткарууга өбөлгө түзөөрүн баса белгилеп, келген конокторго терең ыраазычылыгын билдирүү менен бирге эле, уюткулуу улут тилин өнүктүрүү Улуттук банктын орчундуу саясаты катары аныкталгандыгын жана бул багытта кызматташып иш алып барууга банк кызматкерлери даяр экендигин билдирди.  

 

 

 


Датасы: 20.04.2018
Туруктуу шилтеме

Кыргыз Республикасынын Улуттук банкы 2018-жылдын 20-апрелинде "Улуттук банктын нумизматикалык монеталарын сатуу боюнча "numizmat.nbkr.kg" веб-сайтын колдонууга сунуштады.  

Мындан ары ушул веб-сайт аркылуу нумизматикалык монеталарды буйрутма берүү менен сатып алууга болот. Сатыкка сунушталган монеталар боюнча кеңири маалыматты жана сатып алуу эрежелери менен жогоруда аталган сайттан таанышууга болот.  

 


Датасы: 20.04.2018
Туруктуу шилтеме

Кыргыз Республикасынын Улуттук банкы 2018-жылдын 26-апрелинде улуттук валютанын киргизилишинин 25-жылдыгына карата коллекциялык монеталарын сатуу аукционун өткөрөт.  

Аукционго жеке адамдар жана юридикалык жактар катыша алат. Эсептешүүлөр нак жана нак эмес формада жүргүзүлөт. Аукционго күрөөсүз катышуу мүмкүнчүлүгү каралган. 

Аукцион саат 16.00 дө Бишкек шаары, Абдрахманов көчөсү 196 дарегинде, Гапар Айтиев атындагы Кыргыз улуттук сүрөт өнөр музеийинин имаратында өткөрүлөт. 

Аукционго төмөнкү монеталар сатууга чыгарылат: 

 

Лоттун номери 

Лотту түзгөн монеталар  

Баштапкы  

баа 

(сом) 

Аукционго коюлуучу монеталардын саны (даана) 

«Манас эпосуна 1000 жыл» алтын монетасы 

23 000 

«Ош 3000 жыл» алтын монетасы 

23 000 

«Улуттук валютага 10 жыл» күмүш монетасы 

5 000 

«Чыңгыз Айтматов» күмүш монетасы 

5 000 

«Ысык-Көл» күмүш монетасы 

5 000 

«Кызматташуунун Шанхай уюму» күмүш монетасы 

5 000 

«Аркар» күмүш монетасы 

5 000 

«Акмаңдай гүл» күмүш монетасы 

5 000 

«Ташрабат» күмүш монетасы 

5 000 

10 

«Манас эпосуна 1000 жыл» күмүш монетасы 

5 000 

11 

«Өзгөн архитектуралык комплекси» күмүш монетасы 

5 000 

12 

«Хан-Теңири» күмүш монетасы 

5 000 

13 

«Кыргыз мамлекетүүлүгүнүн негизделиши» күмүш монетасы 

5 000 

14 

«Улуу Жеңишке 60 жыл» күмүш монетасы 

5 000 

15 

«Улуу Жеңишке 70 жыл» күмүш монетасы 

5 000 

16 

Бир баракта 30 даана пластик таңгагындагы  

1 тыйын номиналындагы коллекциялык монетасы  

900 

17 

«Улуттук валютага 10 жыл» жана  

«Манас эпосуна 1000 жыл» күмүш монеталары 

10 000 

18 

«Архар» жана «Өзгөн архитектуралык комплекси» күмүш монеталары 

10 000 

19 

«Чыңгыз Айтматов» жана «Манас эпосуна 1000 жыл» күмүш монеталары 

10 000 

20 

«Улуттук валютага 10 жыл» жана «Кыргыз мамлекетүүлүгүнүн негизделиши» күмүш монеталары 

10 000 

21 

«Улуу Жеңишке 60 жыл» жана «Улуу Жеңишке 70 жыл» күмүш монеталары 

10 000 

22 

«Архар» жана «Манас эпосуна 1000 жыл» күмүш монеталары 

10 000 

23 

«Ташрабат» жана «Ысык-Көл» күмүш монеталары 

10 000 

24 

«Хан-Теңири» жана «Кызматташуунун Шанхай уюму» күмүш монеталары 

10 000 

25 

«Улуу Жеңишке 70 жыл» жана 

«Манас эпосуна 1000 жыл» күмүш монеталары 

10 000 

26 

«Акмаңдай гүл», «Ысык-Көл» жана  

«Хан-Теңири» күмүш монеталары 

15 000 

Жалпысы: 

216 900 

37 

 

Бардык суроолор боюнча төмөнкү телефондор аркылуу кайрылсаңыздар болот: 66-92-19, 66-92-31 Нак акча менен иш алып баруу башкармалыгынын Кассалык операциялар бөлүмү.  

 


Датасы: 19.04.2018
Туруктуу шилтеме

"Кыргыз Республикасынын улуттук валютасына 25 жыл" 

мааракелик почта маркасы жүгүртүүгө чыгарылды 

 

Улуттук валюта – сомдун жүгүртүүгө чыгарылышынын 25 жылдыгына арналган иш-чаралардын алкагында Маалымат технологиялары жана байланыш мамлекеттик комитети Улуттук банк менен биргеликте "Кыргыз Республикасынын улуттук валютасына 25 жыл" мааракелик почта маркасын жүгүртүүгө чыгарды. Баасы 117 сомдон турган маанилүү мааракелик марка 3000 нускада даярдалган.  

Марканы Бишкек шаары, Москва көчөсү 194/110 дареги боюнча жайгашкан "Кыргызмаркасы" мамлекеттик ишканасынын кеңсесинен сатып алууга болот. 

 

 


Датасы: 17.04.2018
Туруктуу шилтеме

Кыргыз Республикасынын Улуттук банкынын Төрагасы Т. Абдыгулов 2018-жылдын 17-апрелинде Франциянын Россия Федерациясындагы элчилигине караштуу Регионалдык экономикалык өкүлчүлүгүнүн финансы аналитиктеринин делегациясы менен жолугушту. Жолугушуу учурунда өлкөдө орун алып турган макроэкономикалык жагдай талкууланып, Улуттук банктын валюта саясаты, инфляция көрсөткүчтөрү, күндөлүк баланстын өзгөрүүсү, финансы жана банк секторлорунун абалы жана аны жөнгө салуу иши, ошондой эле Улуттук банктын криптовалютага карата көз карашы кароого алынды. Делегацияны Франция Банкынын Президентинин КМШ өлкөлөрү жана Грузия боюнча өкүлү, Франциянын Россиядагы элчилигинин Регионалдык экономикалык кызматынын башчысынын орун басары Имберт Ансельм жана Франциянын Кыргыз Республикасындагы элчиси Микаэль Ру мырзалар жетектеп келген. 

 


Датасы: 13.04.2018
Туруктуу шилтеме

1. Кыргыз Республикасынын Улуттук банкы "БАКАЙ БАНК" ААКсы тарабынан башкы бухгалтеринин орун басары кызмат ордуна сунушталган Сулайманова Айсулуу Кубанычбековнанын талапкерлигине макулдук берүү чечимин 2018-жылдын 12-апрелинде кабыл алды; 

2. Кыргыз Республикасынын Улуттук банкы "Азия Банкы" ЖАКсы тарабынан Директорлор кеңешинин мүчөсү жана Аудит боюнча комитетинин төрайымы кызмат ордуна сунушталган Ашиналиева Жылдыз Бейшенбековнанын талапкерлигине макулдук берүү чечимин 2018-жылдын 12-апрелинде кабыл алды; 

3. Кыргыз Республикасынын Улуттук банкы "Демир Кыргыз Интернэшнл Банк" ЖАКсы тарабынан Директорлор кеңешинин төрагасы кызмат ордуна сунушталган Хьюго Виллем Миндерхоуддун талапкерлигине макулдук берүү чечимин 2018-жылдын 12-апрелинде кабыл алды. 

 


Датасы: 12.04.2018
Туруктуу шилтеме

1. Улуттук банк Башкармасы тарабынан 2018-жылдын 28-мартында №2018-П-12/10-7-(НПА) «Улуттук банк Башкармасынын 2013-жылдын 23-декабрындагы № 52/6 «Депозиттерди тартпаган микрофинансылык уюмдардын жана Кыргыз Республикасынын Улуттук банкынын көзөмөлдүгүнө алынган башка юридикалык жактардын ишине инспектордук текшерүүлөрдү жүргүзүү жөнүндө» нускоону бекитүү тууралуу» токтомуна өзгөртүүлөрдү жана толуктоолорду киргизүү  жөнүндө» токтом кабыл алынып, ага ылайык алмашуу бюролорунун ишине инспектордук текшерүүлөрдү жүргүзүү тартиби бекитилген.  

2. Улуттук банк Башкармасы тарабынан 2018-жылдын 28-мартында №2018-П-12/10-6-(БС) ислам банк иши жана каржылоо принциптерине ылайык операцияларды «товардык мурабаха» бүтүмү менен толуктоо боюнча «Улуттук банк Башкармасынын айрым укуктук ченемдик актыларына өзгөртүүлөрдү жана толуктоолорду киргизүү жөнүндө» токтом кабыл алынды. 

Токтомдор расмий жарыялангандан 15 (он беш) күн өткөндөн кийин күчүнө киришет. 

Токтомдор Улуттук банктын расмий сайтында: www.nbkr.kg/ Банк/ Банк иши тууралуу мыйзамдар/Улуттук банк Башкармасынын токтомдору дареги боюнча жайгаштырылган. 

Ченемдик укуктук актылар Улуттук банктын расмий сайтында: www.nbkr.kg/ Банк / Улуттук банктын ченемдик актылары/ Банк эмес финансы мекемелери ишин жөнгө салуу дареги боюнча жайгаштырылган.  

 


Датасы: 11.04.2018
Туруктуу шилтеме

Улуттук банк «Кыргыз Республикасынын улуттук валютасына 25 жыл» темасын чагылдыруу боюнча жалпыга маалымдоо каражаттары арасында сынак жарыялайт 

 

Улуттук банк Кыргыз Республикасынын улуттук валютасы -сомду жүгүртүүгө чыгаруунун 25 жылдыгын белгилөөнүн алкагында «Кыргыз Республикасынын улуттук валютасына 25 жыл» темасын мыкты чагылдыруу боюнча журналисттер арасында  республикалык сынак өткөрүп жаткандыгын жарыялайт.   

Сынак жалпыга маалымдоо каражаттарынын, жарандардын, мамлекеттик бийлик органдарынын жана коомдук уюмдардын өкүлдөрүнүн, калайык-калктын улуттук валюта темасына кызыгуусун арттыруу, басма сөз жана электрондук маалымдоо каражаттарында жарыялоолор аркылуу кыргыз сомунун аброюн жогорулатуу маселесине көңүл буруу максатында өткөрүлүүдө

Сынакта борбор калаанын сыяктуу эле, регионалдык жалпыга маалымдоо каражаттарында мамлекеттик жана расмий тилдерде жарыяланган мыкты материалдар үчүн номинациялар каралган.   

Бир эле автордон сунушталуучу материалдар саны жана көлөмү боюнча чектөөлөр белгиленген эмес. 

Сынакка сунушталуучу материалдар 2018-жылдын 9-апрелинен 1-октябрына чейинки мезгил аралыгында жарыяланууга же телеберүүдөн көрсөтүлүүгө тийиш.  

Сынакка катышууга ниеттенген талапкерлер атайы билдирмени толтуруп, ага сынактык материалдарды кошо тиркеп, документтер топтомун Кыргыз Республикасынын Улуттук банкынын Чүй проспектиси 168 дареги боюнча жайгашкан имаратына (Экспедиция) "ЖМК арасында сынакка катышуу" деп белгилөө менен тапшырууга тийиш.   

Байге фондусунда баалуу белектер, ошондой эле кызыктыруучу сыйлыктар каралган.  

Сынак жыйынтыгы Кыргыз Республикасынын Маалымат жана басма сөз күнү Улуттук банктын Төрагасынын катышуусунда өтө турган салтанаттуу иш-чарада жарыяланат.   

Бул боючна ырааттуу толук маалыматты төмөндөгү шилтемеден алууга болот.  

 


Датасы: 10.04.2018
Туруктуу шилтеме

Улуттук банктын Төрагасы Толкунбек Абдыгулов ОБСЕ Академиясынын студенттерине лекция окуду  

  

Улуттук банктын Төрагасы Толкунбек Абдыгулов 2018-жылдын 7-апрель күнү ОБСЕ Академиясынын студенттерине “Кыргыз Республикасынын Улуттук банкынын ролу жана аткарган милдеттери” темасында лекция окуп, анын жүрүшүндө ал өлкөнүн башкы банкынын калыптануу тарыхы, республикада банк жана төлөм системаларынын жөнгө салынышы, банк мыйзамдары, Улуттук банктын акча-кредит саясаты, ошондой эле улуттук валюта сомдун 25 жыл ичичнде басып өткөн жолу тууралуу кең-кесири баяндап берди. 

Өз сөзүндө ал «Улуттук банктын пайдубалы түптөлгөн учурдан бери өз алдынча өнүгүү жолун көздөгөн, тышкы таасирлеге туруштук берүүгө жөндөмдүү финансы системасынын калыптандыруу үчүн кадам сайын коомдун өнүгүшүнө шайкеш тиешелүү чаралар көрүлүп, системанын натыйжалуу иши башкы максаты баа туруктуулугуна жетишип, аны колдоп турууга багытталган акча-кредит саясатын жүргүзүү аркылуу камсыз кылынгандыгын», баса белгиледи.  

Иш-чараны жыйынтыктап жатып Толкунбек Абдыгулов студенттердин берген бардык суроолдоруна жооп берип, активдүү студенттерге баалуу белектерди тапшырды.  

 

 


Датасы: 10.04.2018
Туруктуу шилтеме

Кыргыз Республикасынын Улуттук банкынын Көзөмөл боюнча комитети 2018-жылдын 5-апрелинде Улуттук банктын ченемдик укуктук актыларынын талаптарын, ошондой эле анын жазма буйруктарын дайыма аткарбай келгендиги үчүн КФ «Адал Финанс» МКАсынын каттоодон өткөндүгү тууралуу күбөлүгүн 2018-жылдын 10-апрелинен тартып кайтарып алуу чечимин кабыл алды. 

КФ «Адал Финанс» МКАсынын юридикалык дареги: Бишкек ш., Т.Умөталиев атындагы көчө 81, 50 бат. 

КФ «Адал Финанс» МКАсы Көзөмөл боюнча комитеттин токтому менен Бишкек шаары, Т.Умөталиев атындагы көчө 101 дарегине келип тааныша алат. Маалыматтар 66 92 58 телефону боюнча берилет. 

 


Датасы: 10.04.2018
Туруктуу шилтеме

Кыргыз Республикасынын Улуттук банкы «Кыргыз Инвестициялык Кредит Банкы» ЖАКсы тарабынан Директорлор кеңешинин мүчөсү кызмат ордуна сунушталган Нил Грэам Уитерстин талапкерлигине макулдук берүү чечимин 2018-жылдын 5-апрелинде кабыл алды. 

 


Датасы: 06.04.2018
Туруктуу шилтеме

Улуттук банктын Төрагасы Кыргыз экономикалык университеттин  

студенттерине лекция окуду 

 

 Улуттук банктын Төрагасы Толкунбек Абдыгулов 2018-жылдын 6-апрелинде Кыргыз экономикалык университеттин студенттерине “Улуттук банктын ролу жана аткарган милдеттери» темасында лекция окуду.     

Анын жүрүшүндө Толкунбек Абдыгулов Улуттук банктын түптөлүү тарыхындагы маанилүү окуяларга, айрыкча Кыргыз Республикасын банк системасына таасир этүүчү банк мыйзамдары, акча-кредиттик саясат, Кыргыз Республикасынын банк жана төлөм системаларынын өнүгүшү, улуттук валютанынын 25-жылдыгына маселелерине токтолду.  

Иш-чарага катышкан студенттер өлкөнүн башкы финансылык жөнгө салуучу органынын иш аспектилерине кызыгып, олуттууу суроолорду берип, так маалымат алуу мүмкүнчүлүгүнө ээ болушту. Сөзүнүн акырында Т.Абдыгулов аудиториянын суроолоруна жооп берип, угуучулардын мыктыларын атайын белектер менен сыйлады. 

 

 


Датасы: 05.04.2018
Туруктуу шилтеме

Уюштуруучуларынын микрокредиттик агенттик катары ишин токтоткондугу жөнүндөгү чечиминин жана билдирүүсүнүн негизинде, 2018-жылдын 4-апрелинде төмөнкү микрокредиттик агенттиктин 2015-жылдын 7-апрелинде берилген каттоодон өткөндүгү жөнүндөгү № 208 күбөлүгү жокко чыгарылды: 

1. «Таза Коом-Ак-Сай» микрокредиттик агенттиги коомдук фонду, дареги: Талас областы, Талас району, С. Кутманалиев көчөсү, 96. 

 


Датасы: 02.04.2018
Туруктуу шилтеме

1. Кыргыз Республикасынын Улуттук банкы "Халык Банк Кыргызстан" ААКсы тарабынан Башкарманын төрагасынын орун басары кызмат ордуна сунушталган Коваленко Валентина Айдаралиевнанын талапкерлигине макулдук берүү чечимин 2018-жылдын 29-мартында кабыл алды; 

2. Кыргыз Республикасынын Улуттук банкы "ФинансКредитБанк КАБ" ААКсы тарабынан Директорлор кеңешинин мүчөсү жана Аудит боюнча комитетинин Төрагасынын кызмат ордуна сунушталган Суранаев Туратбек Джамалбековичтин талапкерлигине макулдук берүү чечимин 2018-жылдын 29-мартында кабыл алды; 

3. Кыргыз Республикасынын Улуттук банкы ЖАК "Бай Тушум" тарабынан Директорлор кеңешинин төрагасы кызмат ордуна сунушталган Джон Нил Александр Стаубдун талапкерлигине макулдук берүү чечимин 2018-жылдын 29-мартында кабыл алды. 

 


Датасы: 02.04.2018
Туруктуу шилтеме

Улуттук валюта сомдун 25 жылдыгына карата аллея түптөлдү 

 

2018-жылдын 31-мартында Д.Асанов атындагы Жеңиш паркында улуттук валюта сомдун 25 жылдыгына арналган иш-чаралардын алкагында ийне жалбырактуулар тобуна кирген, табияттын көркүнө көрк кошуп, керемет кооздукту тартуулаган 46 туя дарагын отургузуу аркылуу эстелик аллеясынын пайдубалы түптөлдү. Кыргыз Республикасынын Улуттук банкы иш-чаранын демилгечисинен болгон.  

Маанилүү иш-чарага Улуттук банктын Төрагасы Т.Абдыгулов, Улуттук банк Башкармасынын мүчөлөрү, Бишкек шаарынын вице мэри А.Рыскулова жана банк кызматкерлери катышты.  

 

 

 

 


Датасы: 30.03.2018
Туруктуу шилтеме

Улуттук банк керектөөчүлөргө алмашуу операцияларын ишке ашырууда алардын укуктарына жана милдеттерине көңүл бурат. 

Калкка чет өлкө валюталарын алмашуу боюнча кызмат көрсөтүү чет өлкө валюталары менен алмашуу операцияларын жүргүзүүгө  Улуттук банктын лицензиясына ээ болгон гана финансы кредиттик мекемелери: коммерциялык банктардын бөлүмдөрү, микрофинансылык уюмдар жана алмашуу бюролор укуктуу. Лицензия алган алмашуу бюросуна каттоодон өткөн дарегин көрсөтүү менен катталгандыгы тууралуу Улуттук банктын каты берилет. Каттын түп нускасы алмашуу бюросунда керектөөчүлөргө көрүнө жерде илинип туруусу зарыл. 

Ошондуктан, Улуттук банк алмашуу бюронун кардарларына алмашуу бюронун айкын дарегин каттоодон өткөн дареги менен салыштыруусун сунуш кылат. 

Эгерде лицензиясыз иш алып барган алмашуу бюролор белгилүү болсо же мыйзамсыз аракеттерге (алдамчылыкка) дуушар болсоңуз 61-04-86 телефону аркылуу Улуттук банктын коомдук кабылдамасына маалымдоону же mail@nbkr.kg. электрондук дарегине билдирүү жөнөтүүнү өтүнөбүз. 

 


Датасы: 30.03.2018
Туруктуу шилтеме

Улуттук банктын Төрагасы Мамлекеттер аралык банктын (МАБ) кеңешинин отурумуна катышты 

 

Төрага Т.С. Абдыгулов жетектеп барган Улуттук банктын өкүлдөрү Россия Федерациясынын борбору Москва шаарында 2018-жылдын 30-мартында өткөн МАБтын кеңешинин 56-отурумуна катышты. 

Отурумга МАБты уюштурган мамлекеттеринин борбордук (улуттук) банктарынын өкүлдөрү да катышты. 

Тараптар 2017-жылдагы иш натыйжаларын, финансылык жыйынтыктарды, бюджеттин аткарылышы жана башка маселелерди талкууга алышкан. 

 

Маалымат катары: МАБ Көз карандысыз мамлекеттер шериктештигине мүчө өлкөлөрдүн 100% мамлекеттик капиталы менен 1993-жылы уюштурулган эл аралык банктык эсептешүүлөр жана кредиттик мекеме болуп саналат. 

МАБ Армения Республикасында, Беларусь Республикасында жана Кыргыз Республикасында өкүлчүлүктөргө ээ. 

 


Датасы: 30.03.2018
Туруктуу шилтеме

Кыргыз Республикасынын Өкмөтү менен  

Улуттук банктын 2018-жылдын 28-мартындагы №166/51-6  

«Кыргыз Республикасында нак эмес төлөмдөр жана эсептешүүлөр үлүшүн арттыруу боюнча 2018-2022-жылдарга каралган мамлекеттик программаны (үчүнчү баскыч) бекитүү жөнүндө» токтомуна карата  

пресс-релиз 

 

Кыргыз Республикасынын Өкмөтү менен Улуттук банктын 2018-жылдын 28-мартындагы №166/51-6 биргелишкен токтому менен Кыргыз Республикасында нак эмес төлөмдөр жана эсептешүүлөр үлүшүн арттыруу боюнча 2018-2022-жылдарга каралган мамлекеттик программа (үчүнчү баскыч) бекитилген. 

Кыргыз Республикасында инновациялык төлөм инструменттерин кошо алганда, чекене төлөм рыногун өнүктүрүү, банк жана төлөм кызмат көрсөтүүлөрүн кеңири жайылтуу аркылуу нак жана нак эмес акча жүгүртүлүшүнүн оптималдуу жана тең салмактуу катышына жетишүү, аталган мамлекеттик программанын максатынан болуп саналат. 

Мында, негизги милдеттерден болуп төмөнкүлөр эсептелет: 

- жеке адамдар жана юридикалык жактар үчүн мамлекеттик кызмат көрсөтүүлөргө төлөө, субъекттер ортосунда эсептешүүлөрдү жүргүзүү, интернет-банкинг, мобилдик телефондор, банкоматтар, POS-терминалдар, төлөм терминалдар жана башкалар аркылуу төлөө сыяктуу мүмкүн болгон бардык ыкмаларды колдонуу менен үчүнчү жактардын пайдасына төлөмдөрдү ишке ашыруу үчүн бирдиктүү улуттук төлөм жана эсептешүү мейкиндигин түзүү

- финансылык агымдын жылышынын ачык-айкындыгын камсыз кылуу аркылуу республиканын бюджетинин киреше жана чыгаша бөлүгүн андан ары натыйжалуу пландаштыруу жагында иш-чараларды жүргүзүү

- бюджетке салыктык түшүүлөрдүн жана башка бюджеттик төлөмдөрдүн коммерциялык банктардагы эсептер аркылуу өз учурунда ишке ашырылышын контролдоо жана ага мониторинг жүргүзүү

-  акча каражаттарынын жылышына контролдукту күчөтүү, нак түрдө көмүскө акча жүгүртүлүшүн кыскартуу; 

- коммерциялык банктардагы эсептер аркылуу нак эмес төлөмдөрдү ишке ашырууда жеңилдиктерди караштыруунун, жөлөк пулдарды берүү процессин тескөөнүн эсебинен калкты социалдык тейлөө деңгээлин жогорулатуу; 

-  нак эмес эсептешүүлөр инфраструктурасын кеңейтүү, бюджеттик, чекене жана утурумдук төлөмдөрдү улуттук валютада ишке ашырууда төлөм карттарын, электрондук капчыктарды жана башка инновациялык технологияларды кеңири пайдалануу аркылуу экономиканын реалдуу секторунда ишкердик жигерин арттыруу үчүн шарттарды түзүү

- бардык мекеме-уюмдардын жана чарба жүргүзүүчү субъекттердин кызматкерлеринин эмгек акыларынын банктык төлөм карттарына которулушун камсыз кылуу; 

-  төлөмдөрдү жана эсептешүүлөрдү өткөрүү жагындагы коммерциялык банктар тарабынан сунушталып жаткан кызмат көрсөтүүлөр чөйрөсүн кеңейтүү жана атаандаштык шартында алардын филиалдар түйүнүн өнүктүрүү

- эсептер санын көбөйтүү жана калайык-калктан акча каражатын тартуу аркылуу депозиттик базаны көбөйтүү, экономиканын реалдуу секторуна инвестициялоо үчүн финансылык каражат көлөмүн топтоо; 

- бизнес түзүмдөрдү төлөмдөрдү жана эсептешүүлөрдү нак эмес формада жүргүзүүгө жигердүү тартуу; 

- Кыргыз Республикасынын мыйзам базасын өркүндөтүү

- банк жана төлөм кызмат көрсөтүүлөргө тариф саясатын оптималдаштыруу; 

- инновациялык каражаттарды колдонуу аркылуу төлөмдөрдү өткөрүү ыкмалары жана колдонулуп жаткан коопсуздук чаралары жөнүндө калайык-калкка кеңири маалымат берүү

Кыргыз Республикасында нак эмес төлөмдөр жана эсептешүүлөр үлүшүн арттыруу боюнча 2018 - 2022-жылдарга каралган мамлекеттик программаны ишке ашыруу боюнча  иш-чаралар планы Улуттук банктын расмий сайтынын «Улуттук банктын ченемдик актылары» - «Төлөм системасы» бөлүгүндө жайгаштырылган. Ал эми аталган мамлекеттик программанын биринчи жана экинчи баскычтарынын аткарылышынын жыйынтыгы менен «Банктын милдеттери» - «Төлөм системасы» - «Мамлекеттик программа боюнча долбоордун ишке ашырылышы боюнча маалымат» шилтемеси аркылуу таанышууга болот.  

 

 


Датасы: 30.03.2018
Туруктуу шилтеме

Кыргыз Республикасынын Улуттук банкынын Төрагасы Евразия экономикалык биримдигине кирген өлкөлөрдүн (ЕАЭБ) борбордук (улуттук) банктарынын валюта саясаты боюнча консультативдик кеңешинин отурумуна катышты 

 

Төрага Т.С. Абдыгулов баш болгон Улуттук банктын өкүлдөрү Россия Федерациясынын Москва шаарында 2018-жылдын 29-мартында өткөн ЕАЭБке мүчө мамлекеттердин борбордук (улуттук) банктарынын валюта саясаты боюнча консультативдик кеңешинин 16-отурумуна катышып келишти. 

Отурумга ЕАЭБке мүчө мамлекеттеринин борбордук (улуттук) банктарынын төрагалары да катышышты. 

Иш-чарада тараптар учурдагы жалпы экономикалык жагдай, мүчө мамлекеттерде 2017-жылы жана үстүбүздөгү жылдын биринчи чейрегинде ишке ашырылган акча-кредит саясаты маселесин, мамлекеттердин жалпы финансы рыногу боюнча концепциянын долбоорун, кибер коопсуздук жана башка маселелерди талкуулашты. 

 


Датасы: 27.03.2018
Туруктуу шилтеме

Пресс-релиз 

Кыргыз Республикасынын Улуттук банкы эсептик чен өлчөмүн  

5,00 пайыз деңгээлинде калтырды 

 

Улуттук банк Башкармасы 2018-жылдын 26-мартында эсептик чен өлчөмүн (чен саясатын) 5,00 пайыз деңгээлинде калтыруу чечимин кабыл алды. Чечим 2018-жылдын 27-мартынан тартып күчүнө кирет. 

Кыргыз Республикасында инфляциянын айкын мааниси орточо чекте орун алуу менен Улуттук банктын күтүүлөрүнүн чегинде катталган. 2018-жылдын март айында (16-мартка карата) инфляциянын жылдык мааниси февраль айындагы 3,5 пайыздан 2,9 пайызга чейин басаңдаган. Эл аралык азык-түлүк рынокторунда ыңгайлуу жагдай түптөлүп тургандыктан, азык-түлүк товарлар тобуна баа басаңдаган. Азык-түлүктөн башка инфляцияга алгылыктуу салым көмүргө жана КММга баанын өсүшүнөн улам камсыздалган. Түптөлгөн инфляция факторлорунун тенденциясы келерки мезгил ичинде баа динамикасы акча-кредит саясатынын орто мөөнөткө каралган максаттуу көрсөткүчү 5-7 пайыз чегинде туруктуу сакталарын мүнөздөөдө

Кыргыз Республикасынын экономикасында катталган алгылыктуу өсүш динамикасы, келип түшкөн акча которуулардын туруктуу динамикасынан жана айкын эмгек акынын көбөйүшүнөн улам суроо-талаптын өсүшү менен шартталган. Экономиканын негизги секторлорунда өндүрүш көлөмүнүн өсүшү байкалган. 2018-жылдын январь-февраль айларынын жыйынтыгы боюнча айкын ички дүң өнүм 2,7 пайызга, ал эми «Кумтөр» алтын-кен иштеп чыгуу ишканаларынын маалыматтарын эске албаганда 3,3 пайызга өскөн.  

Ички валюта рыногунда туруктуулук сакталып турууда. 2018-жылдын баш жагынан тартып (26-мартка карата) сомдун бекемделиши 1,0 пайызды түзгөн. 2018-жылдын март айында Улуттук банк ички валюта рыногунда катышкан эмес. 

Монетардык сектордо 2018-жылдын баш жагында түптөлгөн тенденция сакталып турган. Акча рыногунда пайыздык чендер Улуттук банк тарабынан белгиленген пайыздык чекте өзгөрүп турууда. Банктар аралык кредиттик ресурстар рыногунда жигердүүлүк сакталууда. Банк сектору жетиштүү деңгээлдеги сом түрүндөгү ликвиддүүлүккө ээ. Буга чейин көрүлгөн акча-кредит саясатынын чаралары кредит боюнча рыноктук чендердин төмөндөшүнө жана экономиканы кредиттөө көлөмүн арттырууга таасир тийгизген. 

Кошумча тышкы жана ички инфляциялык таасирлер жок учурда, дүйнөлүк товардык рыноктордо баа динамикасын баалоо жана өсүп жаткан чогуу алгандагы суроо-талап 2018-жыл ичинде инфляциялык динамиканын 5-7 пайыздан ашпаган деңгээлде түптөлүшүн камсыз кылышы мүмкүн. Мындай шартта, эсептик чендин сакталып турушу экономиканын реалдуу секторуна алгылыктуу таасирин тийгизиши мүмкүн. 

Улуттук банк туруктуу негизде инфляцияга карата тышкы жана ички факторлордун таасирине баа берүү менен экономикалык жагдайга жараша акча-кредит саясатынын тиешелүү чараларын көрүүнү улантат.  

 

Маалымат үчүн: 

Улуттук банк Башкармасынын эсептик чен өлчөмү маселесине тиешелүү кийинки отуруму 2018-жылдын 28-майына пландаштырылган.  


Датасы: 27.03.2018
Туруктуу шилтеме

1. Кыргыз Республикасынын банктык мыйзам талаптарын бузууга жол берүү фактылары боюнча коммерциялык банктардын биринин айрым кызматкерлери административдик жоопкерчиликке тартылып, аларга карата жалпы 350 000 миң сом суммасына айыптык төлөм белгиленген; 

2. Кыргыз Республикасынын шектүү операциялар (бүтүмдөр) критерийине кирген акча каражаттары менен операциялар (бүтүмдөр) жөнүндө билдирүүнүн сунуштоо боюнча мыйзам талаптарын аткарбагандыгы фактылары боюнча административдик жоопкерчиликке коммерциялык банктардын биринин бир кызматкери тартылып, ага карата 7 000 сом өлчөмүндө айыптык төлөм белгиленген; 

3. Кардарларды идентификациялоо жана верификациялоо боюнча Кыргыз Республикасынын мыйзам талаптарын тиешелүү негизде аткарбагандыгы фактыларынын негизинде коммерциялык банктардын биринин айрым кызматкерлерине эскертүү берилген.  

 


Датасы: 26.03.2018
Туруктуу шилтеме

1. Кыргыз Республикасынын Улуттук банкы «ФИНКА Банкы» ЖАКсы тарабынан Директорлор кеңешинин төрагасы кызмат ордуна сунушталган Флорин Лиланын талапкерлигине макулдук берүү чечимин 2018-жылдын 23-мартында кабыл алды; 

2. Кыргыз Республикасынын Улуттук банкы «ФИНКА Банкы» ЖАКсы тарабынан Башкарманын төрагасынын орун басары (операциялык директор) кызмат ордуна сунушталган Асланова Назакаттын талапкерлигине макулдук берүү чечимин 2018-жылдын 23-мартында кабыл алды; 

3. Кыргыз Республикасынын Улуттук банкы «Евразиялык Сактык Банкы» ААКсы тарабынан Директорлор кеңешинин мүчөсү кызмат ордуна сунушталган Акматалы уулу Максаттын талапкерлигине макулдук берүү чечимин 2018-жылдын 23-мартында кабыл алды; 

4. Кыргыз Республикасынын Улуттук банкы «Евразиялык Сактык Банкы» ААКсы тарабынан башкы бухгалтеринин орун басары кызмат ордуна сунушталган Омурбаева Асель Каныбекованын талапкерлигине макулдук берүү чечимин 2018-жылдын 23-мартында кабыл алды; 

5. Кыргыз Республикасынын Улуттук банкы «Дос-Кредобанк» ААКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Момбеков Уланбек Ажыбековичтин талапкерлигине макулдук берүү чечимин 2018-жылдын 23-мартында кабыл алды; 

6. Кыргыз Республикасынын Улуттук банкы «АМАНБАНК» РК ААКсы тарабынан Директорлор кеңешинин мүчөсү кызмат ордуна сунушталган Молдобаев Нарынбек Молдобаевичтин талапкерлигине макулдук берүү чечимин 2018-жылдын 23-мартында кабыл алды; 

7. Кыргыз Республикасынын Улуттук банкы «АМАНБАНК» РК ААКсы тарабынан Директорлор кеңешинин мүчөсү жана Аудит боюнча комитетинин төрайымы кызмат ордуна сунушталган Касымова Аида Джакшылыковнанын талапкерлигине макулдук берүү чечимин 2018-жылдын 23-мартында кабыл алды; 

8. Кыргыз Республикасынын Улуттук банкы «ЭкоИсламикБанк» ЖАКсы тарабынан башкы бухгалтер кызмат ордуна сунушталган Джекшеналиева Мээрим Кенешбековнанын талапкерлигине макулдук берүү чечимин 2018-жылдын 23-мартында кабыл алды; 

9. Кыргыз Республикасынын Улуттук банкы ЖАК «Демир Кыргыз Интернэшнл Банк» тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Молдобекова Бурулкан Капаровнанын талапкерлигине макулдук берүү чечимин 2018-жылдын 15-февралында кабыл алды. 

 


Датасы: 22.03.2018
Туруктуу шилтеме

Кыргыз Республикасынын мыйзамдарын бузгандыгы үчүн Кыргыз Республикасынын Улуттук Банкы 2018-жылдын 20-мартынан тартып 7-иш күнгө төмөнкү акча алмаштыруу бюросунун лицензиясынын аракети токтотулган:  

ЖЧК «Капитал Прогресс», дареги Бишкек ш., Москва к. 150/20. 

 


Датасы: 20.03.2018
Туруктуу шилтеме

Дүйнөлүк акча жумалыгы-2018 иш-чарасынын алкагында өткөрүлгөн 

сүрөт тартуу, эссе жазуу жана креативдүү кутуча жасоо сынактарынын жеңүүчүлөрүнө сыйлык тапшыруу аземи болуп өттү 

 

2018-жылдын 20-мартында Гапар Айтиев атындагы Кыргыз улуттук сүрөт өнөр музейинде Дүйнөлүк акча жумалыгы-2018 (Global Money Week) иш-чарасынын алкагында сүрөт тартуу, эссе жазуу жана креативдүү күтүча жасоо боюнча өткөрүлгөн улуттук сынактардын жеңүүчүлөрүнө сыйлык тапшыруунун салтанаттуу аземи болуп өттү

Улуттук банк Башкармасынын мүчөсү Алмаз Сыдыков салтанаттуу иш-чараны ачып жатып, сынак өткөрүү иши жыл сайын кеңири жайылтылып жаткандыгын жана сынакка сунушталган эмгектердин саны анын айкын далили экендигин баса белгиледи.  

Жаш курагына ылайык өз-өзүнчө өткөрүлгөн сынак жеңүүчүлөрү уюштуруучулардын баалуу белектери менен сыйланды алар үчүн коммерциялык банктарда 6000 сомго чейинки суммада депозиттер ачылды. Айрым конкурсанттарга Улуттук банктын коллекциялык күмүш монеталары тапшырылды.  

Мындан тышкары, аталган музейде Дүйнөлүк акча жумалыгынын чегинде улуттук сынакка катышкан балдардын талантынан жаралган сүрөттөр көргөзмөсү уюштурулган, ал 2018-жылдын 4-апрелине чейин көрүүчүлөрдү кабыл алат. 

 


Датасы: 19.03.2018
Туруктуу шилтеме

1. Кыргыз Республикасынын Улуттук банкы «Росинбанк» ААКсы тарабынан Башкарманын төрагасынын орун басары кызмат ордуна сунушталган Червонова Кристина Владимировнанын талапкерлигине макулдук берүү чечимин 2018-жылдын 15-мартында кабыл алды; 

2. Кыргыз Республикасынын Улуттук банкы «Кыргыз Инвестициялык Кредит Банкы» ЖАКсы тарабынан Директорлор кеңешинин мүчөсү жана аудит комитетинин Төрагасынын кызмат ордуна сунушталган Али Нурмухамед Ратансинин талапкерлигине макулдук берүү чечимин 2018-жылдын 15- мартында кабыл алды; 

3. Кыргыз Республикасынын Улуттук банкы «Компаньон Банкы» ЖАКсы тарабынан Директорлор кеңешинин мүчөсү кызмат ордуна сунушталган Константин Церетелинин талапкерлигине макулдук берүү чечимин 2018-жылдын 15-мартында кабыл алды; 

4. Кыргыз Республикасынын Улуттук банкы «Коммерциялык банк КЫРГЫЗСТАН» ААКсы тарабынан Директорлор кеңешинин мүчөсү кызмат ордуна сунушталган Лайлиева Майя Джумакановнанын талапкерлигине макулдук берүү чечимин 2018-жылдын 15- мартында кабыл алды. 

 


Датасы: 19.03.2018
Туруктуу шилтеме

Кыргызстанда балдарга финансылык сабаттуулук жөнүндө маалымат «Керемет көч» анимациялык фильми аркылуу да берилет 

 

Кыргыз Республикасынын Улуттук банкы менен Бириккен Улуттар уюмунун Балдар фондусу (ЮНИСЕФ) 2018-жылдын 17-мартында «Тунгуч» жаштар театрында улуттук валютанын 25 жылдыгына жана Дүйнөлүк акча жумалыгына карата «Керемет Көч» балдар фильминин атайы сериясын жаш көрүүчүлөрдүн кароосуна сунуштады.  

Балдарга мультфильмдин жаңы сериясы тартууланып, анын башкы каармандары - Актан менен Акылай жөнөкөй жана жеткиликтүү жалпак тил менен акчанын баалуулук экендиги, улуттук валюта, үй-бүлөө бюджети тууралуу баяндап беришип, акчага карата аяр мамиле жасоо эрежелерин түшүндүрүштү.  

Кызыктуу мындай иш-чарага мамлекеттик органдардын, эл аралык уюмдардын жана жалпыга маалымдоо каражаттарынын өкүлдөрү катышты.  

Улуттук банктын Төрагасы Толкунбек Абдыгулов, өлкөнүн борбордук банкы балдардын финансылык билимин жогорулатууга айрыкча көңүл буруп жаткандыгын баса белгиледи. «Учурда финансылык каражаттарды туура пайдалануу, компьютердик сабаттуулук ыкмаларын өздөштүрүү сыяктуу эле, турмуштук зарыл инструментке айланды», - деп белгиледи Т.Абдыгулов. 

ЮНИСЕФтин Кыргызстандагы өкүлчүлүгүнүн башчысы Юкиэ Мокуо айым бардык курактагы жаш балдарды акчаны туура колдоно билүү ыкмасына окутуунун жана бул багытта маалымат берүүнүн маанилүүлүгүн баса белгилеп: “Финансылык сабаттуулук чоңдор үчүн гана эмес, жаш балдар үчүн да өзөктүү тема. Кандай багытта болбосун окутууну жаш кезинен баштоо ар бир өлкөнүн, анын ичинде Кыргызстандын келечеги үчүн маанилүү”, - деп белгиледи ал. 

 

Маалымат үчүн: Бириккен Улуттар уюмунун Балдар фондусу (ЮНИСЕФ) дүйнөнүн 190 өлкөсүндө кароосуз калган балдарга жардам көрсөтүү максатында иш алып келет. 1994-жылы ЮНИСЕФтин Кыргызстандагы өкүлчүлүгү ачылган. ЮНИСЕФ жана анын Кыргызстанда жүргүзүп жаткан иши тууралуу ырааттуу толук маалыматты https://www.unicef.org/kyrgyzstan сайтынан алууга болот.  

Балдар үчүн каралган «Керемет Көч» фильми жогоруда аталган Балдар фондусу тарабынан түзүлгөн жана 11 жылдык иш натыйжасында фильмдин 400гө жакын сериясы чыгарылган.  

 

 

 

 


Датасы: 12.03.2018
Туруктуу шилтеме

 

Кыргызстанда «Дүйнөлүк Акча Жумалыгы» старт алды 

 

Бардык дүйнө жүзүндөгүдөй эле, Кыргызстанда 12-мартта салтка айлангандай балдардын жана жаштардын финансылык сабаттуулугун жогорулатууга багытталган Дүйнөлүк акча жумалыгы старт алды. Бул тууралуу, Кыргыз Республикалык Улуттук банкынын төрагасы Толкунбек Абдыгуловдун катышуусундагы пресс-конференцияда жарыяланды. Ал балдардын финансылык сабаттуулугун жогорулатуу маселеси, дале болсо курч бойдон калып жаткандыгын баса белгиледи. «Бул багыт мамлекет тарабынан бекитилген калктын финансылык сабаттуулугун жогорулатуу программасындагы приоритеттүү багыт болуп эсептелет. Бул программанын алкагында Улуттук банк Билим берүү жана илим министрлиги, өнөктөш уюмдар менен биргеликте мектеп программасына финансылык сабаттуулуктун элементтерин камтып кетүүнүн үстүндө иштеп жатат»,-деп билдирди төрага Абдыгулов.  

Бир жуманын ичинде Улуттук банк, мамлекеттик органдар, коомдук жана эл аралык уюмдар, коммерциялык банктар биргелешип, мектептерде ачык сабактарды, жогорку окуу жайларда лекцияларды окуп, Улуттук банктын нумизматикалык музейинде экскурсияларды уюштуруп, коммерциялык банк жана мамлекеттик органдарда ачык эшик күндөрүн, квест-оюн, балдар арасындагы бизнес-жарманке ж.б. бир катар иш чараларды өткөрүшү пландалган. Мындан сырткары, улуттук сынактардын (сүрөт, эссе, мектептин бюджетин талкуулоо ж.б) жыйынтыгы чыгарылат. Сынактын жеңүүчүлөрүн салтанаттуу түрдө сыйлоо аземи 20-мартта Гапар Айтиев атындагы сүрөт исскуство музейинде өткөрүлүшү күтүлөт.  

Иш-чаралар тууралуу кеңири маалыматты  Дүйнөлүк акча жумалыгы күндөлүгүнөн табууга болот.  


Датасы: 07.03.2018
Туруктуу шилтеме

Улуттук банк Башкармасы тарабынан 2018-жылдын 28 - февралында №2018-П-12/7-8-(НПА) «Улуттук банк Башкармасынын 2004-жылдын 21-июлундагы № 18/1 «Кыргыз Республикасынын коммерциялык банктары милдеттүү түрдө аткарууга тийиш болгон экономикалык ченемдер жана талаптар жөнүндө» жобону бекитүү тууралуу» токтомуна өзгөртүүлөрдү киргизүү жөнүндө» токтом кабыл алынды. 

Ликвиддүүлүк ченемин, аны менен бирге кыска мөөнөттүү ликвиддүүлүк ченемин, ликвиддүүлүктү дароо толуктоо ченемин эсептөөгө тиешелүү өзгөртүүлөр киргизилген. Ошондой эле, чогуу жоопкерчиликтүү топтун мүчөлөрүнө берилген кредиттер көлөмүнө тиешелүү да өзгөртүүлөр камтылган. 

Токтом расмий жарыялангандан 15 (он беш) күн өткөндөн кийин күчүнө кирет. 

Токтом Улуттук банктын расмий сайтында: www.nbkr.kg/ Банк/ Банк иши тууралуу мыйзамдар/Улуттук банк Башкармасынын токтомдору дареги боюнча жайгаштырылган. 

Ченемдик укуктук акт Улуттук банктын расмий сайтында: www.nbkr.kg/ Банк / Улуттук банктын ченемдик актылары/ Банк ишин жөнгө салуу жана www.nbkr.kg/ Банк / Улуттук банктын ченемдик актылары/ Банктык эмес финансы мекемелеринин ишин жөнгө салуу дареги боюнча жайгаштырылган. 

 


Датасы: 07.03.2018
Туруктуу шилтеме

Улуттук банк Башкармасы тарабынан 2018 - жылдын 28 - февралында №2018-П-12/7-7-(НПА) «Коммерциялык банктардын чет өлкө валютасындагы акча каражаттарын Кыргыз Республикасынын Улуттук банкында ачылган депозит эсептерине жайгаштыруу тартиби жөнүндө» жобону бекитүү тууралуу» токтом кабыл алынып, ага ылайык коммерциялык банкттар чет өлкө валютасындагы акча каражаттарын Улуттук банкта ачылган депозит эсебине жайгаштыруу мүмкунчүлүгүнө ээ болушту. Ошондой эле, жободо чет өлкө валютасындагы акча каражаттарын жайгаштырууга карата талаптар, тартиби жана шарттары камтылган.  

Токтом расмий жарыялангандан 15 (он беш) күн өткөндөн кийин күчүнө кирет. 

Токтом Улуттук банктын расмий сайтында: www.nbkr.kg/ Банк/ Банк иши тууралуу мыйзамдар/Улуттук банк Башкармасынын токтомдору дареги боюнча жайгаштырылган. 

Ченемдик укуктук акт Улуттук банктын расмий сайтында: www.nbkr.kg/ Банк / Улуттук банктын ченемдик актылары/ Банк ишин жөнгө салуу жана www.nbkr.kg/ Банк / Улуттук банктын ченемдик актылары/ Банктык эмес финансы мекемелеринин ишин жөнгө салуу дареги боюнча жайгаштырылган. 

 


Датасы: 03.03.2018
Туруктуу шилтеме

Кыргыз Республикасынын Улуттук банкы төмөнкү айрым ченем укуктук актыларына өзгөртүүлөрдү жана толуктоолорду киргизүү тууралуу долбоорун коомдук талкууга сунуштайт: “Кыргыз Республикасынын Улуттук банкы аркылуу жайгаштырылуучу Банктар аралык кредиттик операциялар боюнча мамлекеттик баалуу кагаздар түрүндөгү күрөөлүк камсыздоону каттоо эрежелери” жана “Кыргыз Республикасынын Улуттук банкы аркылуу жайгаштырылуучу баалуу кагаздарды депозитардык эсепке алуу жөнүндө жобо”. 

Долбоор Улуутук банктын расмий интернет-сайтында “Улуттук банктын ченемдик актылары” / “Талкууга сунушталган долбоорлор” бөлүгүндө жайгаштырылган. 

Коммерциялык банктар долбоор боюнча сунуш-пикирлерди 2018-жылдын 3-апрелинен кечиктирбестен tmatveeva@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 03.03.2018
Туруктуу шилтеме

Улуттук банк Башкармасынын 2005-жылдын 26-сентябрындагы №29/2 токтомунун негизинде “Ак Банк” ААКсына 2005-жылдын 28-сентябрынан тартып консервация чарасы киргизилген эле.  

Ал эми Улуттук банк Башкармасынын 2005-жылдын 31-октябрындагы № 33/1 токтому менен “Ак Банк” ААКсына 2005-жылдын 19-майында банк операцияларын жүргузүү укугуна берилген №021 лицензия жана чет өлкө валютасында операцияларды жүргүзүү укугуна берилген №021/1 кошумча лицензия 2005-жылдын 1-ноябрынан тартып кайтарылып алынган. Ошентип, 2005-жылдын 31-октябрынан тартып “Ак Банк” ААКсы банк ишин жүргүзбөй келген. 

2017-жылдын 22-июнунда Кыргыз Республикасынын “Кыргыз Республикасынын Улуттук банкы, банктар жана банк иши жөнүндө” мыйзамы колдонууга киргизилгендигине байланыштуу “Ак Банк” ААКсында консервация жол-жобосу Улуттук банк Башкармасынын 2017-жылдын 23-июнундагы токтому менен Убактылуу администрация атайын режимине өзгөртүлгөн.  

Бишкек шаарынын райондор аралык сотунун 2018-жылдын 22-февралындагы чечими менен “Ак Банк” ААКсы төлөөгө жөндөмсүз катары таанылып, ага карата мажбурлап жоюу жол-жобосу башталып, Шаршекеева Каныш Шаршекеевна жоюучу болуп дайындалган. 

Бишкек шаарынын райондор аралык сотунун жогоруда көрсөтүлгөн чечимине ылайык, Улуттук банк Башкармасынын 2018-жылдын 28-февралындагы токтому менен «Ак Банк» ААКсында убактылуу администрация режими токтотулган. 

«Ак Банк» ААКсындагы иш жагдайына байланыштуу маселелер боюнча жоюу процессин башынан кечирип жаткан банктын жоючусу Шаршекеева Каныш Шаршекеевнага Бишкек ш., Жумабек к. 203 дареги же 46-34-13, (0558) 00-83-83 телефондору аркылуу кайрылсаныздар болот. 

 


Датасы: 03.03.2018
Туруктуу шилтеме

Нак чет өлкө валютасы менен алмашуу операцияларын жүргүзүү укугуна лицензияны берүү тартиби жөнүндө” жобону бекитүү тууралуу” Улуттук банк Башкармасынын 2011-жылдын 27-июлундагы №40/4 токтомуна толуктоолорду жана өзгөртүүлөрдү киргизүү” жөнүндө Кыргыз Республикасынын Улуттук банк Башкармасынын токтом доолбору коомдук талкууга чыгарылууда. Бул долбоор нак чет өлкө валютасы менен алмашуу операцияларын жүргүзүү укугуна лицензияны берүү боюнча Улуттук банктын укуктук ченемдик актыларын жакшыртуу максатында иштелип чыккан.  

Ушул токтом долбоору Кыргыз Республикасынын Улуттук банктын расмий веб-сайтында Банк / Улуттук банктын ченемдик актылары / Талкууга сунушталган долбоорлор деген бөлүмүндө мамлекеттик жана расмий тилде жайгаштырылган. 

Кыргыз Республикасынын Улуттук банкы ушул долбоорго карата сунуштарды жана сын-пикирлерди 2018-жылдын 31-мартынан кечиктирбестен, nbugubaeva@nbkr.kg электрондук дарегине жөнөтүүнү өтүнөт. 


Датасы: 02.03.2018
Туруктуу шилтеме

Кыргыз Республикасынын Улуттук банкы, Кыргыз Республикасынын Улуттук банк Башкармасынын «Банктык көзөмөлдүктү жүзөгө ашыруу жөнүндө» нускоону бекитүү тууралуу» токтом долбооруну (мындан ары долбоор) иштеп чыккандыгын жана анда төмөнкүлөр камтылгандыгын билдирет: 

банктардын ишинде келип чыгышы ыктымал болгон тобокелдикти аныктоого багытталган көзөмөлдүктү жүргүзүү боюнча инспектордук текшерүүлөрдүн жаңы талаптарын киргизүү

- тышкы көзөмөл банктык көзөмөлдүктүн элементи экендигин чагылдыруу; 

банк кызматкерлери жана жетекчилиги менен сүйлөшүүлөр жана жолугушуулар боюнча протокол толтурууга, аудио/видеого жаздырып алууга Улуттук банктын укугу

«мүнөздүү тобокелдик», «айкын келип чыккан тобокелдик», «банк ишинде орун алган тобокелдик мүнөзү» жана «банктын жыйынтык рейтинги» сыяктуу аныктамаларды киргизүү

- инспектордук текшерүүнү жүргүзүүдө банктын тоскоолдуктарды жаратышы жагдайларын четтетүү жол-жоболору; 

- банктык көзөмөлдүктү жүргүзүүдө текшерүүлөр боюнча отчетторду даярдоо жана башка иш-чараларга тиешелүү бөлүккө өзгөртүүлөрдү жана толуктоолорду киргизүү

тобокелдикти аныктоого багытталган көзөмөлдүк саясатына ылайык банк ишинде орун алышы ыктымал болгон тобокелдиктерди классификациялоо; 

- башка өзгөртүүлөрдү киргизүү

Долбоор Улуттук банктын расмий интернет-сайтынын «Ченемдик актылар / Талкууга сунушталган долбоорлор» бөлүгүндө жайгаштырылган.  

Улуттук банк, жогоруда белгиленген долбоорго карата сунуштарды жана сын-пикирлерди 2018-жылдын 5-апрелинен кечиктирбестен, ошондой эле каттын электрондук версиясын amuratov@nbkr.kg электрондук дарегине да жөнөтүүнү өтүнөт. 

 


Датасы: 01.03.2018
Туруктуу шилтеме

1. Кыргыз Республикасынын Улуттук банкы «Росинбанк» ААКсы тарабынан Директорлор кеңешинин мүчөсү кызмат ордуна сунушталган Бакас уулу Бахтыярдын талапкерлигине макулдук берүү чечимин 2018-жылдын 27-февралында кабыл алды; 

2. Кыргыз Республикасынын Улуттук банкы «Росинбанк» ААКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Атанова Гульсаара Тургумбаевнанын талапкерлигине макулдук берүү чечимин 2018-жылдын 27-февралында кабыл алды; 

3. Кыргыз Республикасынын Улуттук банкы «Росинбанк» ААКсы тарабынан Директорлор кеңешинин мүчөсү кызмат ордуна сунушталган Джаманкулов Болот Сапаровичтин талапкерлигине макулдук берүү чечимин 2018-жылдын 27-февралында кабыл алды; 

4. Кыргыз Республикасынын Улуттук банкы «ФинансКредитБанкКАБ» ААКсы тарабынан Директорлор кеңешинин мүчөсү кызмат ордуна сунушталган Узакова Батма Камбаровнанын талапкерлигине макулдук берүү чечимин 2018-жылдын 27-февралында кабыл алды; 

5. Кыргыз Республикасынын Улуттук банкы «Оптима Банк» ААКсы тарабынан Директорлор кеңешинин мүчөсү кызмат ордуна сунушталган Султанбеков Алдияр Талапбековичтин талапкерлигине макулдук берүү чечимин 2018-жылдын 27-февралында кабыл алды; 

6. Кыргыз Республикасынын Улуттук банкы «Оптима Банк» ААКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Султанова Ботагоз Куандыковнанын талапкерлигине макулдук берүү чечимин 2018-жылдын 27-февралында кабыл алды. 

 


Датасы: 28.02.2018
Туруктуу шилтеме

Улуттук банк улуттук валютага арналган мыкты видео тасма  

тартуучулар арасында сынак жарыялайт  

 

Кыргыз Республикасынын Улуттук банкы улуттук валютанын жүгүртүүгө чыгарылышынын 25 жылдыгын майрамдоо алкагында «Кыргыз сомуна 25 жыл» кыска видео тасма тартуучулар арасында сынак жарыялайт. 

Негизги теманын чегинде: 

- «Мен үчүн сомдун мааниси»; 

- «Сомдун өркүндөө жолу» темалары боюнча да тартылган кыскача тасмаларды кароого сунуштоого болот.  

Сынак Кыргыз Республикасынын жашы он алтыга толгон жана андан өткөн жарандары арасында  өткөрүлөт. Өз алдынча же жамаат менен бирге даярдалган эмгектер кабыл алынат.  

 

Сынакка катышуу үчүн төмөнкүлөр талап кылынат:  

 

1. Жогоруда аталган темалардын бирине жооп берген кыскачы тасма тартуу; 

2. Кыскача тасманы («Фэйсбук» (www.facebook.com), «Ютуб» (www.youtube.com), «Инстаграм» (www.instagram.com), «Одноклассники»(www.ok.ru), «ВКонтакте» (www.vk.com), «Твиттер» (www.twitter.com), «Билайв» (www.blive.kg), «Намба» (www.namba.kg), «Булбул» (www.bulbul.kg) интернет ресурстарынын биринде жарыялоо; 

3. Сынакка катышууга билдирмени видеороликке шилтеме келтирүү менен бирге press@nbkr.kg электрондук дарегине 2018-жылдын 10-майында саат 17:00дөн кечиктирбестен “видеороликтер сынагына” деп белгилөө менен жөнүтүү. Билдирмеде катышуучунун аты-жөнү, толук жаш курагы, жашаган жеринин дареги, байланыш телефондору милдеттүү түрдө көрсөтүлүшү зарыл.  

 

Сынак жыйынтыгы 2018-жылдын июнь айында чыгарылат. Бул тууралуу толук маалыматты Улуттук банктын расмий сайтындагы ушул шилтемеден.  

алууга болот.

 

 

 


Датасы: 28.02.2018
Туруктуу шилтеме

1. Кыргыз Республикасынын Улуттук банкы «Азия Банкы» ЖАКы тарабынан Директорлор кеңешинин мүчөсү кызмат ордуна сунушталган Осмонов Улан Шакарбековичтин талапкерлигине макулдук берүү чечимин 2018-жылдын 22-февралында кабыл алды; 

2. Кыргыз Республикасынын Улуттук банкы «Кыргызкоммерцбанк» ААКы тарабынан Директорлор кеңешинин мүчөсү жана Аудит боюнча комитетинин төрайымы кызмат ордуларына сунушталган Мамытова Кастору Касымбековнанын талапкерлигине макулдук берүү чечимин 2018-жылдын 22-февралында кабыл алды; 

3. Кыргыз Республикасынын Улуттук банкы «Евразиялык Сактык Банкы» ААКсы тарабынан Директорлор кеңешинин мүчөсү кызмат ордуна сунушталган Есеналиев Улан Ишенкуловичтин талапкерлигине макулдук берүү чечимин 2018-жылдын 22-февралында кабыл алды. 

 


Датасы: 27.02.2018
Туруктуу шилтеме

Кыргыз Республикасынын Улуттук банкы "Кыргыз Республикасынын Улуттук банкынын айрым укуктук-ченемдик актыларына өзгөртүүлөрдү киргизүү жөнүндө" долбоорун (мындан ары – долбоор) иштеп чыкты. 

Бул долбоордун алкагында төмөнкүлөр каралган: 

-нак акчалардын коммерциялык банктар аркылуу жылышы боюнча так жана толук маалымат алуу жана электрондук акча боюнча сумманы туура чагылдыруу максатында, бул көрсөткүчтөрдүн динамикасын андан ары колдонуу, талдап-иликтөө жана мониторинг жүргүзүү үчүн электрондук акча жөнүндө маалыматтарды чагылдыруу боюнча жаңы символдорду "Ай/жума ичиндеги кассалык жүгүртүүлөр жөнүндө" отчеттор түзүмүнө кошуу боюнча өзгөртүүлөрдү киргизүү. 

Ошол себептен, бул долбоордо Улуттук банктын төмөнкү айрым укуктук-ченемдик актыларына өзгөртүүлөрдү жана толуктоолорду киргизүү каралган: 

- Улуттук банктын 2005-жылдын 25-августундагы №26/5 "Мезгил-мезгили менен берүүчү регулятивдик банктык отчет жөнүндө" жобону бекитүү тууралуу" токтомуна; 

- Улуттук банктын 2011-жылдын 21-декабрындагы №69/16 "Кассалык жүгүртүүлөр жөнүндө отчет тууралуу" жобону бекитүү жөнүндө" токтомуна. 

Долбоор Улуттук банктын расмий интернет сайтынын "Ченемдик актылар / Талкууга сунушталган долбоорлор" бөлүгүндө жайгаштырылган.  

Улуттук банк, жогоруда белгиленген долбоорго карата сунуштарды жана сын-пикирлерди 2018-жылдын 27-мартынан кечиктирбестен saubakirova@nbkr.kg электрондук дарегине жөнөтүүнү өтүнөт.  

 


Датасы: 27.02.2018
Туруктуу шилтеме

Пресс-релиз 

Кыргыз Республикасынын Улуттук банкы  

эсептик чен өлчөмүн 5 пайыз деңгээлинде калтырды 

 

Улуттук банк Башкармасы 2018-жылдын 26-февралында эсептик чен өлчөмүн (чен саясатын) 5,00 пайыз деңгээлинде калтыруу чечимин кабыл алды. Чечим 2018-жылдын 27-февралынан тартып күчүнө кирет. 

Кыргыз Республикасында инфляция орточо чекте сакталып турууда. 2018-жылдын февраль айында (16ысына карата) инфляциянын жылдык мааниси 3,4 пайыз чегинде катталган. Буга дүйнөлүк азык-түлүк рыногунда баа туруктуулугу жана өлкөдө керектөө талабынын калыбына келиши таасир эткен. Товарлардын азык-түлүк тобуна баанын жылдык өсүш арымы басаңдоого ык койгондугун далилдөөдө. Ошол эле учурда, азык-түлүктөн башкалар боюнча инфляцияга салымды байланыш кызмат көрсөтүүлөрүнө баанын өсүшү жана жыл башында айрым товарларга акциздердин жогорулоосу кошкон. Инфляция факторлоруна баа берүү келерки мезгил ичинде баа динамикасы акча-кредит саясатынын орто мөөнөткө каралган максаттуу көрсөткүчү 5-7 пайыз чегинде туруктуу сакталарын мүнөздөөдө.  

Соода боюнча өнөктөш өлкөлөрдүн экономикаларынын өсүш факторлорунун бекемделиши, сырттан суроо-талаптын артышын жана Кыргыз Республикасына акча которуунун туруктуу агымын шарттайт. Ушул жагдайда жана ички суроо-талаптын калыбына келиши менен бирге, өлкөдө экономикалык жигердүүлүктүн жогорулоосу белгиленүүдө. 2018-жылдын январь айынын жыйынтыгы боюнча айкын ички дүң өнүм 2,3 пайызга өскөн, ал эми «Кумтөр» алтын-кен иштеп чыгуу ишканаларынын маалыматтарын эске албаганда, 3,4 пайызды түзгөн.  

Ички валюта рыногунда түптөлгөн жагдай туруктуу сакталууда. Январь айынын орто ченинде ички валюта рыногунда чет өлкө валютасын сунуштоонун ага карата талапка караганда арткандыгы байкалган. Улуттук банк алмашуу курсунун кескин өзгөрүүсүн текшилөө максатында валюталык интервенцияларды ишке ашырган: 2018-жылдын январь-февраль айлары ичинде чет өлкө валютасын таза сатып алуу 15,2 млн АКШ долларын түзгөн. 

Өткөн 2017-жыл ичинде акча-кредит саясатынын өбөлгө түзүүчү шарттары экономиканын алгылыктуу өсүш арымын колдоого багытталып, кредиттер боюнча рыноктук чендерди төмөндөтүүгө өбөлгө түзүлүп, экономиканы кредиттөө көлөмү кеңейген. Акча-кредит саясатынын инструменттерин өркүндөтүү чаралары банктар аралык рынокто жигердүүлүктүн артышына түрткү берген. Акча рыногунун улуттук валютадагы кыска мөөнөттүк чендери Улуттук банк белгилеген пайыз чегинде өзгөрүп турган.  

Тышкы экономикалык чөйрөнүн өнүгүү келечеги, ошондой эле ичте түптөлгөн шарттар 2018-жыл ичинде инфляция динамикасы, кандайдыр-бир кошумча сырткы жана ички таасирлер орун албаган шартта, 5-7 пайыз чегинен ашпаган чекте максаттуу деңгээлде сакталып турушун болжолдоодо. Ушул шартта, эсептик чендин белгиленген чекте сакталып калышы экономиканын реалдуу секторуна алгылыктуу таасир этүүгө өбөлгө түзөт.  

Улуттук банк тышкы жана ички факторлордун инфляцияга таасир этишине мезгил-мезгили менен баа берип туруу аркылуу экономикалык жагдайга жараша акча-кредит саясатынын тиешелүү чараларын көрүүнү улантат.  

 

Маалымат үчүн: 

Улуттук банк Башкармасынын эсептик чен өлчөмү маселесине тиешелүү кийинки отуруму 2018-жылдын 26-мартына пландаштырылган.  

 


Датасы: 27.02.2018
Туруктуу шилтеме

Кыргыз Республикасынын Улуттук банктын Көзөмөл боюнча комитети 2018-жылдын 22-февралында Улуттук банктын ченемдик укуктук актыларынын талаптарын, ошондой эле анын жазма буйруктарын дайыма аткарбай келгендиги үчүн ЖЧК «Плюс Кредиты» МККсынын каттоодон өткөндүгү жөнүндө кубөлүгүнүн күчүн 2018-жылдын 27-февралынан тартып токтотуу чечимин кабыл алды. 

ЖЧК «Плюс Кредиты» МККсынын юридикалык дареги: Бишкек ш., Исанов көчөсү, 60, ал эми айкын орун алып турган дареги: Бишкек ш., Логвиненко көчөсү, 32. 

Аталган ЖЧК «Плюс Кредиты» МККсы Көзөмөл боюнча комитеттин токтому менен Бишкек шаары, Т.Умөталиев атындагы көчө 101 дарегине келип, таанышууга укуктуу. Маалыматтар 66 92 58 телефону боюнча берилет. 

 


Датасы: 26.02.2018
Туруктуу шилтеме

Кыргыз Республикасынын Улуттук банкы тарабынан чыгарылган 2000 сом номиналындагы эстелик банкнот Борбордук жана Чыгыш Европа, ошондой эле КМШ өлкөлөрүнүн ичинде “2018-жылдын регионалдык эң мыкты банкноту” абройлуу эл аралык сынагынын жеңүүчүсү катары аныкталды.   

Эстелик банкнот 2017-жылдын 17-ноябрында жүгүртүүгө сунушталып, өлкө тарыхындагы бир катар маанилүү окуяларга: Кыргыз Республикасынын эгемендүүлүгүнүн 25 жылдыгына, Улуттук банктын түптөлүшүнүн 25 жылдыгына, ошондой эле улуттук валютанын жүгүртүүгө чыгарылышынын алдыда күтүлүп жаткан 25 жылдык мааракелерине арналып чыгарылган.  

Эстелик банкнот татыктуу болгон эл аралык маанидеги сыйлык өзгөчөлөнгөн дизайн, көркөм жасалгалоонун алкагында учур талабына жооп берген коргоо элементтеринин айкалышта колдонулушу, ошондой эле технологиялык жасалгаланышы жана коргоого алынышы өзгөчөлүгү үчүн ыйгарылат. Мында айрыкча, маданий мурастын, жалпы дизайндын жана эмитент-өлкөнүн өзгөчө белгилеринин чагылдырылышына көңүл бурулат. 

Жогорку сыйлыктарга ошондой эле, Россиянын 200 жана 2000 рубль номиналындагы, Армениянын 500 драм номиналындагы, Польшанын 500 злотых номиналындагы, ошондой эле Грузиянын 5 лари номиналындагы банкноттору талапкерден болгон.  

Регионалдык эң мыкты банкнот сынагы жыл сайын өтүүчү жогорку коргоо элементине ээ басылмалар боюнча эл аралык конференциянын  (High Security Printing) алкагында Польша Республикасынын Варшава шаарында, 2018-жылдын 19-21-февралында өткөн. High Security Printing бул, банкнотторду, башка баалуу кагаздарды басып чыгаруу, алардын коргоо элементтери маселелерине арналган ар жылы өтүүчү таасирдүү регионалдык конференция болуп саналат. 

 

 

 


Датасы: 26.02.2018
Туруктуу шилтеме

Улуттук банк Башкармасы тарабынан электрондук капчыкты толуктоо тартибин тактоого жана электрондук акча чыгарууда, эсебин жүргүзүүдө жана сактоодо келип чыгышы ыктымал болгон тобокелдиктерди алда-канча азайтууга өбөлгө түзгөн «Кыргыз Републикасында электрондук акча жөнүндө» жобого сунушталган өзгөртүүлөр жана толуктоолор бекитилди. 

Токтом, Улуттук банктын расмий интернет сайтына жарылангандан 15 (он беш) күн өткөндөн кийин күчүнө кирет. 

Улуттук банк Башкармасынын токтому электрондук капчыкка байланыштуу иш багытына тыюу салбайт, тескерисинче, аны толуктоо ыкмаларын тактоо жагында өзгөртүүлөрдү сунуштайт. Капчык ээлери аны төмөнкү ыкмалар менен толуктоого мүмкүнчүлүк түзөт: 

- банктык эсептен чегерүү

- тастыкталган электрондук капчыктардан которуу;  

- банктык эсеп ачуусуз эле, Улуттук банкта каттоодон өткөн акча которуу системалары аркылуу; 

- автоматташтырылган терминалдарга (cash-in), банк-эмитенттин кассасына, жана ошондой эле коммерциалык банктардын агенттерине жана/же төлөм уюмдарынын агенттерине нак акча каражаттарын төлөө

 Мында, Улуттук банк Башкармасынын жогоруда белгиленген токтомуна ылайык, товарларды жана кызмат көрсөтүүлөрдү сунуштоочулардын абоненттеринин (колдонуучунун) өздүк эсебинен, ошондой эле товар жана кызмат көрсөтүү үчүн аванстык төлөмдү электрондук капчыкка чегерүү менен аны кайтарып берүү аркылуу толуктоого жол берилбейт. 

Учурда колдонулуп жаткан электрондук капчыктар бардыгы азыркы учурдай эле жеткиликтүү болоорун эске салабыз. Бул токтомдун күчүнө киргенге чейин уюлдук байланыш операторлору өз абоненттери электрондук капчыктын ээлери менен өздүк эсептериндеги (баланстагы) өз электрондук капчыктарын толуктоого жана/же башка товар жана кызмат көрсөтүүлөрдү сунуштоочулордун пайдасына төлөм жүргүзүүгө багытталган калдыктар боюнча тиешелүү иш-чараларды өткөрүүсү зарыл. 

Ушуну менен катар электрондук капчыктарды жогоруда аталган ыкмалар аркылуу толуктоого мүмкүн экендигин да баса белгилеп кетмекчибиз. 

 


Датасы: 22.02.2018
Туруктуу шилтеме

Уюштуруучусунун микрокредиттик агенттик катары ишин токтоткондугу жөнүндөгү чечиминин жана билдирүүсүнүн негизинде, 2018-жылдын 22-февралында төмөнкү микрокредиттик агенттиктин 2015-жылдын 7-апрелинде берилген каттоодон өткөндүгү жөнүндөгү № 209 күбөлүгү жокко чыгарылды: 

1. «Байгер-финанс» микрокредиттик агенттиги коомдук фонду, дареги: Талас областы, Талас шаары, Сарыгулов көчөсү, 28. 


Датасы: 22.02.2018
Туруктуу шилтеме

Кыргыз Республикасынын Улуттук банкы, Улуттук банк Башкармасынын айрым токтомдоруна өзгөртүүлөрдү жана толуктоолорду киргизүү долбоорун (мындан ары долбоор) иштеп чыккандыгын жана анда төмөнкүлөр камтылгандыгын билдирет: 

- тобокелдикке дуушарлануу деңгээлин аныктоо боюнча талаптар менен толуктоо, атап айтканда, тобокелдикке дуушарлануу деңгээлин аныктоо саясаттарын жана процесстерин иштеп чыгуу, тобокелдиктер боюнча лимиттерди өлчөө, аныктоо, тескөө жана аныкталган тобокелдиктер боюнча лимиттерди банктын тиешелүү ыйгарым укуктуу түзүмдүк бөлүмдөрүнө маалымдоо, ошондой эле Банк Башкармасы жана Тобокелдик-менеджменти кызматы менен бирге банктын тобокелдикке дуушарлануу деңгээлин аныктоо үчүн банктын Директорлор кеңешинин жоопкерчилигин күчөтүү

- Тобокелдик-менеджменти кызматынын отчетторун Тобокелдик боюнча комитетке бир айда бир жолу, Директорлор кеңешине үч айда бир жолу сунуштап туруу аралыгын өзгөртүү

- «Тобокелдикке дуушарлануу деңгээлин аныктоо боюнча ички документи» жана «Банктын тобокелдик профили» сыяктуу аныктамалар менен толуктоо; 

- коммерциялык банктарга кредиттик страгенияны иштеп чыгуу жагында минималдуу талаптарды белгилөө

- макроэкономикалык тобокелдиктерди эске алуу менен өлкөлүк жана рыноктук тобокелдиктерди тескөө талаптарынын таасирин күчөтүү

техникалык мүнөздөгү өзгөртүүлөрдү киргизүү ошондой эле, карама-каршы келген нормаларды, талаптарды алып салуу. 

Ошентип, аталган долбоор төмөнкү ченемдик укуктук актыларга сунушталган өзгөртүүлөрдү жана толуктоолорду камтыйт: 

- Улуттук банк Башкармасынын 2017-жылдын 15-июнундагы № 2017-П-12/25-8-(НПА) токтому менен бекитилген «Кыргыз Республикасынын банктарында тобокелдиктерди тескөө боюнча минималдуу талаптар жөнүндө» жобого; 

- Улуттук банк Башкармасынын 2010-жылдын 30-июнундагы № 52/4 токтому менен бекитилген «Кыргыз Республикасынын Улуттук банкынан лицензия алган коммерциялык банктарда жана башка финансы-кредит уюмдарында кредиттик тобокелдикти тескөө боюнча минималдуу талаптар жөнүндө» жобого; 

- Улуттук банк Башкармасынын 2006-жылдын 28-июнунда № 19/3 токтому менен бекитилген «Кыргыз Республикасынын Улуттук банкынан лицензия алган коммерциялык банктарда жана башка финансы-кредит уюмдарында өлкөлүк тобокелдикти тескөө боюнча минималдуу талаптар жөнүндө» жобого; 

- Улуттук банк Башкармасынын 2006-жылдын 28-июнунда № 19/2 токтому менен бекитилген «Кыргыз Республикасынын Улуттук банкынан лицензия алган коммерциялык банктарда жана башка финансы-кредит уюмдарында рыноктук тобокелдикти тескөө боюнча минималдуу талаптар жөнүндө» жобого. 

Долбоор Улуттук банктын расмий интернет сайтынын «Ченемдик актылар//Талкууга сунушталган долбоорлор» бөлүгүндө жайгаштырылган.  

Улутутк банк, жогоруда белгиленген долбоорго карата сунуштарды жана сын-пикирлерди 2018-жылдын 26-мартынан кечиктирбестен сунуштоону aiymanalieva@nbkr.kg жана asadykov@nbkr.kg электрондук дарегдерине жөнөтүүнү өтүнөт. 


Датасы: 20.02.2018
Туруктуу шилтеме

Улуттук банк Башкармасынын 2015-жылдын 25-ноябрындагы № 71/11 “Төлөм системасынын операторлорунун жана төлөм уюмдарынын ишин лицензиялоо жөнүндө” жобо талабына ылайык, төлөм системасынын операторлорунун жана төлөм уюмдарынын реестринде «Диджитал Пэйментс-К» ЖЧКсы да катталгандыгын маалымдайбыз. 

2018-жылдын 16-февралында «Диджитал Пэйментс-К» ЖЧКсына төмөнкү иш багытын жүзөгө ашыруу укугуна лицензия берилген: 

№ 2022160218 төлөм системасынын катышуучусунан болгон үчүнчү жактардын төлөмдөрү жана эсептешүүлөрү боюнча финансылык маалыматтарды кабыл алуу, иштеп чыгуу жана сунуштоо (процессинг, клиринг) боюнча кызмат көрсөтүүлөрдү төлөм системасынын ошол процессинг, клиринг борборунун катышуучуларына сунуштоо 


Датасы: 19.02.2018
Туруктуу шилтеме

1. Кыргыз Республикасынын Улуттук банкы "Айыл Банк" ААКсы тарабынан Директорлор кеңешинин мүчөсү кызмат ордуна сунушталган Базаркулов Улан Аскарбековичтин талапкерлигине макулдук берүү чечимин 2018-жылдын 15-февралында кабыл алды; 

2. Кыргыз Республикасынын Улуттук банкы "Кыргыз - Швейцариялык Банк" ЖАКсы тарабынан Директорлор кеңешинин мүчөсү жана Аудит боюнча комитетинин Төрагасынын кызмат ордуна сунушталган Александр Сачердотинин талапкерлигине макулдук берүү чечимин 2018-жылдын 15-февралында кабыл алды; 

3. Кыргыз Республикасынын Улуттук банкы "Кыргыз Инвестициялык Кредит Банкы" ЖАКсы тарабынан Директорлор кеңешинин мүчөсү кызмат ордуна сунушталган Адриан Ян Хоувинктин талапкерлигине макулдук берүү чечимин 2018-жылдын 15-февралында кабыл алды; 

4. Кыргыз Республикасынын Улуттук банкы "ЭкоИсламикБанк" ЖАКсы тарабынан Директорлор кеңешинин мүчөсү кызмат ордуна сунушталган Убалиев Элдияр Маматжановичтин талапкерлигине макулдук берүү чечимин 2018-жылдын 15-февралында кабыл алды; 

5. Кыргыз Республикасынын Улуттук банкы "Евразиялык Сактык Банкы" ААКсы тарабынан Директорлор кеңешинин мүчөсү кызмат ордуна сунушталган Ускенбаева Гульнара Тураровнанын талапкерлигине макулдук берүү чечимин 2018-жылдын 15-февралында кабыл алды; 

6. Кыргыз Республикасынын Улуттук банкы "Евразиялык Сактык Банкы" ААКсы тарабынан Башкармасынын мүчөсү/Кредиттөө башкармалыгынын начальниги кызмат ордуна сунушталган Асанкожоева Ракия Шаршенбаевнанын талапкерлигине макулдук берүү чечимин 2018-жылдын 15-февралында кабыл алды; 

7. Кыргыз Республикасынын Улуттук банкы ЖАК АКБ "Толубай" тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Иманалиев Мырзакунбек Самарбековичтин талапкерлигине макулдук берүү чечимин 2018-жылдын 15-февралында кабыл алды; 

8. Кыргыз Республикасынын Улуттук банкы ЖАК АКБ "Толубай" тарабынан Директорлор кеңешинин мүчөсү кызмат ордуна сунушталган Жумашев Бакыт Курманалыевичтин талапкерлигине макулдук берүү чечимин 2018-жылдын 15-февралында кабыл алды; 

9. Кыргыз Республикасынын Улуттук банкы ААК "ФинансКредитБанк КАБ" тарабынан Башкармасынын мүчѳсү кызмат ордуна сунушталган Мамырова Майрам Абдуманнаповнанын талапкерлигине макулдук берүү чечимин 2018-жылдын 15-февралында кабыл алды; 

10. Кыргыз Республикасынын Улуттук банкы ААК "Кредиттик союздардын каржы компаниясы" тарабынан Директорлор кеңешинин төрагасы кызмат ордуна сунушталган Кожеков Омурбек Акылбековичтин талапкерлигине макулдук берүү чечимин 2018-жылдын 15-февралында кабыл алды. 

 


Датасы: 12.02.2018
Туруктуу шилтеме

Улуттук банктын жетекчилиги «Кыргыз Республикасында электрондук акча жөнүндө» жобого өзгөртүүлөрдү жана толуктоолорду киргизүү долбоорун коомдук талкууга сунуштоонун жыйынтыгы боюнча жолугушуу өткөрдү 

 

2018-жылдын 12-февралында Кыргыз Республикасынын Улуттук банкында коммерциялык банктардын, мобилдик байланыш операторлорунун, «Кыргыз банктар бирлиги», «KG төлөм системалары операторлор ассоциациясы» юридикалык жактар бирикмелеринин өкүлдөрү менен «Кыргыз Республикасында электрондук акча жөнүндө» жобонун электрондук капчыктарды толуктоо тартибин тактоо бөлүгүнө сунушталган өзгөртүүлөр жана толуктоолор долбоору боюнча жолугушуу болуп өттү

Жолугушууда долбоор боюнча келип түшкөн сунуштар жана сын-пикирлер талкууланып, коммерциялык банктар менен мобилдик байланыш операторлордун мындан ары биргелешип иш алып баруу планы талкууга алынды. 

 

 


Датасы: 09.02.2018
Туруктуу шилтеме

Учурда жалпыга маалымдоо каражаттарында Улуттук банк тарабынан электрондук капчыкты толуктоо тартибин тактоо жана электрондук акчаны чыгаруу, эсебин жүргүзүү жана сактоодо келип чыгышы ыктымал болгон тобокелдиктерди кыскартуу максатында сунушталып жаткан өзгөртүүлөр кызуу талкууга алынууда.  

Ушудан улам, коомчулук арасында чындыкка дал келбеген маалыматтар тарап жаткандыгына байланыштуу, Улуттук банк төмөнкү суроолор боюнча түшүндүрмө берет. 

 

1. Улуттук банк эмне үчүн “Кыргыз Републикасындагы электрондук акча жөнүндө” жобого өзгөртүү киргизип жатат?  

Жогоруда аталган жобого өзгөртүүлөр жана толуктоолор электрондук капчыкты толуктоо тартибин тактоо жана электрондук акчаны чыгаруу, эсебин жүргүзүү жана сактоодо келип чыгышы ыктымал болгон тобокелдиктерди азайтуу максатында сунушталууда. Бүгүнкү күндө электрондук капчык ээлери аларды төлөм терминалдары, банктык эсептер, акча которуу системасы аркылуу толуктоо мүмкүнчүлүгүнө ээ.  

Мобилдик байланыш операторлору электрондук капчыкты абоненттин өздүк эсебинен толуктоо шарттарын сунуштоодо. Улуттук банк операторлордун мындай иш схемасын кылдат кароого алуу менен төмөнкүлөргө байланыштуу бир катар тобокелдиктердин келип чыгышы ыктымалдыгын аныктаган: 

- мобилдик байланыш операторлорунун абоненттеринин өздүк эсептеринде (балансында) жайгаштырылган жана топтолгон акча каражаттарынын эсебинен төлөмдөрдүн гарантиялашы көз карашынан алганда, керектөөчүлөрдүн укугунун корголушу жагында, атап айтканда, өздүк эсептен каражаттардын алынышы, биринчи кезекте ошол байланыш операторунун кызмат көрсөтүүлөрү, анын ичинде санкциясыз туташкандардын кызматтары үчүн төлөөлөргө багытталат. Мобилдик байланыш оператору төлөөгө жөндөмсүздүк жана банкрот абалында калган шартта, жогоруда аталган каражаттарды 100% өлчөмүндө камсыз кылуу жагында; 

- мобилдик байланыш операторлорунун өздүк эсебинде “бирдик” түрүндө эч нерсе менен камсыздалбаган акча каражаттарынын пайда болушу, демек, мамлекет тарабынан жөнгө салынбаган катар акча жүгүртүлүшүнүн, катар квази системасынын орун алышына байланыштуу финансылык туруктуулукка коркунучтун келтирилиши; 

- келип түшкөн акча каражаттарын өз ыңгайына жараша жумшап, мамлекет тарабынан ошол акча агымына эч кандай контролдуктун жоктугунан улам, мобилдик байланыш операторлорунун калктан акча каражаттарын тартышына байланыштуу; 

- мобилдик байланыш операторлорунун автоматташтырылган системасындагы процесстерге мамлекеттик контролдуктун жоктугу сыяктуу тобокелдиктер келип чыгышы ыктымал; 

- мыйзамдардын төлөм системасы жана электрондук акчага тиешелүү талаптарынын, ошондой эле кылмыш жолу менен алынган кирешелерди легалдаштырууга (изин жашырууга) жана террористтик же экстремисттик иш-аракеттерди каржылоого каршы аракеттенүү жагында талаптардын сакталышы; 

- рыноктун бардык катышуучулары үчүн бирдей шарттардын сакталышы жана монополияга каршы жөнгө салуу жагында; 

Жогоруда белгиленгендерден улам, Улуттук банк өлкөнүн банк жана төлөм системасынын туруктуу ишин камсыз кылууга милдеттүү болгон мамлекеттик орган катары “Кыргыз Републикасындагы электрондук акча жөнүндө” жобого тиешелүү өзгөртүүлөрдү жана толуктоолорду киргизүү демилгесин көтөргөн. 

 

2. Электрондук акчага байланыштуу ишке Улуттук банк тыюу салабы, мобилдик телефон балансынан электрондук капчыкка акча которуудан кандай коркунучтар келип чыгышы мүмкүн? 

Улуттук банк электрондук акчага байланыштуу ишке эч кандай тыюу салбайт, болгону электрондук акчага байланыштуу келип чыгышы ыктымал болгон тобокелдиктерди азайтуу үчүн гана электрондук капчыкты толуктоо тартибине тактоолорду киргизүүнү караган өзгөртүүлөрдү сунуштайт. Учурда республика аймагында 9 электрондук капчык системасы иштеп жаткандыгын, алар ыргактуу өнүгүп, 700 миңге жакын адам анын кызматынан пайдаланып, бир жыл ичинде электрондук капчыктарды толуктоо көлөмү 7 млрд сомдон ашкандыгын да баса белгилеп кетүү зарыл.  

Ошондой болсо да, абоненттердин өздүк эсебинен аванстык төлөмдөрдү кайтарып берүү аркылуу электрондук капчыкты толуктоо схемасын карап көрүүдө Улуттук банк тарабынан төмөнкүдөй тобокелдиктер аныкталган: 

• жогоруда белгиленип кеткендей эле, төлөмдөрдүн гарантиялашы көз карашынан керектөөчүлөр укугунун корголушу жагында тобокелдиктер келип чыгышы ыктымал. Анткени, мындай операторлор ар кандай тарифтер топтомун, акы төлөнүүчү жана акысыз кызмат көрсөтүүлөр, тейлөө шарттарын сунуштай тургандыгы белгилүү. Ошондуктан, калктын мобилдик байланыш операторлоруна салган, алардын өздүк эсептеринде катталган акча каражаттары ар кандай санкциясыз алып коюуларга дуушар болушу ыктымал;  

• Электрондук капчыктын бул схемасы төлөмдөрдү өткөрүүнүн транзиттик инструменти экендиктен, акчанын топтолуп туруп калышы тобокелдиги келип чыгат;  

• сим-карттар агенттер аркылуу эркин сатылып жаткандыгы жана аларды электрондук капчыкка оңой эле туташтырып, балансты толуктап алуу мүмкүнчүлүгү кылмыш жолу менен алынган кирешелерди легалдаштырууга (изин жашырууга) жана террористтик же экстремисттик ишти каржылоого каршы аракеттенүүгө тоскоолдук жаратышы ыктымал.  

 

3. Жобого өзгөртүүлөрдү киргизүүдө мобилдик байланыш операторлорунун пикири эске алынганбы?  

Бизнес шериктештердин пикирин эске алып жана керектөөчүлөр укугун коргоо максатында Улуттук банк жобого сунушталган өзгөртүүлөрдүн жөнгө салуучу таасирине талдап-иликтөөлөрдү жүргүзүү боюнча жумушчу тобун түзүп, өзгөртүүлөрдү коомдук талкуулоо мөөнөтүн узарткан. Аталган жумушчу топтун курамына “«Кыргыз банктар бирлиги», «Байланыш операторлор ассоциациясы», «KG төлөм системасы операторлор ассоциациясы» юридикалык жактар бирикмелеринин, Улуттук банктын, Кыргыз Республикасынын Өкмөтүнө караштуу Мамлекеттик финансылык чалгындоо кызматынын, Мамлекеттик маалымат технологиялары жана байланыш комитетинин жана ушул комитетке караштуу Мамлекеттик байланыш агенттигинин өкүлдөрү кирген. 

2018-жылдын 12-январында жобонун долбоорунун жөнгө салуучу таасирине талдап иликтөөлөр Улуттук банктын расмий сайтына кайрадан жайгаштырылган. Мыйзам талабына ылайык 1 ай ичинде коомдук талкуудан өтүп, андан соң келип түшкөн бардык сын-пикирлер акыркы чечимди иштеп чыгууда эске алынат.  

 

4. Кыргызстандын мобилдик операторлорлору, мобилдик капчыктардагы акча каражаттарынын сакталышы жана ачык-айкын колдонулушу Кыргызсатндын банктары тарабынан камсыз кылынат деп белгилешүүдө. Ошондой болсо, эмне үчүн бул жобо абоненттин өздүк эсебинен электрондук капчыкка каражат которууга тыюу салууга негизделген? 

Учурда республика аймагында «Элсом», «Мобильник Деньги», «Umai.kg», «Илбирс», «Береке», «Аманат», «Balance», «Megapay», «О!Деньги» электрондук капчык системалары иш алып барууда.  

Белгилеп кете турган нерсе, электрондук капчык системалары 2 жыл мурда коммерциялык банктар тарабынан ишке киргизилип баштаган. Калкка кызмат көрсөтүүнүн ушул түрүн сунуштаган банктар электрондук капчык балансына келип түшкөн акча каражаттарын толук гарантиялайт, кардардын өзү электрондук капчыктагы акча каражатын өз ыңгайына жараша жумшап, контролдой алат.  

Ал эми мобилдик байланыш операторлору акча каражаттарын электрондук капчыктарда эмес, абоненттердин өздүк эсептеринде эске алып, топтоп турушат. Демек, акча каражаттары мобилдик байланыш операторлорунун тескөөсүндө, башкача айтканда менчигинде калат.  

Эгерде оператор төлөөгө жөндөмсүз абалында калса, абоненттерге акча каражаттарын кайтарып бербейт. 

Мындан тышкары, мобилдик байланыш оператору акча каражатын өз банктык эсебинен Кыргыз Республикасынын аймагында сыяктуу эле, анын чегинен тышкары которуп жибериши тобокелдиги да орун алууда. Негизинен, мобилдик байланыш операторлору жаңы продукт сунуштап жаткан жери жок, алар абоненттердин өздүк эептеринен электрондук капчыкты толуктоонун кошумча мүмкүнчүлүгүн гана ишке ашырууда.  

Бул жерде ошондой эле учурда мобилдик байланыш операторлору жана алардын талапкерлери жалпыга маалымдоо каражаттары чындыкка жатпаган маалыматтарды таркатып, туура эмес чечмелөөлөрдү сунуштап жаткандыгына көңүл буруп кетүүгө тийишпиз:  

· мобилдик байланыш операторлорунун продуктусу катары сунушталып жаткан электрондук капчыктар («Balance», «Megapay») жана («О!Деньги») төлөө учурунда транзиттик милдетти аткаруу менен иш жүзүндө коммерциялык банктын жана төлөм уюмдарынын/төлөм системалардын операторлорунун продуктусу болуп саналат; 

· Улуттук банк сунуштап жаткан өзгөртүүлөрдө электрондук капчыктар аркылуу банк операцияларын жүргүзүү эрежелери белгиленген жана керектөөчүлөрдүн же мобилдик байланыш операторлорунун ишин чектөөгө багытталган эмес. 

 

5. Операторлордун айтымына караганда, бүгүнкү күндө жүз миңдеген адам электрондук капчыктарды пайдаланып жатышат. Эгерде электрондук капчыктарды абоненттердин өздүк эсептеринен толуктоого тыюу салынса, алардын жагдайы эмне болот? 

Алар кандай колдонулуп жатса ошондой эле колдонула берет. Электрондук капчыктан толуктоо төлөм терминалы, эсептешүү эсеби жана банктык карттар (банк эсеби) аркылуу гана ишке ашырылат

 

6. Электрондук капчыктарды толуктоого тыюу салуулар “Элсом”, “Мобильник”, “Илбирс” сыяктуу электрондук капчыктарга да тиешелүүбү

Улуттук банк электрондук капчыктарга байланыштуу иш багытын жүргүзүүгө тыюу салбайт, алар аркылуу операцияларды жүзөгө ашыруу тартибин аныктайт, б.а. электрондук капчыкты толуктоо ыкмаларын жөнгө салат. Демек, “Элсом”, “Мобильник”, “Илбирс” сыяктуу электрондук капчыктарды толуктоого эч кандай тыюу салуулар жок.  

 

7. Байланыш операторлоруна юридикалык жакты каттоодон өткөртүү менен Улуттук банктан финансылык жана электрондук капчыкка байланыштуу иш багытын жүзөгө ашырууга лицензия алууга жол берилеби? 

Албетте. Үчүнчү жактардын пайдасына төлөмдөрдү жүзөгө ашырууга жана процессинг жүргүзүүгө лицензия алуу үчүн өзүнчө юридикалык жакты каттоодон өткөртүп, “Кыргыз Республикасында төлөм системасынын операторлорунун жана төлөм уюмдарынын ишин лицензиялоо жөнүндө” жобого (16-пункт) ылайык, Улуттук банкка зарыл документтер топтомун сунуштоого тийиш. Талаптар Улуттук банктын расмий интернет-сайтында жайгаштырылган. Документтерди кароо мөөнөтү 30 календардык күндү түзөт. 

Улуттук банк тарабынан белгиленген лицензиялоо тартиби, лицензия алган рынок катышуучулары сыяктуу эле, жаңы катышуучулар, анын ичинде мобилдик байланыш операторлору үчүн да бирдей.  

Мобилдик байланыш оператору тарабынан түзүлгөн юридикалык жакка колдонуудагы мыйзам актыларынын чегинде иш алып барууга жана электрондук капчык балансын банктык кызмат көрсөтүүлөр рыногунун катышуучулары пайдаланган ыкмада толуктоого жол берилет. 

 

8. Абоненттин өздүк эсебинен электрондук капчыкты толуктоодо идентификациялоо боюнча тобокелдиктер келип чыгышы мүмкүнбү

Биринчиден, мобилдик байланыш операторлору Мамлекеттик финансылык чалгындоо кызматына шектүү жана тобокелдиктүү операциялар боюнча маалымат берүүчүлөрдүн санына кирбейт. Ошондой эле, мобилдик байланыш операторлорунун абоненттеринин өздүгүн аныктоо жол-жобосу кардарларды банктык кызмат көрсөтүүлөрдү пайдалануучуларды идентификациялоо боюнча талаптарга шайкеш келбейт.  

Экинчиден, sim-карттарды сатып алуунун жөнөкөйлүгү жана наркынын төмөндүгү мобилдик байланыш операторлору сунуштоочу кызматтардын алдамчылар (кара ниеттер) тарабынан оңой пайдаланылышына мүмкүнчүлүк түзүүдө. Sim карттардын коомдук жайларда сатылышы, аэропорттордо бекер таратылышы, ар кандай акциялардын өткөрүлүшү, алардын ээн-эркин таркатылышы, аларды каттагандан кийин да бул чөйрөдө тартип орнотууга бөгөт коюуда.  

Натыйжада, мобилдик байланыш операторлорунун жол-жоболорунун жетишсиздиги башка чөйрөлөрдө да мыйзамсыз финансылык операцияларга каршы аракеттер натыйжасына кедергисин тийгизиши мүмкүн, бул бүтүндөй өлкөгө, анын ичинде Кыргызстан жарандарына карата санкциялардын белгиленишине түрткү болушу мүмкүн.  

 

9. Улуттук банк тобокелдиктерди минималдаштыруу жагында мобилдик капчыктарды пайдаланган мобилдик операторлордун тажрыйбасына иликтөө жүргүздү беле? 

Дүйнө жүзүндө мобилдик байланыш операторлорунун банктык кызмат көрсөтүүлөр рыногу менен өз ара иш алып баруусунун ар кандай моделдери бар. Бир эле өлкөдө бир эле убакыт ичинде ар кайсы моделдер жөнгө салынышы мүмкүн. Ошол эле учурда, мобилдик байланыш операторлорунун банктык кызмат көрсөтүүлөр рыногунан пайдалануу мүмкүнчүлүгүн чектеген өлкөлөр да кездешпей койбойт. 

Көпчүлүк өнүккөн өлкөлөрдө бардык мобилдик капчыктар банктык төлөм карттарына байланыштырылган, мисалы Улуу Британияда Vodafone уюлдук оператору Vodafone Pay жана Vodafone Wallet кызмат көрсөтүүлөрүн сунуштайт, анын төлөм операторунан болуп Англия Банкынын лицензиясына ээ адистештирилген коммерциялык банк саналат. Ал эми АКШда негизинен Apple Pay, Google Pay, Samsung Pay сыяктуу сервистер кеңири таанымал, алар да төлөм карттарына байланыштырылган. Кытайда WeChat Pay жана Alipay сервистери кеңири пайдаланылат, тиркемелерди колдонуу үчүн электрондук капчык катары коммерциялык банктын карты талап кылынат. 

Мында, ар бир өлкө мыйзамдык базасына, банктык жана төлөм сервистеринин өнүгүүсүнө, ошондой эле банктык кызмат көрсөтүүлөр жана башка факторлор жана өзгөчөлүктөр деңгээлинен көз каранды болгон тажрыйбага ээ. 

 

 

 

 

 

 

 

 

 


Датасы: 09.02.2018
Туруктуу шилтеме

Кыргыз Республикасынын Улуттук банкы «Оптима Банк» ААКсы тарабынан Директорлор кенешинин мүчѳсү кызмат ордуна сунушталган Токобаев Нурлан Турсунбековичтин талапкерлигине макулдук берүү чечимин 2018-жылдын 8-февралында кабыл алды. 


Датасы: 08.02.2018
Туруктуу шилтеме

 

Германиянын Берлин шаарында 2018-жылдын 2-февралынан 4- февралга чейин өткөн «Бүткүл дүйнөлүк монеталар жарманкеси -2018» көргөзмө-форумуна (World Money Fair 2018) Кыргыз Республикасынын Улуттук банкы да катышып, анда “Чыңгыз Айтматовдун чыгармалары», “Кыргызстандын Кызыл китеби”, “Тарыхый окуялар”, “Кыргызстандын тарыхый жана архитектуралык эстеликтери”, “Кыргыз каганатынын доору”, “Спорттун улуттук түрлөрү жана элдик оюндар”, “Жусуп Баласагынга 1000 жыл” жана Улуттук банктын ЕврАзЭС өлкөлөрүнүн борбордук банктарынын эл аралык программаларынын алкагында чыгарылган жалпы саны 48 даана коллекциялык монета форумдун катышуучуларынын сынагына сунушталган.  

Аталган коллекциялык монеталар көргөзмөгө келгендердин зор кызыгуусун жаратып, толук сатылып кеткендигинин өзү Улуттук банктын бул багытта жүргүзүп жаткан иш натыйжалуугунун айкын тастыктамасы болуп саналат. 

 


Датасы: 08.02.2018
Туруктуу шилтеме

1. Ош областынын, Кара-Суу жана Ош шаарларында Кыргыз Республикасынын Улуттук банкынын лицензиясыз нак чет өлкө валютасы менен алмашуу операцияларын жүргүзүү фактылары боюнча Кыргыз Республикасынын жарандары М.Н.О., К.А.Т. жана Т.Т.М. 100 000 сомдон айып салуу менен административдик жоопкерчиликке тартылышты; 

2. Кыргыз Республикасынын Улуттук банкынын банктык мыйзамдарын бузуу фактысы боюнча Талас областынын, Манас районунун, Новодонецк айылындагы базардын аймагында жайгашкан алмашуу бюросу 100 000 сом айып салуу менен административдик жоопкерчиликке тартылды. 

 


Датасы: 07.02.2018
Туруктуу шилтеме

Улуттук банктын Төрагасы Толкунбек Абдыгулов Германия Аманат кассалары фондусунун өкүлдөрү менен жолугушту 

 

Бүгүн, 7-февралда Улуттук банктын Төрагасы Толкунбек Абдыгуловдун Германия Аманат кассалары фондусунун (мындан ары Фонд) эл аралык кызматташтык боюнча өкүлдөрү менен жолугушуп, анын жүрүшүндө тараптар 2014-жылы кол коюлган Кызматташтык меморандумунун алкагындагы биргелешкен долбоорлордун өздөштүрүлүшү боюнча пикир алышып, ой бөлүштү

«Мен бардык багыттар боюнча натыйжалуу кызматташып жаткандыгыбызга өтө кубанычтамын. Фонддун колдоосу алдында банк кызматкерлеринин кесипкөйлүгүн жогорулатуу программасынын чегинде Улуттук банктын жана коммерциялык банктардын 250 ашуун адиси билим деңгээлин жогорулатууга жетишти.  

Фонд ошондой эле, калктын финансылык сабаттуулугун жогорулатуу программасын ишке ашырууга көмөктөшүп, бул багытта усулдук сунуш- көрсөтмөлөрдү иштеп чыккан. Натыйжада Бишкек шаарынын, Чүй областынын жана Ош шаарынын мугалимдери окуу курстарынан өтүшкөн. Бул багытта биздин кызматташтыкты мындан ары да улантуу зарыл», - деп белгиледи Т.Абдыгулов. 

Ал эми аталган Фонддун эл аралык кызматташтык боюнча директору Фосс Матиас учур талабына жооп берген долбоордун ийгиликтүү ишке ашырылгандыгына жана Улуттук банктын финансылык сабаттуулукту жогорулатуу жагында аткарып жаткан ишне ыраазычылыгын билдирди.  

Жолугушууга ошондой эле, Улуттук банктын Төрагасынын орун басары, айым Лада Орозбаева жана Фонддун аймактык директору Киниц Ульрих катышты. 

 

Маалымат үчүн:  

Улуттук банк менен Фонд ортосундагы кызматташтык 2014-жылдын 24-декабрында кол коюлган мемарандумдун алкагында банк кызматкерлеринин кесипкөйлүгүн өркүндөтүү, финансылык сабаттуулукту жогорулатуу багытында ишке ашырылып келет.  

 

 

 


Датасы: 02.02.2018
Туруктуу шилтеме

1. Кыргыз Республикасынын Улуттук банкы «Чанг Ан» Инвестициялык Банкы» ААКсы тарабынан Директорлор кеңешинин мүчөсү кызмат ордуна сунушталган Кылычев Эркинбек Табылдиевичтин талапкерлигине макулдук берүү чечимин 2018-жылдын 1-февралында кабыл алды. 

2. Кыргыз Республикасынын Улуттук банкы «Чанг Ан» Инвестициялык Банкы» ААКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Бектеналиев Маматжоро Акматбековичтин талапкерлигине макулдук берүү чечимин 2018-жылдын 1-февралында кабыл алды. 

3. Кыргыз Республикасынын Улуттук банкы «Айыл Банк» ААКсы тарабынан Башкы бухгалтердин орун басарынын милдетин аткаруучу кызмат ордуна сунушталган Романова Кыялдын талапкерлигине макулдук берүү чечимин 2018-жылдын 1-февралында кабыл алды. 

 


Датасы: 02.02.2018
Туруктуу шилтеме

Улуттук банк «Кыргыз Республикасынын Улуттук банкынын айрым ченемдик укуктук актыларына өзгөртүүлөрдү жана толуктоолорду киргизүү жөнүндө» долбоорун коомдук талкууга сунуштайт. 

Долбоордо, ислам банк иши жана каржылоо принциптерине ылайык ишкердикти жүзөгө ашырган уюмдарды кошо алганда, жеке адамдардан жана юридикалык жактардан аманаттарды кабыл алууну жүзөгө ашырууга укугу жок микрофинансылык уюмдардын жана кредиттик союздардын активдерин классификациялоо бөлүгүнө, ошондой эле мезгил мезгили менен берилүүчү регулятивдик отчет формаларына өзгөртүүлөрдү жана толуктоолорду киргизүү каралган. 

Доолбоорго ылайык, банк ишин жүргүзүүнүн алдынкы эл аралык тажрыйбаларын эске алуу менен төмөнкүдөй өзгөртүүлөрдү жана толуктоолорду киргизүү каралган: 

- кредитти/активди пролонгациялоо түшүнүгү алынып салынган; 

- кредиттерди/активдерди реструктуризациялоо жана аны классификациялоо шарттары каралган; 

- классификацияланган активдер категориясынан классификацияланбаган активдер категориясына кайтаруу механизми каралган; 

- активдер классификациясынын категориясын аныктоо үчүн убагында төлөнбөгөн активдин мөөнөтү узартылды. 

Ошентип, долбоордо Улуттук банктын төмөнкүдөй ченемдик укуктук актыларына өзгөртүүлөрдү жана толуктоолорду киргизүү каралган: 

- Улуттук банк Башкармасынын 2003-жылдын 22-октябрындагы №31/3 токтому менен бекитилген "Кыргыз Республикасында жеке адамдардан жана юридикалык жактардан аманаттарды кабыл алуу укугуна ээ эмес микрофинансылык уюмдардын активдерин классификациялоо жана РППУну түзүү боюнча жалпы принциптер жөнүндө" жобо; 

- Улуттук банк Башкармасынын 2006-жылдын 12-апрелиндеги №10/6 токтому менен бекитилген "Кредиттик союздарда кредиттерди классификациялоо жөнүндө" жобо; 

- Улуттук банк Башкармасынын 2014-жылдын 24-сентябрындагы №42/8 токтому менен бекитилген "Ислам банк иши жана каржылоо принциптерине ылайык операцияларды жүзөгө ашырган микрофинансылык уюмдарда тарабынан активдерди классификациялоо жана потенциалдуу жоготуулардын жана чыгым тартуулардын ордун жабууга каралган камга тиешелүү чегерүүлөр жөнүндө" жобо; 

- Улуттук банк Башкармасынын 2014-жылдын 23-апрелиндеги №16/3 токтому менен бекитилген "Ислам банк иши жана каржылоо принциптерине ылайык операцияларды жүзөгө ашырган кредиттик союздарда активдерди классификациялоо жана потенциалдуу жоготуулардын жана чыгым тартуулардын ордун жабууга каралган камга тиешелүү чегерүүлөр жөнүндө" жобо; 

- Улуттук банк Башкармасынын 2009-жылдын 27-майындагы №25/3 токтому менен бекитилген «Микрокредиттик компаниянын/микрокредиттик агенттиктин мезгил-мезгили менен берилүүчү регулятивдик отчету жөнүндө» жобо; 

- Улуттук банк Башкармасынын 2009-жылдын 27-майындагы №25/3 токтому менен бекитилген "Микрофинансылык компаниянын мезгил-мезгили менен берилүүчү регулятивдик отчету жөнүндө" жобо; 

- Улуттук банк Башкармасынын 2008-жылдын 16-январындагы №3/3 токтому менен бекитилген "Кредиттик союздун мезгил-мезгили менен берилүүчү регулятивдик отчету жөнүндө" жобо; 

- Улуттук банк Башкармасынын 2014-жылдын 17-октябрындагы №45/1 токтому менен бекитилген «Ислам банк иши жана каржылоо принциптерине ылайык операцияларды жүзөгө ашырган микрокредиттик компаниялардын жана микрокредиттик агенттиктердин мезгил-мезгили менен берилүүчү регулятивдик отчету жөнүндө» жобо; 

- Улуттук банк Башкармасынын 2014-жылдын 17-октябрындагы № 45/1 токтому менен бекитилген «Ислам банк иши жана каржылоо принциптерине ылайык операцияларды жүзөгө ашырышкан микрофинансылык компаниялардын мезгил-мезгили менен берилүүчү регулятивдик отчету жөнүндө» жобо; 

- Улуттук банк Башкармасынын 2014-жылдын 17-октябрындагы № 45/1 токтому менен бекитилген «Ислам банк иши жана каржылоо принциптерине ылайык операцияларды жүзөгө ашырган кредиттик союздардын мезгил-мезгили менен берилүүчү регулятивдик отчету жөнүндө» жобо. 

Долбоор Улуттук банктын расмий интернет сайтынын «Ченемдик актылар//Талкууга сунушталган долбоорлор» бөлүгүндө жайгаштырылган. 

Кыргыз Республикасынын Улуттук банкы ушул долбоорго карата сунуштарды жана сын-пикирлерди 2018-жылдын 2-мартынан кечиктирбестен сунуштоону же asadykov@nbkr.kg электрондук дарегине жөнөтүүнү өтүнөт. 


Датасы: 02.02.2018
Туруктуу шилтеме

Улуттук банк Башкармасынын айрым укуктук ченемдик актыларына өзгөртүүлөрдү жана толуктоолорду киргизүү жөнүндө» долбоорун Улуттук банк коомдук талкууга чыгарууда. 

Долбоордо ислам банк иши жана каржылоо принциптерине тиешелүү Улуттук банктын укуктук ченемдик актыларын «товардык мурабаха» бүтүмү менен толуктоо каралган. 

«Товардык мурабаха» бүтүмү ислам банк иши жана каржылоо принциптерине ылайык операцияларды жүзөгө ашырган финансы-кредиттик уюмдарга акча каражаттарды (инвестицияларды) тартууга мүмкүнчүлүк берет. 

Ошондой эле долбоордо «ижара» бүтүмү боюнча техникалык өзгөртүүлөр жана шариат стандарттарына ылайык келтирүүгө байланыштуу толуктоолор каралган. 

Ошентип долбоор төмөнкү токтомдорго өзгөртүүлөрдү жана толуктоолорду киргизүүнү камсыздайт: 

- 2009-жылдын 23-сентябрындагы № 38/8 «Банк ишинин жана каржылоонун ислам принциптерине ылайык жүзөгө ашырылган операциялар жөнүндө» жобону бекитүү тууралуу»; 

- 2006-жылдын 30-октябрындагы № 32/2 «Кыргыз Республикасында каржылоонун ислам принциптерин алгачкы долбоордун алкагында жүзөгө ашыруу жөнүндөгү» жобо тууралуу»; 

- 2011-жылдын 26-октябрындагы № 60/8 «Микрофинансылык уюмдар жана кредиттик союздар тарабынан ислам банк иши жана каржылоо принциптерине ылайык жүзөгө ашырылган операциялар жөнүндө» жобону бекитүү тууралуу». 

Долбоор Улуттук банктын расмий интернет сайтынын «Ченемдик актылар//Талкууга сунушталган долбоорлор» бөлүгүндө жайгаштырылган. 

Кыргыз Республикасынын Улуттук банкы ушул долбоорго карата сунуш жана пикирлерди 2018-жылдын 1-мартынан кечиктирбестен, eaidarov@nbkr.kg электрондук дарегине жөнөтүүнү өтүнөт. 


Датасы: 01.02.2018
Туруктуу шилтеме

Улуттук банк «Кыргыз Республикасындагы электрондук акча жөнүндө» жобого өзгөртүүлөрдү жана толуктоолорду киргизүү маселеси боюнча талкуу өткөрдү 

 

2018-жылдын 1-февралында Кыргыз Республикасынын Улуттук банкында коммерциялык банктардын, төлөм системалары операторлорунун жана төлөм уюмдарынын, мобилдик байланыш операторлорунун, «Кыргыз банктар бирлиги», «KG төлөм системалары операторлор ассоциациясы» юридикалык жактар бирикмелеринин, Кыргыз Республикасынын Мамлекеттик маалымат технологиялары жана байланыш комитетинин жана ушул комитетке караштуу Мамлекеттик байланыш агенттигинин, Кыргыз Республикасынын Өкмөтүнө караштуу Мамлекеттик финансылык чалгындоо кызматынын, Монополияга каршы жөнгө салуу мамлекеттик агенттигинин өкүлдөрү менен «Кыргыз Республикасындагы электрондук акча жөнүндө» жобого, электрондук капчыктарды толуктоо тартибин жана электрондук акчага байланыштуу айрым башка маселелерди тактап алуу максатын көздөгөн өзгөртүүлөрдү жана толуктоолорду талкуулоо боюнча жолугушуу болуп өттү

Анын жүрүшүндө төлөмдөрдүн гарантияланышы көз карашында керектөөчүлөрдүн укугун коргоо, бардык рынок катышуучуларына бирдей шарттарды камсыз кылуу, уюлдук операторлор эсебинде каражаттардын топтолуш, финансылык туруктуулук; системада орун алышы ыктымал болгон тобокелдиктерди тескөө, кылмыш жолу менен алынган кирешелерди легалдаштырууга (изин жашырууга) жана террористтик же экстремисттик иш-аракеттерди каржылоого каршы аракеттенүүнү кошо алганда, көзөмөлдүктү жөнгө салуу жана аны ишке ашырууда өз ара иш алып баруу маселелери талкууга алынды. 

 

 


Датасы: 29.01.2018
Туруктуу шилтеме

Улуттук банктын Төрагасы эл аралык университеттин 

студенттерине лекция окуду 

 

Улуттук банктын Төрагасы Толкунбек Абдыгулов 2018-жылдын 26-январында Кыргызстандагы Эл аралык университеттин Экономика факультетинин студенттерине, магистр программасынын катышуучуларына жана окуу жайдын академиялык курамына “Улуттук банктын ролу жана аткарган милдеттери» темасында лекция окуду.    

Анын жүрүшүндө Улуттук банктын түптөлүү тарыхындагы маанилүү окуяларга токтолуп, банк мыйзамдары, акча-кредит саясаты, улуттук валюта сомдун жүгүртүүгө чыгарылышы, валюта курсу иш ыргагын тандоо жана учурда жүргүзүлүп жаткан иш-чаралар тууралуу кең-кесири сөз болду.  

“Быйылкы жылы улуттук валютага 25 жыл толот. Кыргызстан мурдагы СССРдин курамына кирген мамлекеттердин ичинен биринчи болуп улуттук валютасын жүгүртүүгө чыгаруу менен тарыхый жоопкерчиликти алып, өз алдынча өнүгүү жолуна бет алган мамлекеттин ар кандай ички жана тышкы таасирлерге туруштук бере алган туруктуу акча-кредит системасын жөнгө салууга жетишкен. Системанын талапка ылайык натыйжалуу иши айрыкча Улуттук банктын акча-кредит саясаты менен мүнөздөлгөн.  Ал эми анын башкы максаты - баа туруктуулугуна жетишүү деп белгиледи өз сөзүндө Улуттук банктын башчысы”. 

Иш-чарага катышкан студенттер өлкөнүн башкы финансылык жөнгө салуучу органынын иш аспектилерине кызыгып, олуттууу суроолорду берип, так маалымат алуу мүмкүнчүлүгүнө ээ болушту. Жолугушуунун жыйынтыгында кызыктуу суроолорду берип, маанилүү маселелерди көтөргөн угуучуларга баалуу белектер тапшырылды. 

 

 


Датасы: 29.01.2018
Туруктуу шилтеме

1. Кыргыз Республикасынын Улуттук банкы «Азия Банкы» ЖАКсы тарабынан Директорлор кеңешинин мүчөсү кызмат ордуна сунушталган Султанов Жапар Султановичтин талапкерлигине макулдук берүү чечимин 2018-жылдын 25-январында кабыл алды. 

2. Кыргыз Республикасынын Улуттук банкы «Компаньон Банкы» ЖАКсы тарабынан Ички аудит бөлүмүнүн начальнигинин орун басары кызмат ордуна сунушталган Сакебаев Асхат Эмильевичтин талапкерлигине макулдук берүү чечимин 2018-жылдын 25-январында кабыл алды. 

3. Кыргыз Республикасынын Улуттук банкы «Евразиялык Сактык Банк» ААКсы тарабынан Ички аудит кызматынын жетекчиси кызмат ордуна сунушталган Барыктабасова Нуриза Кадырбековнанын талапкерлигине макулдук берүү чечимин 2018-жылдын 25-январында кабыл алды. 

4. Кыргыз Республикасынын Улуттук банкы «ФИНКА Банкы» ЖАКсы тарабынан Директорлор кеңешинин мүчөсү жана Аудит боюнча комитетинин төрайымы кызмат ордуна сунушталган Тургунбекова Эльнура Курвангалиевнанын талапкерлигине макулдук берүү чечимин 2018-жылдын 25-январында кабыл алды. 

5. Кыргыз Республикасынын Улуттук банкы «БТА Банкы» ЖАКсы тарабынан Аудит боюнча комитетинин төрагасы кызмат ордуна сунушталган Какеев Марат Саламатовичтин талапкерлигине макулдук берүү чечимин 2018-жылдын 25-январында кабыл алды. 

6. Кыргыз Республикасынын Улуттук банкы «БТА Банкы» ЖАКсы тарабынан Директорлор кеңешинин мүчөсү кызмат ордуна сунушталган Малабаева Нургуль Маликовнанын талапкерлигине макулдук берүү чечимин 2018-жылдын 25-январында кабыл алды. 

7. Кыргыз Республикасынын Улуттук банкы «Капитал Банкы» ААКсы тарабынан Директорлор кеңешинин мүчөсү жана Аудит боюнча комитетинин төрагасы кызмат ордуна сунушталган Туратбек уулу Аалышердин талапкерлигине макулдук берүү чечимин 2018-жылдын 25-январында кабыл алды. 

 


Датасы: 26.01.2018
Туруктуу шилтеме

Кыргыз Республикасынын Улуттук банкы «Капитал Банкы» ААКы тарабынан Башкарманын мүчөсү-башкы бухгалтери кызмат ордуна сунушталган Орозалиева Керезкан Зайнадиловнанын талапкерлигине макулдук берүү чечимин 2018-жылдын 18-январында кабыл алды. 


Датасы: 23.01.2018
Туруктуу шилтеме

Улуттук банк Кыргыз Республикасынын колдонуудагы мыйзам ченемдери сакталган шартта, электрондук акчага байланыштуу иштин жүргүзүлүшүнө тыюу салбайт 

 

Уюлдук байланыш операторлорунун электрондук акчаларды жайылтуу ишинин схемаларын кароо учурунда ар кандай тобокелдиктер, анын ичинде чыгарылган электрондук акчалардын финансылык камсыздоосунун жетишсиздиги тобокелдиктери орун алышы ыктымалдуулугу аныкталган. Ошондуктан, электрондук акчаларды колдонуу менен көрсөтүлгөн кызматтардын тартибин тактоо жана электрондук акчаларды чыгарууда, эсепке алууда жана сактоодо орун алышы мүмкүн болгон тобокелдиктерди минималдаштыруу максатында Улуттук банк 2016-жылдын 30-мартындагы №15/6 “Кыргыз Республикасындагы электрондук акча жөнүндө” жобону бекитүү жөнүндө” токтомуна өзгөртүүлөрдү жана толуктоолорду киргизүү долбоорун иштеп чыгып, коомдук талкууга чыгарган. 

Электрондук акчаны жайылтуу боюнча мобилдик байланыш операторлордун функционалдык иш алып баруу схемасы төлөмдөргө багытталган акча каражаттарын электрондук капчыкта эмес, абоненттердин өздүк эсептеринде топтоого шарт түзүүгө ылайыкталган. Чындыгында, мобилдик байланыш абонентинин өздүк эсеби пайдалануучунун акча каражатын чогултуу жана сактоо функцияларына ээ. Ошондой эле акча каражаттары мобилдик байланыш операторлоруна келип түшөт жана анын карамагында болот.  

2017-жылдын 9-октябрында Жобо долбооруна жөнгө салуучу таасирине талдап-иликтөөлөрдү жүргүзүү максатында Жумушчу топ түзүлүп, анын курамына мобилдик байланыш операторлорунун, төлөм системалары операторлорунун/төлөм уюмдарынын, “Кыргыз банктар бирлиги” юридикалык жактар бирикмесинин, “KG төлөм системалары операторлор ассоциациясы” юридикалык жактар бирикмесинин, Улуттук банктын, Кыргыз Республикасынын Өкмөтүнө караштуу Мамлекеттик финансылык чалгындоо кызматынын, Кыргыз Республикасынын Мамлекеттик маалымат технологиялары жана байланыш комитетинин, Кыргыз Республикасынын Мамлекеттик маалымат технологиялары жана байланыш комитетине караштуу Мамлекеттик байланыш агенттигинин өкүлдөрү кирген. Жумушчу топтун мүчөлөрү тарабынан жөнгө салуу таасирине талдап-иликтөө жүргүзүлгөн, жана топтун көпчүлүк бөлүгү электрондук капчыкты, өздүк эсебинен алдын ала төлөнгөн аванстык төлөмдү кайтаруу аркылуу толуктоого тыюу салууга өз добуштарын беришкен. Дүйнө жүзүндө мобилдик байланыш операторлорунун өз ара иш жүргүзүүлөрүнүн ар кандай көптөгөн моделдери бар, ал тургай бир эле өлкөнүн ичинде бир учурда бир канча моделдердин болуусу да мүмкүн. Мобилдик байланыш операторлоруна банктык кызмат көрсөтүү рыногуна кирүүгө тыюу салынган өлкөлөр да жок эмес. 

2018-жылдын 12-январында Жобо долбооруна карата жөнгө салуу таасирин талдап иликтөөлөр коомдук талкуулоо үчүн Кыргыз Республикасынын Улуттук банкынын расмий сайтында жайгаштырылган. 

Ошондой эле, 2018-жылдын 18-январында Улуттук банктын жетекчилиги коммерциялык банктардын жана мобилдик байланыш операторлорунун жетекчилери менен жолугушуу өткөргөн, анын жүрүшүндө керектөөчүлөрдүн укугун коргоо максатында төлөмдөрдүн камсыздалышын, рыноктун бардык катышуучуларына бирдей шарттарды камсыз кылуу, уюлдук операторлордун эсебинде каражаттардын топтолушу, финансылык туруктуулук, системадагы тобокелдиктерди тескөө, кылмыш жолу менен алынган кирешелерди легалдаштырууга (изин жашырууга) жана террористтик же экстремисттик иш-аракеттерди каржылоого каршы аракеттенүүнү кошо алганда, көзөмөлдүктү жөнгө салуу жана көзөмөлдүктү жүзөгө ашырууда өз ара иш алып баруу маселелери каралган. Жогоруда айтылгандарды эске алуу менен коомдук талкуулоо мөөнөтү аяктап, Жобонун долбоорун бекитилгенге чейин Улуттук банк мобилдик байланыш операторлорунун банктык жана төлөм кызмат көрсөтүүлөр рыногуна чыгуусуна жана алардын таасирине баа берүү али эрте деп эсептейт. 

 


Датасы: 18.01.2018
Туруктуу шилтеме

Улуттук банктын жетекчилиги, коммерциялык банк жана мобилдик компаниялардын өкүлдөрү менен “Кыргыз Республикасындагы электрондук акча тууралуу” Жобого өзгөртүү, толуктоо киргизүү боюнча суроолорду талкуулашты 

 

2018-жылдын 18-январында Кыргыз Республикасынын Улуттук банкында “Кыргыз Республикасындагы электрондук акча жөнүндө” жобого уюлдук байланыш операторлоруна финансылык кызмат көрсөтүү рыногуна кирүү мүмкүнчүлүгүн берүү маселесине тиешелүү сунушталган өзгөртүүлөрдү жана толуктоолорду талкуулоо боюнча жолугушуу болду.  

Анын жүрүшүндө төлөмдөрдүн гарантияланышы көз карашында, керектөөчүлөрдүн укугун коргоо, бардык рынок катышуучуларына бирдей шарттарды камсыз кылуу, уюлдук операторлордун эсебинде каражаттардын топтолушу боюнча, финансылык туруктуулук; системадагы тобокелдиктерди тескөө, кылмыш жолу менен алынган кирешелерди легалдаштырууга (изин жашырууга) жана террористтик же экстремисттик иш-аракеттерди каржылоого каршы аракеттенүүнү кошо алганда, көзөмөлдүктү жөнгө салуу жана көзөмөлдүктү жүзөгө ашырууда өз ара иш жүргүзүү маселелери козголду.  

Жолугушуунун жыйынтыгында “Кыргыз Республиасындагы электрондук акча жөнүндө” жобого сунушталган өзгөртүүлөрдүн жана толуктоолордун долбоору коомдук талкуунун алкагында келип түшкөн сунуштарды жана электрондук капчыктарды уюлдук телефондордун балансынан толуктоодо орун алышы мүмкүн болгон тобокелдиктерди минималдаштырууну эске алуу менен бирге жеткире иштеп чыгуу боюнча макулдашууга жетишилген.” 

Талкууга Кыргыз Республикасынын Улуттук банкынын жетекчилиги, “Кыргыз банктар бирлиги” юридикалык жактар бирикмеси, коммерциялык банктардын өкүлдөрү жана уюлдук компаниялардын жетекчилери катышышты. 

 

 


Датасы: 17.01.2018
Туруктуу шилтеме

1. Кыргыз Республикасынын Улуттук банкы «Демир Кыргыз Интернэшнл Банк» ЖАКсы тарабынан Ички аудит бѳлүмүнүн начальнигинин орун басары кызмат ордуна сунушталган Добаев Максат Зоотбаевичтин талапкерлигине макулдук берүү чечимин 2018-жылдын 11-январында кабыл алды; 

2. Кыргыз Республикасынын Улуттук банкы “Бай Түшүм” Банкынын ЖАКсы тарабынан Башкарманын Тѳрагасы кызмат ордуна сунушталган Ишенбаев Максатбек Бейшенбековичтин макулдук берүү чечимин 2018-жылдын 11-январында кабыл алды; 

3. Кыргыз Республикасынын Улуттук банкы «БАКАЙ БАНК» ААКсы тарабынан кредиттөө башкармалыгынын ишин түздөн-түз тескөөгө алган Башкарманын төрагасынын орун басары кызмат ордуна сунушталган Кагиров Руслан Зайндиевичтин талапкерлигине макулдук берүү чечимин 2018-жылдын 11-январында кабыл алды. 

 


Датасы: 12.01.2018
Туруктуу шилтеме

Кыргыз Республикасынын Улуттук банк Башкармасынын 2016-жылдын 30-мартындагы № 15/6 «Кыргыз Республикасындагы электрондук акча жөнүндө» жобону бекитүү жөнүндө» токтомуна өзгөртүүлөрдү жана толуктоолорду киргизүү жөнүндө документтин долбоорун Улуттук банк коомдук талкууга чыгарууда.  

Жобонун долбооруна өзгөртүүлөрдү жана толуктоолорду киргизүүнүн негизги себептеринен болуп электрондук акчаны колдонуу менен кызмат көрсөтүү тартибин тактоо жана электрондук акчаны чыгаруу, эсепке алуу жана сактоо ишинде тобокелдиктерди минимизациялоо аныкталган.  

Долбоор Улуттук банктын расмий интернет сайтынын «Улуттук банктын ченемдик актылары/ Талкуулоо үчүн долбоорлор» бөлүгүндө жайгаштырылган. 

Аталган Долбоор боюнча сунуш-пикирлерди 2018-жылдын 12-февралына чейин oopo@nbkr.kg электрондук дарегине жөнөтүүнү өтүнөбүз. 

 


Датасы: 12.01.2018
Туруктуу шилтеме

Улуттук валютанын номиналы 10 жана 50 тыйын болгон монеталарын товарлар үчүн төлөөдө кабыл алуудан негизсиз баш тарткандыгы үчүн Кыргыз Республикасынын “Кыргыз Республикасынын Улуттук банкы, банктар жана банк иши жөнүндө” мыйзамынын 29 жана 31-беренелеринин жана Кыргыз Республикасынын “Административдик жоопкерчилик жөнүндө” кодексинин 362-беренесинин негизинде «Глобус», «Фрунзе» гипермаркеттеринин жана “Фаиза” кафесинин кызматкерлери 500 (беш жүз) сомдон тартып 3000 (үч миң) сомго чейинки айыптык төлөм салуу менен административдик жоопкерчиликке тартылды.  

Кыргыз Республикасынын аймагында Кыргыз Республикасынын “Кыргыз Республикасынын Улуттук банкы, банктар жана банк иши жөнүндө” мыйзамынын 31-беренесинин негизинде сом, расмий төлөм каражаты статусуна ээ жана чыгарылган жылына жана номиналына карабастан, төлөм каражаты катары эч кандай чектөөлөрсүз төлөмдөрдүн бардык түрлөрүндө милдеттүү түрдө кабыл алынууга тийиш.  

 


Датасы: 10.01.2018
Туруктуу шилтеме

Кыргыз Республикасынын Улуттук банкы мамлекеттин ичиндеги эл аралык төлөм карттар системалары боюнча улуттук валютадагы эсептешүүлөр уюштуруу алкагында «Эл аралык эсептешүү төлөм карттар системалары үчүн камсыздандыруу (резервдик) фонду» жөнүндө убактылуу жобонун долбоорун коомдук талкууга сунушталууда. 

Долбоор «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 26-январынан кечиктирбестен Кыргыз Республикасынын Улуттук банкына, ошондой эле psoversight@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 05.01.2018
Туруктуу шилтеме

Кылмыштуу кирешелерди легализациялоого (адалдоого) жана террористтик же экстремисттик ишти каржылоого каршы аракеттенүүгө жөнүндө мыйзамды бузгандыгы үчүн, Кырыгыз Республикасынын бир коммерциялык банкына 30 миң сом жана дагы бир башка коммерциялык банктын эки кызмат адамына 7 миң сомдон административдик айып салынды. 


Датасы: 29.12.2017
Туруктуу шилтеме

Кыргыз Республикасынын Улуттук банкы «Халык Банк Кыргызстан» ААКсы тарабынан Директорлор кеңешинин мүчөсү кызмат ордуна сунушталган Маженова Бахыт Мурсалимовнанын талапкерлигине макулдук берүү чечимин 2017-жылдын 28-декабрында кабыл алды. 

 


Датасы: 29.12.2017
Туруктуу шилтеме

Кыргыз Республикасынын Улуттук банкынын Көзөмөл боюнча комитети 2017-жылдын 28-декабрында Кыргыз Республикасынын Улуттук банкынын ченемдик укуктук актыларынын талаптарын, ошондой эле Кыргыз Республикасынын Улуттук банкынын Көзөмөл боюнча комитетинин токтомунун талаптарын аткарбагандыгы үчүн «МКК «Акниет» ЖЧКсынын каттоодон өткөндүгү тууралуу күбөлүгүн 2017-жылдын 29-декабрынан тартып кайтарып алуу чечимин кабыл алды. 

«МКК «Акниет» ЖЧКсынын юридикалык дареги: Бишкек ш., Чүй пр., 230, 8 этаж. 

«МКК «Акниет» ЖЧКсы Кыргыз Республикасынын Улуттук банкынын Көзөмөл боюнча комитеттин токтому менен Бишкек шаары, Т.Умөталиев атындагы көчө 101 дарегине келип, таанышууга акысы бар. Маалыматтар 66 92 59 телефон боюнча берилет. 

 


Датасы: 27.12.2017
Туруктуу шилтеме

Улуттук банк маалымдайт 

 

Улуттук валютанын жүгүртүүгө чыгарылган банкноттору жана монеталары Кыргыз Республикасынын аймагында расмий төлөм каражаты статусуна ээ жана чыгарылган жылына карабастан, төлөм каражаты катары эч кандай чектөөлөрсүз төлөөгө милдеттүү түрдө кабыл алынууга тийиш. 

Кыргыз Республикасынын Өкмөтү менен Улуттук банктын 2011-жылдын 13-октябрындагы №631/35/10 “Кыргыз Республикасында накталай эсептешүүлөр учурунда тыйын калдыктары суммасын тегеректөө тартиби жөнүндө” токтом талабына ылайык, бардык чарба жүргүзүүчү субъекттер жана бюджеттик мекемелер банкнотторду жана монеталарды чектөөсүз кабыл алып, белгиленген тартипте коммерциялык банктарга тапшыруусу каралган.  

Кыргыз Республикасынын “Кыргыз Республикасынын Улуттук банкы, банктар жана банк иши жөнүндө” мыйзам талабына ылайык, улуттук валютанын акча белгилерин төлөөгө кабыл алуудан негизсиз баш тартуу, ошондой эле аларды атайлап жок кылуу же жарнамалык максаттарда мыйзамсыз пайдалангандыгы үчүн жеке адамдар жана юридикалык жактар Кыргыз Республикасынын мыйзамдарына ылайык жоопко тартылат. Кыргыз Республикасынын “Административдик жоопкерчилик жөнүндө” кодексинин 362-беренесинде улуттук валютаны төлөөгө кабыл алуудан негизсиз баш тарткандыгы үчүн 5 (беш) эсептик көрсөткүчтөн 30 (отуз) көрсөткүчкө чейинки айыптык төлөм салынышы каралгандыгын да кошумча белгилеп кетүүгө тиийшпиз.  

Мына ушундай жагдайларга кабылган жарандар Бишкек шаары, Чүй проспектиси 168 дареги боюнча жана 312) 61-04-86 телефону аркылуу Улуттук банктын коомдук кабылдамасына кат жүзүндө же mail@nbkr.kg электрондук дарегине кайрыла алышат.  

 


Датасы: 26.12.2017
Туруктуу шилтеме

Улуттук банк Башкармасынын 2017-жылдын 13-декабрындагы № 2017-П-14-51-7-(ПС) Кыргыз Республикасынын төлөм системасын өнүктүрүүнүн 2018-2022-жылдарга каралган негизги багыттары токтому менен бекитилген. 

Кыргыз Республикасынын төлөм системасын өнүктүрүүнүн 2018-2022-жылдарга каралган негизги багыттары Улуттук банктын расмий сайтынын «Банктын милдеттери/Төлөм системасы/Төлөм системасын өнүктүрүүнүн негизги батыттары» бөлүгүндө жайгаштырылган.  


Датасы: 26.12.2017
Туруктуу шилтеме

Пресс-релиз 

Кыргыз Республикасынын Улуттук банкы эсептик  

чен өлчөмүн 5 пайыз деңгээлинде калтырды 

 

Улуттук банк Башкармасы 2017-жылдын 25-декабрында эсептик чен өлчөмүн (чен саясатын) 5,00 пайыз деңгээлинде калтыруу чечимин кабыл алды. Чечим 2017-жылдын 26-декабрынан тартып күчүнө кирет. 

Өтүп жаткан жылдын декабрь айында инфляциянын жылдык мааниси орточо деңгээлде 3,7 пайыз (15-декабрга карата) чегинде сакталып, орто мөөнөткө каралган максаттуу көрсөткүчтөн ашкан эмес. Дүйнөлүк товардык рыноктордо баанын калыбына келиши жана чогуу алгандагы суроо-талаптын өсүп жатышы алкагында инфляция акча-кредит саясатынын максаттуу көрсөткүч алкагында чектелет.  

Өлкөдө экономикалык жигердүүлүк жагдайдын калыбына келип жатышын тастыктоодо. 2017-жылдын январь-ноябрь айларынын жыйынтыгы боюнча айкын ички дүң өнүмдүн өсүшү 4,0 пайызды, ал эми «Кумтөр» ишканаларынын продукция өндүрүү боюнча маалыматтарын эске албаганда, 3,9 пайызды түзгөн. Экономиканын негизги тармактарында, негизинен өнөр жай секторунда (+12,8 пайызга), өндүрүүнүн өсүшү байкалууда. Акча которуулардын туруктуу агымы экономиканын өсүшүн колдоого алууда. 

Ички валюта рыногунда түптөлгөн жагдай туруктуу сакталууда. Жылдын декабрь айынын алгачкы он күндүгүндө Улуттук банк алмашуу курсунун кескин өзгөрүшүн текшилөө максатында валюталык интервенциясын ишке ашырган.  

Акча-кредиттик шарттар экономиканын реалдуу секторуна түрткү берүү жана акча рыногун өнүктүрүү чараларын колдоого алууда. Өлкөнүн банк секторунда кредиттер боюнча рыноктук чендерди төмөндөтүү жана экономиканы кредиттөөнүн өсүшү катталган. Банктар аралык рынокто жигердүүлүктүн артышы сакталып калууда. Акча рыногунун улуттук валютадагы кыска мөөнөттүк чендери Улуттук банк белгилеген пайыздык коридор чегинде өзгөрүп турууда.  

Тышкы экономикалык чөйрөнүн өнүгүү келечеги, ошондой эле ички чогуу алгандагы суроо-талаптын калыбына келиши инфляция маанисинин 5-7 пайыздан ашпаган орто мөөнөттүк максаттуу көрсөткүчкө жакындашуусуна өбөлгө түзөт. Ушул шартта, ошондой эле кошумча тышкы жана ички таасирлер орун албаган шартта, эсептик чендин ушул чекте сакталышы экономиканын реалдуу секторуна андан ары түрткү беришине ишеним бар. Акча-кредит саясатынын учурда ык койгон багыты экономиканын өнүгүшүндө алгылыктуу жагдайлар сакталып калган шартта, андан ары уланышы мүмкүн.  

Улуттук банк тышкы жана ички факторлордун инфляцияга таасир этишине мезгил-мезгили менен баа берип туруу аркылуу экономикалык жагдайга жараша акча-кредит саясатынын тиешелүү чараларын көрүүнү улантат.  

 

Маалымат үчүн: 

Улуттук банк Башкармасынын эсептик чен өлчөмү маселесине тиешелүү кийинки отуруму 2018-жылдын 26-февралына пландаштырылган. 

 


Датасы: 26.12.2017
Туруктуу шилтеме

1. Кыргыз Республикасынын Улуттук банкы «Капитал Банкы» ААКсы тарабынан банктын Директорлор кенешинин мүчөсү кызмат ордуна сунушталган Асылбаев Улан Мирбековичтин талапкерлигине макулдук берүү чечимин 2017-жылдын 21-декабрында кабыл алды. 

2. Кыргыз Республикасынын Улуттук банкы «БАКАЙ БАНК» ААКсы тарабынан Директорлор кеңешинин мүчөсү кызмат ордуна сунушталган Иманбеков Бакыт Сейитбековичтин талапкерлигине макулдук берүү чечимин 2017-жылдын 21-декабрында кабыл алды. 

3. Кыргыз Республикасынын Улуттук банкы «БАКАЙ БАНК» ААКсы тарабынан Директорлор кеңешинин мүчөсү жана Аудит боюнча комитетинин төрайымы кызмат ордуна сунушталган Кутателадзе Лариса Геннадьевнанын талапкерлигине макулдук берүү чечимин 2017-жылдын 21-декабрында кабыл алды. 

 


Датасы: 25.12.2017
Туруктуу шилтеме

Улуттук банк Башкармасынын 2004-жылдын 21-июлундагы № 18/1 "Кыргыз Республикасынын коммерциялык банктары милдеттүү түрдө аткарууга тийиш болгон экономикалык ченемдер жана талаптар жөнүндө" жобону бекитүү тууралуу» токтомуна ликвиддүүлүк ченемине (көрсөткүчүнө) тиешелүү өзгөртүү киргизүү тууралуу токтом долбоору коомдук талкууга сунушталууда.  

Долбоор Улуутук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 25-январынан кечиктирбестен jkonoeva@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 25.12.2017
Туруктуу шилтеме

Улуттук банк Башкармасынын 2017-жылдын 20-декабрындагы токтому менен «Ак Банк» ААКсындагы Убактылуу администрация атайы режими 2017-жылдын 23-декабрынан тартып 6 (алты) ай мөөнөтүнө узартылды. 

«Ак Банк» ААКсынын Убактылуу администратору болуп Шаршекеева К.Ш. дайындалды. 


Датасы: 22.12.2017
Туруктуу шилтеме

Улуттук банктын эмгек жамаатынын жаңы төрага менен  

таанышуу аземи болуп өттү 

  Бүгүн, 2017-жылдын 22-декабрында Кыргыз Республикасынын Президентинин Аппарат жетекчиси Фарид Ниязов Улуттук банктын эмгек жамаатын жаңы төрага Толкунбек Абдыгулов менен тааныштырды.   

Жогорку Кенештин депутаттары 21-декабрда Улуттук банктын төрагалыгына Толкунбек Абдыгуловдун талапкерлигин бекиткен эле.  

 


Датасы: 20.12.2017
Туруктуу шилтеме

“Кыргыз Республикасынын финансы-банк секторун корпоративдик тескөөнүн жаңы тенденциялары жана өнүктүрүү келечеги” темасындагы конференция болуп өттү 

 

2017-жылдын 20-декабрында “Кыргыз Республикасынын финансы-банк секторун корпоративдик тескөөнүн жаңы тенденциялары жана өнүктүрүү келечеги” темасындагы конференция болуп өттү. Бул иш-чара IFC тарабынан Кыргыз банктар бирлиги, Микрофинансылык уюмдар ассоциациясы жана “Аудит плюс” компаниясы менен биргеликте уюштурулду. 

Конференцияга Кыргыз Республикасынын Улуттук банкынын, коммерциялык банктардын жана микрофинансылык уюмдардын өкүлдөрү катышышты.  

Конференциянын алкагында Кыргыз Республикасынын мыйзам актыларына корпоративдик тескөөгө тиешелүү өзгөртүүлөргө, банктардын жана микрофинансылык уюмдардын ишин тескөө системасында Директорлор кеңешинин ролуна жана маанисине, комитеттердин ишин тескөө маселеcи талкууланды. 

 


Датасы: 19.12.2017
Туруктуу шилтеме

Улуттук банк Башкармасынын 2004-жылдын 21-июлундагы № 18/1 "Кыргыз Республикасынын коммерциялык банктары милдеттүү түрдө аткарууга тийиш болгон экономикалык ченемдер жана талаптар жөнүндө" жобону бекитүү тууралуу» токтомуна өзгөртүү киргизүү тууралуу токтом долбоору коомдук талкууга сунушталууда.  

Долбоор Улуутук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 19-январынан кечиктирбестен jkonoeva@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 19.12.2017
Туруктуу шилтеме

Коммерциялык банктардын чет өлкө валютасындагы акча каражаттарын Кыргыз Республикасынын Улуттук банкында ачылган депозит эсептерине жайгаштыруу тартиби жөнүндө» жобо долбоору коомдук талкууга сунушталууда. Долбоордо коммерциялык банктар Улуттук банкта ачкан депозит эсебине чет өлкө валютасындагы акча каражаттарын жайгаштыруу тартибине карата минималдуу талаптар белгиленген. 

Долбоор Улуттук банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 19-январынан кечиктирбестен jkonoeva@nbkr.kg электрондук дарегине (Word форматында) жөнөтүүнү өтүнөбүз. 

 


Датасы: 19.12.2017
Туруктуу шилтеме

«Кыргыз Республикасынын Улуттук банкына 25 жыл» мааракелик почта маркалары  

жүгүртүүгө чыгарылды 

Кыргыз Республикасынын Улуттук банкынын 25 жылдыгына карата мааракелик почта маркалары, маркалардан турган тиркеме жана ушул күнгө карата атйы иштелип чыккан, өлкөнүн борбордук банкынын логотиби камтылган белги басылган конверттер чыгарылды.  

Маркалар төмөнкүдөй топтомдон турган тиркемелерге бириктирилди: 

1-топтомдо «Жейрен. Gazella subgutturosa» коллекциялык монетасынын (2013-ж.) сүрөттөлүшү түшүрүлгөн 50 сом номиналындагы марка  

2-топтомдо «Тоодак. Otis tarda» коллекциялык монетасынын (2015-ж.) сүрөттөлүшү түшүрүлгөн 100 сом номиналындагы марка . 

3-топтомдо 500 сом номиналындагы (2016-ж.) банкнот жана 1, 3, 10 сом номиналындагы монеталардын сүрөттөлүшү түшүрүлгөн 100 сом номиналындагы марка.  

5000 даана нускада чыгарылган.  

 

 

 

 

 


Датасы: 18.12.2017
Туруктуу шилтеме

1. Кыргыз Республикасынын Улуттук банкы «Азия Банкы» ЖАКсы тарабынан башкы бухгалтер кызмат ордуна сунушталган Сартбаева Эльнора Сейитбековнанын талапкерлигине макулдук берүү чечимин 2017-жылдын 15-декабрында кабыл алды; 

2. Кыргыз Республикасынын Улуттук банкы «РСК Банкы» ААКсы тарабынан башкы бухгалтер - бухгалтериялык эсеп жана отчёт башкармалыгынын начальнигинин милдетин аткаруучу кызмат ордуна сунушталган Носова Светлана Юрьевнанын талапкерлигине макулдук берүү чечимин 2017-жылдын 15-декабрында кабыл алды. 

 


Датасы: 11.12.2017
Туруктуу шилтеме

Улуттук банктын ченемдик укуктук актыларынын талаптарын, ошондой эле анын эскертүүлөрүн жана жазма буйруктарынын талаптарын дайыма аткарбай келгендиги үчүн 2017-жылдын 11-декабрынан тартып төмөнкү алмашуу бюросунун нак чет өлкө валютасы менен алмашуу операцияларын жүргүзүү укугуна лицензиясы кайтарылып алынды

1. «Тынча Компани» ЖЧКсына 2016-жылдын 23-августунда берилген № 5488 лицензия.  

 

Алмашуу бюросу Кыргыз Республикасынын Улуттук банкынын Талас областтык башкармалыгынын «Нак чет өлкө валютасы менен алмашуу операцияларын жүргүзүү укугуна лицензияны кайтарып алуу жөнүндө» каты менен Талас шаары, Бердике баатыр атындагы көчө, 291 дарегине кайрылып, тааныша алат. Суроолор болсо (03422) 5-23-77, 5-20-77 телефондоруна кайрылууга болот.  

 


Датасы: 06.12.2017
Туруктуу шилтеме

Расмий маалымат 

 

Кыргыз Республикасынын Улуттук банкы 2017-жылдын 7-декабрынан тартып «Кыргыз каганатынын доору» сериясындагы «Кыргыз каганатынын шайма-шай куралданган жоокери» коллекциялык күмүш жана жез-никель монетасын жана «Кыргызстандын Кызыл китеби» сериясындагы «Каркыра» коллекциялык монетасын жүгүртүүгө чыгарат.  

«Кыргыз каганатынын шайма-шай куралданган жоокери» коллекциялык монетасы бул, «Кыргыз каганатынын доору» сериясындагы бешинчи монета, ал Улуу Кыргыз каганатынын түптөлүшүнүн 1170-жылдыгына арналган.  

Монетанын алдыңкы бетинде локалдык оксиддирлөө технологиясын колдонуу менен шайма-шай куралданган жоокер элеси түшүрүлгөн. Монетанын четинде тегерете: «Кыргыз каганатынын шайма-шай куралданган жоокери» жазуусу, сол жагында монетанын номиналы (10 сом) чагылдырылган. 

Монетанын арткы бетинин чок ортосунда Кыргыз Республикасынын герби, гербди тегерете курчап турган күн жана жоокерлер элеси чагылдырылган. Монетанын сол жагында металлдын сапат белгиси (Ag 925є), ал эми оң жагында - салмагы (28,28) көрсөтүлгөн. Монетанын жогору жагында «Улуу Кыргыз каганаты» деген жазуу жазылган, ал эми төмөн жагында монетанын чыгарылган жылы (2017) берилген. 

Кыргыз Республикасынын Улуттук банкы «Каркыра» коллекциалык монетасын, сейрек кездешүүчү, өзгөчөлөнгөн жашоо принцибин тутунган канаттуулар дүйнөсү жөнүндө кеңири маалымат таркатуу жана алардын коргоого алынышын камсыз кылуу максатында чыгарган. 

Монетанын алдыңкы бетинде алтын түстө берилген каркыранын сүрөттөлүшү, анын фонунда бийлеп жаткандай сезим калтырган каркыралар тобунун элеси түшүрүлгөн. Жогору жагында монетанын кыргыз тилиндеги («Каркыра») жана латын тилиндеги аталыштары («Anthropoides virgo»), ал эми төмөн жагында монетанын номиналы (10 сом) берилген. Монетанын оң жагында металл пробасы (Ag 925є) жана салмагы (28,28 г) көрсөтүлгөн.  

Монетанын арткы бетинин чок ортосунда Кыргыз Республикасынын герби, ал эми төмөн жагында «Кыргызстандын Кызыл китеби» жазуусу, сол жагында монета чыгарылган жылы (2017) түшүрүлгөн.  

Ар бир күмүш монета акрил капсуласына жайгаштырылган жана ага сертификат тиркелип өзүнчө кутучага салынып коюлган. Ар бир жез-никель монета акрил капсуласына жайгаштырылган жана чөнөктүү таңычактарга салынган. 

 

Монеталардын мүнөздөмөлөрү

Аталышы 

Номиналы 

Металлы (сапат белгиси) 

Диаметри/ өлчөмү (мм) 

Салмагы (г) 

Сапаты 

Нускасы (даанасы) 

Сатуу баасы 

(сом) 

Кыргыз каганатынын шайма-шай куралданган жоокери 

10 сом  

Күмүш 925° 

38,61 

28,28 

«Proof-like» 

1 000 

3 000 

1 сом 

Жез-никель 

30,00 

12,00 

«Uncirculated» 

5 000 

200 

Каркыра 

10 сом 

Күмүш 925° 

38,61*28,81 

28,28 

«Proof» 

1 000 

3 150 

 

 

Монета Кыргыз Республикасынын аймагында расмий төлөм каражаты статусуна ээ.  

 

 

 

 

 

 

 

 


Датасы: 04.12.2017
Туруктуу шилтеме

1. Кыргыз Республикасынын Улуттук банкы «Кыргызкоммерцбанк» ААКсы тарабынан банктын Директорлор кеңешинин төрагасы кызмат ордуна сунушталган Хидео Саваданын талапкерлигине макулдук берүү чечимин 2017-жылдын 30-ноябрында кабыл алды; 

2. Кыргыз Республикасынын Улуттук банкы «Кыргызкоммерцбанк» ААКсы тарабынан банктын Директорлор кеңешинин мүчөсү кызмат ордуна сунушталган Хидетака Саваданын талапкерлигине макулдук берүү чечимин 2017-жылдын 30-ноябрында кабыл алды; 

3. Кыргыз Республикасынын Улуттук банкы «Кыргызкоммерцбанк» ААКсы тарабынан банктын Директорлор кеңешинин мүчөсү кызмат ордуна сунушталган Комия Кеничиронун талапкерлигине макулдук берүү чечимин 2017-жылдын 30-ноябрында кабыл алды; 

4. Кыргыз Республикасынын Улуттук банкы «Кыргызкоммерцбанк» ААКсы тарабынан банктын Директорлор кеңешинин мүчөсү кызмат ордуна сунушталган Роберт Дрессендин талапкерлигине макулдук берүү чечимин 2017-жылдын 30-ноябрында кабыл алды; 

5. Кыргыз Республикасынын Улуттук банкы «Кыргыз - Швейцариялык Банк» ЖАКсы тарабынан Башкармасынын мүчөсү кызмат ордуна сунушталган Акматова Мээрим Кадырбековнанын талапкерлигине макулдук берүү чечимин 2017-жылдын 30-ноябрында кабыл алды; 

6. Кыргыз Республикасынын Улуттук банкы «Капитал Банк» ААКсы тарабынан банктын башкы бухгалтеринин орун басары кызмат ордуна сунушталган Арстанбаева Нургуль Абласовнанын талапкерлигине макулдук берүү чечимин 2017-жылдын 30-ноябрында кабыл алды. 

 


Датасы: 04.12.2017
Туруктуу шилтеме

Улуттук банк Башкармасынын 2013-жылдын 23-декабрындагы №52/6 «Депозиттерди тартпаган МФУлардын жана Кыргыз Республикасынын Улуттук банкынын көзөмөлдүгүнө алынган башка юридикалык жактардын ишине инспектордук текшерүүлөрдү жүргүзүү жөнүндө» нускоону бекитүү тууралуу» токтомуна өзгөртүүлөр жана толуктоолор долбоору коомдук талкууга сунушталууда. Долбоор банктын расмий интернет-сайтында «Улуттук банктын ченемдик актылары» / «Талкууга сунушталган долбоорлор» бөлүгүндө жайгаштырылган. 

Долбоор боюнча сунуш-пикирлерди 2018-жылдын 1-январынан кечиктирбестен akubatbekov@nbkr.kg электрондук дарегине (Word форматында) жөнөтүүнү өтүнөбүз


Датасы: 01.12.2017
Туруктуу шилтеме

Улуттук банк «Кыргыз Республикасынын Улуттук банк Башкармасынын 2006-жылдын 30-октябрындагы № 32/2 «Кыргыз Республикасында каржылоонун ислам принциптерин алгачкы долбоордун алкагында жүзөгө ашыруу жөнүндөгү» жобо тууралуу» токтомуна өзгөртүүнү киргизүү жөнүндө» долбоорун коомдук талкууга сунуштайт. 

Долбоордо «Кыргыз Республикасында каржылоонун ислам принциптерин алгачкы долбоордун алкагында жүзөгө ашыруу жөнүндөгү» Жобонун 2.3 «Мурабаха» бүтүмү главасына өзгөртүү киргизүү каралган. 

Бул долбоор Улуттук банктын расмий интернет сайтынын Ченемдик актылар/Талкууга сунушталган долбоорлор бөлүгүндө жайгаштырылган.   

Кыргыз Республикасынын Улуттук банкы ушул долбоорго карата сунуш жана пикирлерди 2017-жылдын 30-декабрынан кечиктирбестен, eaidarov@nbkr.kg электрондук дареги боюнча берүүңүздөрдү өтүнөт. 

 


Датасы: 30.11.2017
Туруктуу шилтеме

Кыргыз Республикасынын Улуттук банкынын банктык мыйзамдарын бузуу фактысы боюнча, Бишкек шаарында, Абдрахманов көчөсүндө №144/3 жана 150 үйлөрүндө жайгашкан алмашуу бюролордун эки кызмат адамдары 50 000 сомдон айып салуу менен административдик жоопкерчиликке тартылды. 

 


Датасы: 29.11.2017
Туруктуу шилтеме

Кыргыз Республикасынын Улуттук банкынын Башкармасынын 2013-жылдын 28-мартындагы №10/13 «Кыргыз Республикасынын Улуттук банкынын валюталык своп-операцияларын жүргүзүү тартиби жөнүндө" Жобону бекитүү тууралуу» токтомуна өзгөртүүлөрдү жана толуктоолорду киргизүү долбоору коомдук талкууга сунушталууда.   

Долбоор Улуттук банктын своп-операцияларын жүргүзүү шарттарын өзгөртүү максатында иштелип чыккан. 

Өзгөртүүлөр жана толуктоолор долбоору Улуттук банктын расмий интернет- сайтынын «Улуттук банктын ченемдик актылары/ Талкуулоо үчүн долбоорлор» бөлүгүндө жайгаштырылган.  

 Долбоор боюнча сунуш-пикирлерди 2017-жылдын 29-декабрына чейин ashailoouulu@nbkr.kg дарегине (Word жана PDF форматтарында) жөнөтүүнү өтүнөбүз. 

 


Датасы: 28.11.2017
Туруктуу шилтеме

Пресс-релиз 

Кыргыз Республикасынын Улуттук банкы эсептик чен өлчөмүн 5 пайыз деңгээлинде калтырды 

 

Улуттук банк Башкармасы 2017-жылдын 27-ноябрында эсептик чен өлчөмүн (чен саясатын) 5,00 пайыз деңгээлинде калтыруу чечимин кабыл алды. Чечим 2017-жылдын 28-ноябрынан тартып күчүнө кирет. 

Кыргыз Республикасында инфляция орточо чекте. Ал эми акча-кредит саясатынын орто мөөнөткө каралган максаттуу көрсөткүчү 5-7 пайыз. 2017-жылдын ноябрь айында (17не карата) инфляциянын жылдык мааниси 3,3 пайыз чегинде катталган, бул Улуттук банктын күтүүлөрүнө туура келет. Инфляциянын айкын динамикасы импорттолуп алынган азык-түлүккө баанын төмөндүгү жана азык-түлүктөн башка товарларга суроо-талаптын басырыңкы мүнөздө болушу менен шартталган.  

Кыргыз Республикасында экономиканын алгылыктуу өсүш арымы сакталып калууда. 2017-жылдын январь-октябрь айларынын жыйынтыгы боюнча айкын ички дүң өнүмдүн өсүшү 3,9 пайызды, ал эми «Кумтөр» алтын кенин казып алуу ишканалары боюнча маалыматтарды эске албаганда, 3,5 пайызды түзгөн. Экономикалык өсүш акча которуулардын артышы менен коштолууда. Алдын ала маалыматтар боюнча 2017-жылдын январь-октябрь айларында акча которуулардын таза агымы 25,6 пайызга көбөйгөн. 

Ички валюта рыногунда абал негизинен туруктуу сакталууда. Жылдын октябрь айынын акырынан тартып ички валюта рыногунда чет өлкө валютасына суроо-талаптын аны сунуштоодон артышы катталган, бул валюталар катышынын бир аз өзгөрүүсүн шарттаган. Улуттук банк алмашуу курсунун кескин өзгөрүшүн текшилөө максатында ички валюта рыногунда чет өлкө валютасын сатуу боюнча интервенция жүргүзгөн.  

Учурдагы акча-кредит шарттары экономиканын реалдуу секторуна өбөлгө түзүү чараларын колдоого алууда. Банк секторунда кредиттер боюнча пайыздык чендер улуттук валютада сыяктуу эле, чет өлкө валютасында да төмөндөө жагына ыктап, экономиканы кредиттөөнүн өсүш арымы күч алгандыгы байкалууда. Акча рыногунун улуттук валютадагы кыска мөөнөттүк чендери өлкөнүн башкы банкы белгилеген пайыз коридору чегинде өзгөрүп турууда.  

Орун алып турган тышкы жана ички экономикалык шарттар инфляция маанисин 5-7 пайыз деңгээлинде белгиленген орто мөөнөттүк максаттуу көрсөткүчкө жакындашуусуна өбөлгө түзөт. Тышкы экономикалык чөйрөдө катталган тобокелдиктерди эске алганда, эсептик чендин мурдагы деңгээлде сакталышы экономикага өбөлгө түзүүчү чараларды андан ары колдоого алат. Кандайдыр бир кошумча тышкы жана ички таасирлер орун албаган шартта, акча-кредит саясатынын учурда бет алган багыты келерки мезгилде да сакталып калышы мүмкүн. 

Улуттук банк тышкы жана ички факторлордун инфляцияга таасир этишине мезгил-мезгили менен баа берип туруу аркылуу экономикалык жагдайга жараша акча-кредит саясатынын тиешелүү чараларын көрүүнү улантат.  

 

Маалымат үчүн: 

Улуттук банк Башкармасынын эсептик чен өлчөмү маселесине тиешелүү кийинки отуруму 2017-жылдын 25-декабрына пландаштырылган.  


Датасы: 27.11.2017
Туруктуу шилтеме

Кыргыз Республикасынын Улуттук банкынын Көзөмөл боюнча комитети 2017-жылдын 23-ноябрында Улуттук банктын ченемдик укуктук актыларынын талаптарын, ошондой эле анын жазма буйруктарын дайыма аткарбай келгендиги үчүн» «МКК «КЭШИН ЖЧКсынын каттоодон өткөндүгү тууралуу күбөлүгүн 2017-жылдын 27-ноябрынан тартып кайтарып алуу чечимин кабыл алды. 

«МКК «КЭШИН» ЖЧКсынын юридикалык дареги: Бишкек ш., Москва көчөсү, 121. 

«МКК «КЭШИН» ЖЧКсынын айкын орун алып турган дареги: Бишкек ш., И.Раззаков атындагы көчө, 15. 

«МКК «КЭШИН» ЖЧКсы Көзөмөл боюнча комитеттин токтому менен Бишкек шаары, Т.Умөталиев атындагы көчө 101 дарегине келип, таанышууга акысы бар. Маалыматтар 66 92 58 телефон боюнча берилет. 

 


Датасы: 24.11.2017
Туруктуу шилтеме

Кыргыз Республикасынын Улуттук банкы «Халык Банк Кыргызстан» ААКсы тарабынан Башкармасынын төрагасынын орун басары кызмат ордуна сунушталган Иманов Манас Кожокановичтин талапкерлигине макулдук берүү чечимин 2017-жылдын 23-ноябрында кабыл алды. 

 


Датасы: 24.11.2017
Туруктуу шилтеме

КМШ өлкөлөрүнүн улуттук (борбордук) банктарынын жана улуттук төлөм системаларынын жетекчилеринин экинчи жолугушуусу 

 

Кыргыз Республикасынын Улуттук банкынын жана “Банктар аралык процессинг борбору” ЖАКтын өкүлдөрү 2017-жылдын 22-23-ноябрында Армения Республикасынын Ереван шаарында болуп өткөн КМШ өлкөлөрүнүн улуттук (борбордук) банктарынын жана улуттук төлөм системаларынын жетекчилеринин экинчи жолугушуусуна катышып, анда “Элкарт” улуттук төлөм системасы жана анын өнүгүү келечеги боюнча толук маалымат кароого сунушталып, төлөм системаларын интеграциялоо боюнча тажрыйба алмашуу, бирдиктиктүү төлөм аймагын түзүү, инновациялык мүмкүнчүлүктөрдү кеңейтүү жагында маселелер, ошондой эле борбордук банктардын төлөм системаларын жөнгө салуудагы ролу талкууланды.  

 


Датасы: 23.11.2017
Туруктуу шилтеме

Бишкек шаарында Абдрахманов көчөсүндө, №150 үйүндө жайгашкан бир юридикалык жак Кыргыз Республикасынын Улуттук банкынын лицензиясыз нак чет өлкө валютасы менен алмашуу операцияларын жүргүзүү фактысы боюнча Кыргыз Республикасынын Улуттук банкы тарабынан 250 000 сом өлчөмүндө айып салуу менен административдик жоопкерчиликке тартылды. 

 


Датасы: 23.11.2017
Туруктуу шилтеме

2017-жылдын 22-ноябрында Кыргыз Республикасынын Финансы министри Касымалиев Адылбек Алешовичтин жана Улуттук банктын Төрагасы Кулматов Кубанычбек Кеңешевичтин катышуусунда Ведомство аралык координациялык кеңештин отуруму болуп өттү

Отурумда акча-кредит жана салык-бюджет саясаттарынын макулдашуу, ошондой эле Улуттук банк менен Финансы министрлигинин мындан ары кызматташуу жана биргелешип аракеттенүү маселелери талкууга алынган. 

 

Маалымат үчүн: 

Акча-кредит жана салык-бюджет саясаттары боюнча чаралардын макулдашуунун негизинде ишке ашырылышын камсыз кылуу максатында 2010-жылы Улуттук банк менен Финансы министрлиги тарабынан Ведомство аралык координациялык кеңеш түзүлгөн. Кеңештин отурумдары мезгил-мезгили менен өткөрүлүп турат.