Долбоор 

Кыргыз Республикасынын Улуттук банк Башкармасынын  

2007-жылдын 30-ноябрындагы №51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна өзгөртүүлөрдү киргизүү жөнүндө 

Кыргыз Республикасынын "Кыргыз Республикасынын Улуттук банкы жөнүндө" конституциялык Мыйзамынын 5, 9 жана 64-беренелерине ылайык, Кыргыз Республикасынын Улуттук банк Башкармасы токтом кылат: 

1. Кыргыз Республикасынын Улуттук банк Башкармасынын 2007-жылдын  

30-ноябрындагы № 51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна өзгөртүүлөр киргизилсин (кошо тиркелет). 

2. Юридика башкармалыгы: 

- тиешелүү документтерди алган күндөн тартып 3 (үч) жумуш күнү ичинде токтомду Улуттук банктын расмий интернет-сайтына жарыяласын; 

- расмий жарыялангандан кийин токтомду Кыргыз Республикасынын ченемдик укуктук актыларынын мамлекеттик реестринде чагылдырылышы үчүн Кыргыз Республикасынын Юстиция министрлигине жөнөтсүн. 

3. Төлөм системалары башкармалыгы тиешелүү документтерди алган күндөн тартып 5 (беш) жумуш күнү ичинде ушул токтомду белгиленген тартипте андан ары мамлекеттик каттоодон өткөрүү үчүн Кыргыз Республикасынын Экономика жана коммерция министрлигине караштуу Стандартташтыруу жана метрология борборуна жөнөтсүн.  

4. Токтом расмий жарыялангандан 15 (он беш) күн өткөндөн кийин күчүнө кирет.  

5. Бухгалтердик эсепке алуу жана отчеттуулук башкармалыгы жана Банктык эсептешүүлөр башкармалыгы Улуттук банктын "Башкы китеп" банктык маалымат системасындагы, Пакеттик клиринг системасындагы жана Айкын убакыт ыргагында эсептешүүлөрдүн гросстук системасындагы төлөм коддорунун маалымдамасына тиешелүү өзгөртүүлөрдү киргизсин.  

6. Төлөм системалары башкармалыгы 3 (үч) жумуш күндүн ичинде ушул токтом менен Кыргыз Республикасынын Финансы министрлигин жана коммерциялык банктарын тааныштырсын.  

7. Токтомдун аткарылышын контролдоо Төлөм системалары башкармалыгынын ишин тескөөгө алган Кыргыз Республикасынын Улуттук банк Башкармасынын мүчөсүнө жүктөлсүн. 

Кыргыз Республикасынын Улуттук банк Башкармасынын 2007-жылдын 30-ноябрындагы № 51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна 

өзгөртүүлөр  

Кыргыз Республикасынын Улуттук банк Башкармасынын 2007-жылдын 30-ноябрындагы № 51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна төмөнкүдөй өзгөртүүлөр киргизилсин:  

жогоруда көрсөтүлгөн токтом менен бекитилген Төлөм жүгүртүлүшүнүн мамлекеттик классификаторунун:  

- 4210000 "Кызмат көрсөтүүлөр үчүн төлөмдөр" тобу төмөнкү мазмундагы 42160000 "Виртуалдык активдерге байланыштуу кызмат көрсөтүүлөр" чакан тобу менен толукталсын: 

" 

" ; 

- 4350000 "Кызмат көрсөтүүлөр үчүн төлөмдөр" тобу төмөнкү мазмундагы 43550000 "Виртуалдык активдерди сатып алуу-сатуу боюнча төлөмдөр" чакан тобу менен толукталсын: 

" 

"; 

В тиркемеси (маалымат): 

- төмөнкү мазмундагы жыйырма экинчи абзац менен толукталсын: 

"4216 Виртуалдык активдерге байланыштуу кызмат көрсөтүүлөр"; 

Кыргыз Республикасынын Улуттук банк Башкармасынын "Кыргыз Республикасынын Улуттук банк Башкармасынын 2007-жылдын 30-ноябрындагы № 51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна өзгөртүүлөрдү киргизүү жөнүндө" токтом долбооруна  

МААЛЫМДАМА-НЕГИЗДЕМЕ 

1. Максаты жана милдеттери 

"Кыргыз Республикасынын Улуттук банк Башкармасынын 2007-жылдын 30-ноябрындагы № 51/4 "Төлөм жүгүртүлүшүнүн мамлекеттик классификаторун бекитүү тууралуу" токтомуна өзгөртүүлөрдү киргизүү жөнүндө" токтом долбоору (токтом долбоору) "Виртуалдык активдер жөнүндө" Кыргыз Республикасынын Мыйзамына ылайык жүзөгө ашырылуучу виртуалдык активдер кызмат көрсөтүүлөрүн берүүчүлөрдүн операцияларына байланыштуу төлөмдөрдүн коддорун киргизүү максатында иштелип чыккан. 

2. Түшүндүрмө берүүчү бөлүк 

2022-жылдын 28-июлунда виртуалдык активдерди жүгүртүүдөн келип чыгуучу мамилелерди, башкача айтканда, аларды түзүү, чыгаруу, сактоо жана жүгүртүүнү жөнгө салууга багытталган "Виртуалдык активдер жөнүндө" Кыргыз Республикасынын Мыйзамы күчүнө кирди. 

Жогорудагы Мыйзамга ылайык, жеке жана юридикалык жактар төмөнкүлөргө укуктуу: 

1) виртуалдык активдерге ээ болууга, пайдаланууга жана тескөөгө, анын ичинде виртуалдык активдерди виртуалдык активдердин башка түрлөрүнө алмаштырууга, ошондой эле виртуалдык активдер чөйрөсүндөгү мыйзамдарда белгиленген тартипте виртуалдык активдерди сатып алууга же сатууга; 

2) виртуалдык активдер чөйрөсүндөгү мыйзамдарда белгиленген тартипте майнингди жүзөгө ашырууга; 

3) виртуалдык активдер чөйрөсүндөгү мыйзамдарда белгиленген тартипте виртуалдык активдерди колдонуу менен башка ишти жүзөгө ашырууга. 

Мындан тышкары, аталган Мыйзам Кыргыз Республикасында виртуалдык активдерди тейлөө провайдерлеринин ишин мамлекеттик жөнгө салууну киргизди. Виртуалдык активдерди тейлөө провайдерлери төмөнкү кызматтарды көрсөтө алышат: 

1) виртуалдык активдерди сатып алуу жана сатуу (алмаштыруу); 

2) виртуалдык активдердин ортосундагы алмашуу; 

3) виртуалдык активдерди которуу; 

4) виртуалдык активдерди сактоо, башкаруу жана контролдоо; 

5) эмитенттин виртуалдык активдерин баштапкы жайгаштырууга жана (же) сатууга байланышкан финансылык кызмат көрсөтүүлөр. 

Виртуалдык активдердин жүгүртүүсү катышуучулар тарабынан коммерциялык банктар аркылуу накталай эмес төлөмдөрдү жана эсептешүүлөрдү камтыйт, бул төлөм жүгүртүүнүн мамлекеттик классификаторуна тиешелүү төлөм коддорун киргизүүнү талап кылат. 

Жогорудагы төлөм коддорун киргизүү төлөмдөрдүн ачыктыгын камсыз кылуу жана виртуалдык активдердин жүгүртүүсү менен байланышкан финансылык агымдарды талдоо үчүн виртуалдык активдер менен байланышкан накталай эмес төлөмдөр боюнча маалыматты тартипке келтирүү жана системалаштыруу үчүн зарыл. 

Ушуга байланыштуу сунушталган токтом долбоорунда төлөм жүгүртүүнүн мамлекеттик классификаторун виртуалдык активдер менен операцияларды чагылдырган төлөм коддору менен толуктоо сунушталууда. 

3. Социалдык, укуктук, укук коргоо, гендердик, экологиялык, экономикалык жана коррупциялык натыйжаларды болжолдоолор 

Токтом долбоорун кабыл алуу социалдык, экономикалык, укуктук, укук коргоо, гендердик, экологиялык, коррупциялык кесепеттерге алып келбейт. 

4. Коомдук талкуунун жыйынтыгы тууралуу маалымат 

Кыргыз Республикасынын "Кыргыз Республикасынын ченемдик укуктук актылары жөнүндө" Мыйзамынын 22-беренесине ылайык, токтом долбоору коомдук талкуулоо үчүн Улуттук банктын расмий интернет-сайтына, ошондой эле Кыргыз Республикасынын ченемдик укуктук актыларынын долбоорлорун коомдук талкуулоонун бирдиктүү порталына жайгаштырылат (koomtalkuu.gov.kg). 

5. Долбоордун мыйзам актыларына ылайык келүүсүн талдоо 

Бул токтом долбоору Кыргыз Республикасынын мыйзамдарына каршы келбейт. 

6. Каржылоо зарылчылыгы тууралуу маалымат  

Бул токтом долбоорун кабыл алуу Улуттук банктын бюджетинен же мамлекеттик бюджеттен кошумча каржылоону талап кылбайт. 

7. Жөнгө салуучу таасирин талдоо жөнүндө маалымат 

Улуттук банктын 21-жылдын 2022-декабрындагы токтому менен бекитилген Ишкердик субъекттеринин ишине ченемдик укуктук актылардын жөнгө салуучу таасирин талдоону жүргүзүү Методикасынын 3-пунктуна ылайык, ыи 2022-ж-02/81-6-(ЧУА), токтомдун долбоору ЖСТТ жүргүзүү талаптарына туура келбейт, анткени юридикалык күчүнүн даражасы боюнча жогору турган ченемдик укуктук актыларга ылайык келтирүүгө багытталган. 

"Кыргыз Республикасынын Финансы министрлигинин 2017-жылдын 21-декабрындагы № 161-Б "Кыргыз Республикасынын Бюджеттик классификациясын бекитүү тууралуу" буйругуна өзгөртүүлөрдү киргизүү жөнүндө" Кыргыз Республикасынын Финансы министрлигинин буйругуна 

САЛЫШТЫРМА ТАБЛИЦА